San Martín de Trevejo - Caceres

Ia era hora.
Os mécus nos'o habian pruhibiu caisi tô: o tabacu, as hamburguesas, as palumitas, as patatas frixias, as carnis coloras, os donuts, o vinhu....
Peru, pol fin, fai poicu, um'a aligria: os científicus alemás recomendan en um estudiu feitu, tomal um'a pastilha de chocolati negru a'o dia, porqui redudi a tensión arterial.
Sempri nos queará o cacau. Nus dixeran que somus o que comemus i han cunsiguiu que vaiamus a'o mercau cumu si fóramus os astronautas en'a Estación Espacial Europea, que se pasan o dia cunsultandu manuais de ensaius, u os invistigaoris do CSI, que recoyin obsisivamenti mostras pa'analizalas.
Cumel ha deixau de sel um pracel i nus'u han cunvirtiu enum anunciu do apocalipsis.
O chocolati é um dos primeirus productus indultaus por'a ciencia, dispoís da publicación en um'a rivista méica do documentau trabalhu do hospital Universitariu de Colonia.
O chocolati negru ha siu bindidiu a'o atribuilsili antioxidantis que contribuyin a dilatal as arterias.
Duranti anus habia siu objetu de um sinfin de acusacios que diban desdi u origin das cariis infantis a'o sobrepesu, pasandu pol cefaleas o problemas metabólicus.
De um tempu a questa parti, a imagin do chocolati ha diu meiorandu a'os olhus da ciencia, por'o que se ha rivindicau cumu fonti de soidi, hasta acabal en um'a priscripción propia d'os mécus de cabeceira.
Isu sí, o chocolati debi sel negru, e idel, o que máis concentración de cacau ten, pa que actúi.
Pol certu, que'as cualiais benéficas do chocolati pa'o colpu foran ia expostas pol nossu paisanu Hernán Cortés en suas cartas a'o emperaol Carlus V. As navis que chegaban das Indias treian sim falta cacau,aunqui a documentación de palaciu num registró as primeiras remesas, o que se explica por'a voluntai real de que fora directu a'o guardajoias real, lonyi das golosas mas de extranhus.
Prontu empezorin as insidias contra o chocolati, aunqui foi a Igreixia i num'a midicina a pioneira en dal'a lata, ia que o cleru mostró sua preocupación moral sobri o pusibli quebrantamentu do aiunu a'o tomalo.
O indultu a'o chocolati calmará a'o Ministeriu de Saniai, que num deberá anhadil um'a máis a sua lista de pruhibicios.
Cumu quirian fel cum'o vinhu, peru istu cumu di Chitu, é farinha de utru costal.
Esperu num habel aburriu a naidi, peru se me nota que soi netu de um chocolateiru, ia vos contare otru dia.
Soidi a tôs i larga via a fala.

¿ Nun representarás Chocolati?.Nachitu. Estupendu por que estás fendu patria y , por que non, sana publiciai , ya que o que didis e verdai, de feitu ei suelu comel chocolati, muy poicu claro, mais de unha noiti vendu a tele, mais que na pa quital os maus saboris de boca que te deisan a vedis esis telebasura que nos metin po corpu. ¿Quin nun merendó de pequenu pan, mutu, con chocolati, poicu? Pues isu. Tuvi ocasión de visital en Villajoyosa, unha fabrica de Chcolati de unha marca muy cuñucia y habia un cheiru tan agradabli y tan intensu desde que te acercabas, que caisi te enganabas y paricia que degustabas chocolati, chupando un deu. Caisi, caisi ¿eh?, que como vivu paqui abaisu algu exageru, pero algu hay que idel pa mantel a chama de esti foru. Por certu, Tribuleti, ten que andal inda buscandu a esa dagalita inglesa de Purtugal, por isu no apareci por aquí, Cerrumiquili, ya ten que habel cambiau de airis, que en o invernu estas pequenas rapacis, se van. Desde dondi estés di algu home. JL. Macama.M/E ,Poyalis, Indanunsé, Brodas, Anduriña, Cana, Meñega, Bayle, Pirata y os demais que se me ulvían fai tempu que nun se vos vé por aquí. Soidi a Fala y pa tos. Un saluu de Chitu

Amigu Nachitu:
Nun te pois fel in-ha idea, ¡Nun sabis cumu m'alegru d'o indultu d'o chocolati!.

