San Martín de Trevejo - Caceres

Ei sendu vidinhu de elis recordu algum'as coissas que vos voi a contal.
Empezu pol Don Eduardu que vivia cum sua subrinha Nicolasa, boa persoa.
Cuandu feia o rossariu d'Aurora diva pol as calhis i segun que sitiu
empezaba idendu, asómate comunista, que pasa la Virgen por delante de tu
casa y no sales a saludarla, cumu os bos chistis, sin palabras.
Otra vé se estaba morrendu algén, num recordu ben si era tia Claudia u
otra mulhirita, Don Eduardu diva a dali a extremaunción i de pasu quiria
fel testamentu en articulus mortis, pos nicisitaba um tistigu, le pegó
ena porta a Xuliu O Marica sulicitandu sua presencia, esti pobri homi
num se le ocurrí idel otra coissa que num se levaba cum a muribunda,
que le dixu, o metei entra as pernas i se lió a punhetadus cum él hasta
que o fidu sangral da palidia que le dó, Pacu o de tia Cándida que vivia
dondi agó vivi Bernarda idia, ia o mata iao mata.
Tuvu que dil a curalsi dondi o prácticanti, a vorta estaba mei pairi
leendu algu sentau ena escaleira, levantó a vista da escritura i le preguntó a Xulio, que tal estás, o bô homi dixu, voi a subil a pili
perdón, me pairi le contestó, ni se te ocurra, deixo cumu está polque
a coissa esta inda quenti, Xuliu contestó, esas mas están feitas pâ
consagral num pâ pegal, vendu que num habia remelhu inda le dixu mei
pairi, alá tú,peru fai um ratu boas hostias consagrás t'ha dau.

Otru dia falaré de otrus curas, tôs a cúal milhol.

Soidi pâ tôs.

Un bó peza.Con coixas comu esta o refrán "Dos abogaus y dos curas,contra mais lonxi,millor"...ditu sin ánimu de ofender a naidi,claru.
Soidi a Fala...y a os abogaus y curas

Esta mereci un 9,75 de puntuación.
Cuandu avrí o foru esta mañán y lií o tei escritu,me piguí unha panzá de ril ,y Maiti me idia , que te pasa PAPA--na__ que esti Nachu e a ostia,
le disi, cuandu acabis de almodal ves, y les o que a escritu, cuandu o estaba leendu ela se riia, MAITE que te pasa,nada que está graciosísimo.
Esta nun nos habias contau.
Bueno NACHU

Beisus pa BEGU Y fAMILIA.

Soidi pa tós

Cana

Ei tamen recordu a D. Eduardu, que era de "Fueteguinaldo", pueblu de a provincia de Salamanca. Entoncis viñan os Curas de esta Provincia y os dagais que estudiaban pa Seminarista diban a Ciai, porque perteneciamus a esta Diócesis y non a de Coria-Cáceris, cumu se perteneci agora.
D. Eduardo me bautizó, me dó a primeira Comunión Creu que a mayoría de os que estamus en esti Foru tamén se la dó.
A quin le pegaba boas palidias era a un Subriñu de él, que dibiría ser hermanu de Colosa, porque era muy travesu.
Tiña una cana de "Bambú" que desdi o centru de a Igleisia, alcanzaba as duas partis de os bancus y os que nun atindian, le zumbaba con a cana.
Feya sorteos de os valis que entregaban a os que diban a Catequesis de o verán
Y una vé fidu un exámen de o Catecismu y os que millol contestamus nos regaló, 25 Ptas. de aquel entoncis, to un iñeiral.
Un dia ei era muy pequenu y estaba en o Patiu de fora de a Igleisia y estaban dandu Clasi a os de primeira Cumunión. Pegorin con peiras en a Porta de a Igleisia unhos dagais y seiran correndu. Ei cumu estaba jugandu alí, me agarró D. Eduardu y me dó unas Tortas, sin sabel o motivu. A Mairi de Emilio Gardin Martín estaba en a ventan y presenció o Espectáculu y se lo disiu a miña Mairi, que ei nun había feitu na mau y tamen mo disiu a mí,sin embargu as tortas, ya mas a había dau a mí.
Soidi a Fala.
Chalrrieira.