San Martín de Trevejo - Caceres

Poi sel que sea ya unha batalla pirdia, como poi sel que sea o afan mei por que se quitin de unha ve os macetos tan feus que desfiguran a nosa plaza; pero e que os non identificaus, mutus dos cualis se escudan en isu pa abusal da libertai de expresión, nun dibian aparecel en o foru ya que, opinal sobre o que propon un descuñuciu, sin firma, sin nomi, aunque si firmi con un que nun sea o sei, pa mi, por lo menus, nun ten niñun alicienti.
Está ben fel unha encuesta sobre as tabernas do lugal, por que de esa forma, os que explotan o negociu, se esmararán y tratarán de agradal mais a parroquia, tel bo viñu y obsequiel con un sabrosu pinchu. En cualquel casu, ya se sabi que por a cantiai de clientela que se ten, ya se descubri quen se esmera mais o non.

Agó, cambiandu de tema, pensu que, a os que nun hemus puiu dil a o lugal en estas fechas pasás, nos gustará sabel como se han pasau estis dias, si ha habiu muta concurrencia o mutu turismo o si ha habiu algún sucesu dignu de mención, por que, hasta agó, naidi ha falau do tema, ni por parti de os que, vivindu fora, han diu a o lugal como de costumbri, ni por parti dos que vivin permentimenti en él.

Por oixi na mais, Soidi pa tos y pa a fala y un Saluu de Chitu.

Estimau amigu y forista Chitu:Estoy de acordu contigu en o referinti a os "Nun Registraus", que nun dan a cara y aproveitandu a libertai de expresal cualquel idea, interrumpin, a vedis sin respetu, o bo ordin, educación y armonia que hay en esti Foru.
En cuanto a encuesta de os baris. Ei nun estoy a favol de indical a través de esti meyu, cuál e o bar que pon o millol pinchu, o que millol tertulia ten, etc. porque beneficiamus a un forista o mañegu, pero perjudicamus a otru. Ademais, en esti casu sairian mutas opiniós y se discreparia mutu sobre esti particulal.
O millol e recorrel toos os baris y restaurantis y ca ún sacará a conclusión que queira.
Me han ditu por teléfunu, que o Cementeriu estaba muy lindu, ben arreglau, pol as persoas que han estau en o Paru Obreiru.
Soidi a Fala.
Chalrrieira.

Estoi segura que o que a feitu esa pregunta sobri os baris de o lugal os conhoci muy bem y me pareci um-a falta de respetu patos os baris ,ami personal menti num me gutaria que se falara mal de mei tiu ,comu didi o refran ¡ Cuandu o diablu num ten na que fel con o ravu mata moscas ¡pero bueno Asi esta a via de mal educaus . Ei tamen pensu comu CHITU a senti que a estau en o lugal que nos coti algu . Soidi a fala

A reflexión que me fayu sobre os baris do lugal
unhos 10, sin contal con o da piscina, me pareci que
son mutus pa unha población de 1.000 habitantis.
Supoñendu que os frecuenti unhos 200, tocan a 20 persoas
por bar. Os fin de semana y os 20 días do mes de agostu
se incrementa a clientela en un porcentaji mas altu.
Nun fai mutu tempu se falaba sobre o "bo/mau" viñu de
os baris, pero agora a genti ya nun chatea.
O viñu que vendin,salvu excepciós, nun me gusta.

"Saber algu sobre o lugal" =!54 paraus!

Está ben que o cementeriu esté relucienti, pero a NUTICIA
é esta: QUE SON MUTUS OS pARAUS.
A miña solidariai con tos el.lis y con a esperanza que prontu
sayan de esa INJUSTA SITUACIÓN.

boas tardis.

Amigu Chitu: Naidi a comentau na de esti fin de semana. En primer lugar habiu muta yenti,fidu un dia muy bo, y o cementeriu estaba muy ben,muy limpu,mutas floris,comu tos os anus a Misa foy as cuatru.
Amigus de o Foru anduberan por aqui,Fonti Nova,o Muñu, Brodas,yCapitan Centenu,charli un ratu con elis,pero na de particular,nun se comento na de afesta de o Foru,y pareci que esta to muy calau. En cuantu a os Baris de San Martin,son tos muy bos,nos atendin ben y creu que nun mereci fer distincios, ademais caun vay a don di le gusta mais y o mismu pasa con un Restaurantis,tos dan boas cumias pero aunos le gusta mais que a otrus y por isu que caun faya o que millor le guste.
Un saludu y comu sempris AUPA a fala .
ELSALTO

O que a feitu a pregunta dos baris nun creu que sea do lugal. En o foru de Vilamel a postu o mismu y ali le han contestau ca un o que le a pariciu sobre o sitiu dondi se comi o se esta millol. Nun veu porqué un nun poi idel un o bar que le gusta mais i teña que queal mal con os otrus.Ademais isu se nota por os clientis que te ca un.
Chitu está fartu de idel que os macetós habia que quitalos y por isu nun está tratandu de enemistalsi con naidi.Porque nun estemus de acordu con algu o nos gusti mais un sitiu que otru nun creu que fayamus mal a naidi, sempri que se faia con o debíu respetu.
Didi Chenchu que hai unhos de baris. Nun me recordu exáctamenti a fecha, pero alá por os 65, unha ve nos entretuvimus contando os que había i nos seian sobri vinti.
Buenu, como didi O saltu, ca un que vaya dondi le de a gana. Y comu didi esi "nun registru" que se chama Calus, tampoicu hai que dali importancia. Le dau un repasu a mutus forus y en tos hai nun registraus .
Forti abrazu.