Isu a os manhegus nos ven ben, ya que os d'os lugaris cercanus nos chaman "manhegus golosus", o cual creu que sólu é envidia cuchina.

Tamén hemus de recordal que fai un-hos anus había en o lugal varias fábricas de chocolati. Quizá esa anatemización d'o mismu puera sel u origin d'a decadencia económica, demográfica y quizá social d'o lugal.

Inclusu hubu, en un tempu remotu, un-ha especii de periódicu local que se chamaba "A CHOCOLATEIRA". Significativu ¿verdais?.

O únicu que nun cualla é o d'o paisanu Hernán Cortés, porque en aquelis tempus San Martín (ignoru si entoncis era "d'os vinhus"), nun estaba mitíu en Extremaúra. Bueno y agora porque alguin o decidí, que de isu habría mutu que fala, y estaría por vel.

¿En qué se pareci una de Medellín y un d`olugal?

BOAS NOITIS (nos dé Dios, que diría D. Eduardu)

B.RODAS

Estimau Brodas.
Veu cum agradu que recordas o tema do chocolati en'o lugal.
Entri otrus, tiu Julián Painu, o enanitu i mei agüelu tiu Luis Martin, o culapas, eran chocolateirus.
Treian o cacau de contrabandu de Purtugal, o treian en cantarinhas de leiti con dobri fondu, o cacau abaixu i'a leiti arriba.
Feian chocolati por as casas dos ricus i'o guadaban en latas pa to anu,
cum'a cascarilla muia con cacau, farinha i azucal morenu, de cana que era mui bo i dulci, feian chocolati pa fel a taza.
Eran tempus difícilis i num prospero a industria.
Recordu en casa de mei agüelu o munhu do cacau i'os moldis dondi feian as tabletas, naidi da familia recorda dondi ha diu a paral to istu, tamen recoldu de vel dois clarinetis, porque era o instrumentu que tocaba ena banda que montorin os jesuitas purtuguesis.
Do periódicu A Chocolateira tinha cunhucimentu por'o parenti Mingu, esti verán despachamus agustu, me conto cantiai de historias, mutas recordaba porque mei pairi tamen más contaba. Por certu, nacei en'o 36, esti mes o dia dedaoitu fai os anus.
Pa Chitu, ideli que conhozu esa fábrica, a marca é Valor.
Ëi impici en'o anu setenta i cincu con El Gorriaga, despois he siguiu con otras maarcas, soi autónumu i agenti comercial.
De Catalunha representu i distribuiu cuatru marcas de bombos artesanus i um'a de chocolati dos poicus que a nivel nacional estan queandu, de Jaén, Donha Jimena, esta te poi soal máis.
Bueno, soi chocolateiru por excelencia, que se le vai a fel.
M'alegra estas conversacios, de vinhu entendu menus, peru esti verán Chitu ia me ensino algum'a coixa.
Carlus I, uniu a extremaúra os ultimus anus, idia sobri o vinhu de pitarra, que feia fincal o denti, guinhal u olhu i sabia a verdi.
Forti abrazu i larga via a fala.

Tamen e afrodisiacu, asin que quen queira eital un "kiki" que se tomi unha pastilla de "Valor",que me pareci que ya mutus nun esteis pa mutus "trotis", buenu, vamus a poñel estamus...
Chitu, o tema da dagalita inglesa e demasiau forti pa mi, ya o dixi...
que nun tendria bo fin. Si nun son os pairis culpablis as estarás pasandu p... y si son, as tiñan que pasal mais p....
E un tema muy delicau y ei o máximu que me han queau despois de tos os embargus son unha lupa y unhos prismaticus.
O que me ten intrigau e Alfena, si nun e o que ya tiñamus en o foru, ten que poñelsi os dois palitus (II), y si e novu en éstas lidis está muy impostu en tos os temas. Nun se si si aplicali o tercel grau a O Saltu pa que "canti". Ben vindu Alfena.
Chenchu, déxami éstis temas pa mi que a MM ya a teñu acorral@, solu me quea sabel o sexu y o nomi, dois datus de ná.
Forti que forti abrazu. T.R.I.

