San Martín de Trevejo - Caceres

Bos tardis a tos: Acabu de chegal de un Congresu celebrau en Cáciris, relacionau con a miña profesión, y veñu orgullosu por que nun he uiviu mais que elogius de o lugal y as suas gentis; algún compañeiru de paquí abaisu foi a pasal unhos días por indicación miña - a pesal mei ya que nun he puiu coincidil con elis aei - y os atenderan magnificamenti en a casa Rural de Ninis y Uve ( nun e propaganda, e a verdai), hasta beberan viñu da sua pichorra. Esta genti se desfeya en elogius de o nosu lugal y de os alreoris, de a cumia y de a hospitaliai. Tamén algún otru cuñuciu estuvu en San Martiñu y me do unha envidia de meu, cuandu me contorin que a genti, en general, se volcó con as pichorras. Viñu sanu,pinchus y amabiliai pa dal y regalal. ¡Enhorabuena a tos! Os que con orgullu paseamus a nosa "mañeguiai" (vaya palabra)por dondi quera que vañus, nun cabemus en a roipa cuandu, como me ha pasau a mí agó, didis de dondi eris y te envidian por o lugal tan lindu. Me idia o Decanu de Cáciris " para mi es el pueblo mas bonito de la provincia y el mas hospitalario". ¡Que nun se rompa esa imagin nunca !

Agora, cambiandu de terciu, teñu que idel que me gustaría que o foru tuvera coñocimentu, antis de insertala en o vocabularia que estamus construindu, de cualquel palabra nova que se fora a colocal, ya que hay mais de unha colocá que, pareci ser, nun son correctas. Asi, habría un contrasti de pareceris previu. Na mais, Un saluu. Chitu

¡¡Hola Chitu!!. ¿que tal vai esa via?.Nun te faltan mutivus pa estal orgulloxu do tei Lugal. Gracias a mañegus i mañegas comu "Tú", habeis colocau a San Martín arriba en o "Podium".Os demais,colaboraremus comu boamenti poamus pa mantelo en esa posición.

¡¡a cepa!! .A mayuria dos participantis en on foru,ya me coñocin; pa os que nun sea así.Vos diré: ¡que soi Pacu!,un fillu de Tia Isabel a Charra.

Un abrazu pa tos/as, FONTI NOVA

PD. Dali un apretón de mas a Gonzalu.