San Martín de Trevejo - Caceres

Boos dias Mañegus, Mañegas, Foristas, etc. Cumu mañan e o fin de o anu 2009, esperu que os quintus de o Lugal o sigan celebrandu cumu féyamus en tempus. Aunqui agora ya nun está o Saxofon ni a trompeta de os de o Baile de o "Gatu", que seyan pol a calli cantandu con os Quintus. Primeiru pol a tardi habia baili gratis pa toa yuventud de o Lugal, logu se diban a Ceal a algunha casa que habian preparau unha cumilona y dispois a plaza a fel fogu y a vel que o reloj, tocara as dodi de a noiti pa celebralo. Logu toa noiti cantandu pol as callis de o Lugal con os Músicus. Mutus eran novius y le cantaban en a porta as novias. A o dia siguienti, casi niñun puia abril a boca de afonía que se habian agarrau.
Que sigan rondandu os novus quintus y que a festa de o fin de anu nun se abandoni. Viva a quinta de o anu 1964. Ya chovei desde entoncis.
Soidi a Fala.
Chalrrieira.