Boas tardis a tos:

Ya estaba pensandu que en o foru eramus cuatru o cincu persoas na mais.
Comu ves nun entendu de tos os temas. De chocolati por lo menus non. Me encanta coñocel coxas que tenin que vel con a vía d´o lugal. Comu sabis nun sé practicamenti ná. Si había otro Alfena antis nun o sé ei soy novo y creu que intri en o foru o día 20 de septiembri. Para rocoñocelmi será dificil porque anuque vos dera tos os datus soy practicamentiu descuñuciu en Sa Martin. Mei seudónimu é to con minúsculas "alfena" si necesiai de poñeli os dois palotis (II). Ei entri as fotografias do foru e mirau esas en as que apareci xenti en o "día do foru" si coñozu agenti, pero a dois o tres na mais.
O Saltu dexelo en pa con o sei secretu.
Soidi a fala."Mañegus a laixa" comu didin os lagarteirus.

Falar de chocolatis y se vus ulvia MATIAS LOPEZ, qué pipiolus sois, vosotros perteneceis a generacion dos NOCILLEIRUS.
Don Ciprianu me respondei que "sucedáneo", asi o idia a etiqueta, significaba que era bo, logu me eitó a bronca por comprar o cuadernu en Galdín "se corre la tinta", "los mios son los buenos como el chocolate MATIAS LOPEZ" nun se me ha ulviau nunca esta anécdota y mutu menus o significau de SUCEDANEO.
¡¡Y o papel de plata do chocolati pa os "nigritus"!! isu era reciclar.
Me gusta mutu o chocolati, o negru cumu didi NACHITU, pero nun en as tartas, ni en os helaus...aqui en unhas cafeterias que chaman "GRANJAS",( o que invento a CACAOLAT ten unha)o preparan espesu cumu ten que sel y le ponin abundanti nata encima, o chaman SUIZU. ¡Qué maravilla! o contrasti-sabor da nata fresca y o chocolati quenti
con churrus, por ejemplu.
As MONAS de PASCUA creas por artistas chocolateirus: reproduciós en miniatura de monumentus o to que teña que vel con o Barça.
O OVU de PASCUA!!! protagonista de esi dumingu de Resurrección.

T.R.I que ei solamentu pretendu investigar pequenas minucias, agora estoy con un "NO IDENTIFICADO" que o e bautizau con "mm", con a suas opiniós maximalistas ya se le ve o plumeiru. Nun poi aceptar que se poya construir unha carreteira con o menus danu ambiental pusibli; cumu aquel mal cirujanu, que cortó o pé cuando con un deu hubiera puiu evitar a o enfermu a cangrena.
¿Te gustaba T.R.I o chocolati Matias López?

"alfena" gracias por a respota, y ya faire un comentariu pero sin meu algun, aqui femus usu da libertai de expresión.To digu porque entre lineas te he notau que andabas con meu, con os pes de plomu. ¿Pur qué?
Se nota, con toos os meis respetus, que nun pertenecis a familia dos landios.

boas tardis
chenchu

-Hola Nachu!.
Tinha as minhas dudas. Pero dispois de leel o escritu de "el salto" ha queau claru."Tiu Luis o Culapá". (O, que cantaba as missas de "Réquiem").
-Maire!, ¡me impresionaba aquela vo tan gravi!. ¡Vaya tenor,qué potencia!. Era,un-ha vo,que retumbaba por toa iglexia comun truenu; -a vedis masustaba-.

Nachu: ya veu,que te dedicas andulzar a vía das perssoas, -nobli professión-.Cuandu tenhas,algún dessi chocolati que didi "Tribuleti"-¡¡por favor!!-, nun deissis de idilo.

Ignoraba,que tei agüelu fora fabricanti de chocolati. O únicu chocolati que cunhucí eno Lugal,foi, un qu’ovindía "Tiu Roxariu",era da caxa "Matias Lopez".Suponhu,que se trata do mismu que menciona Chenchu. Recordu,que tinha un-ha fotu eno envoltoriu mui curioxa,(as tres parelhas). Seguru, qu’os asesoris de Marketing d’agora, huberan postu o gritu eno Ceu.

Recordu,qu’a minha máiri a treya poro caminhu d’amargura cono dichoxu chocolati. Pues,entraban un-hos cromus de "Diego Valor"-seguru que mais d’un s’acorda- i que feya un-hos negocius de meu con "Chuchi o Matías"-tes esti? ¡non!, ¡i esti !,o tés tú?, ¡sí!, ¡esti ya o tenhu!... –Eran, otrus tempus.

Soidi a tos, FONTI NOVA

A istu ya se le poi chamal "un-ha panzà de chocolati", a verdais e que è un productu que a tò mundu nos gusta, ei, por ejemplu tos os dias dispois do traballu, sempris me teñu que tomal a miña "dosis" de chocolati negru, y istu ya ven de mutus anus, ei sempris e liu que e muy benèficu pa o organismu y que e algu afrodisiacu? ( a prueba e que asta o foru se enderenza) Quin nun se acorda de aquelis chocolatis, que aunque sendu maus nos sabian a gloria?, Me acordu que habia un de marca COLONIALES, que dispois me e dau conta do mau que estaba, y otrus que sabian a carozus dulcis, y aquelis que treiyan moeas dentru, que de ve en cuandu te seyan dois rieis o unha peseta envoltas en plata, "que aligria" y tamen os cromus cumu didi Fonti Nova.Eran otrus tempus.

Pur aqui, en èsta capital francesa , a tradicion do chocolati tamen està muy arraigà, sobre tò en pascua "OVUS DE PASCUA" y as famosas "CLOCHES DE PAQUES"

!!!NACHITU!! !A vel cuandu te das unha volta por o lugal con a furgoneta repartindu chocolatinas?! Seguru que tindrias un-ha gran aceptacion. Tantu o mais que os galegus con os "mejillos"

Bueno, soidi p'a t@s, p'a fala y p'a o chocolati.

M/E

Mas pissau o das moneas que viñan en aquel chocolati, didis que eran maus peru estaban millol que a leiti en polvu y o queissu amarelu que nos daban en a escuela, ¿vos acordeis?; maus tempus pero que ben o pasabamus, isu que nos tiñamus que fel os xuguetis nos mismus,carrus, espás,etc. ¿quen nun ha cumiu Matias López en aquelis tempus?.
Desdi Palma, a 0º, nun fai ni friu ni calol.
Forti abrazu.

Nun mo poyu creel ...sois novi o dé homis, falandu en o foru, sobri o chocolati... !!QUE MAÑEGUS GOLOSUS !!a verdais, é que, o chocolati é bo pa mutas coisas ....tamen quita a depresion y é muy bo p'as arterias ;a mi, me gusta tantu ,que solu falal d'o tema, me pareci que o estubera degustandu .Ei m'acordu d'o chocolati que se feya en as matanzas pa merendal y de aquelis bolus de leiti cortaus en rebanas ...unha delicia ,que nun se me poi ulvial..y sempri habia alguha das matanceiras que, do chocolati idia :que de rullas se bati
mirandu 'o ceu se toma
!Oh gloriosu chocolati!

Antis, foi o viñu ,ago ,o chocolati...se nota qu'en o foru somus bos vivioris.

Soidi a fala y 'os mañegus
Anduriña

Falandu d'os xugetis que feyais de pequenus (,hay otra coisa que tampo se me oulvia) y,eran os muñus que feya M/E de canaflecha y que con elis xugaba en o arroyu d'a calli do forti ..

Qué hay Chenchu:

Mais que meu precaución diría ei. Voxotros entre voxotrus vos coñocereis y sabeis mais o menus hasta donde o que escribi o mensaxi poi idili sin faltal ao respetu o mismu o que recibi sabi comu debi en qué sintiu ten que tomal o que o otru le didi. Ei a o nun coñocen a naidi nun queru inviaal mesaxes que poyan sel ufinsivos pa naidi. Nun queru entral comu un elefanti en una critaleria.Comu dixi en os primeirus correos, miña intención e apoyal a fala y porque me encanta to o que sea de Sa Martín. Sin niñuna pretensión mais. Pol otra parti, creu que hay temas delicaus que é millol nun tratalos si nun miras a os ollus a otra persoa (ejemplu: en pulítica teñu una cuadrilla de toa a vía que, nun tan a menú comu quiséramus pero, cuandu nos axuntamus nos levamus caixi comu hermanus a pexal de sel de toas as ideologías que hay pol aquí, sí, sí, desde a A hasta a Z), pero nus coñucemus y sabemus qué y comu y cuandu idili si le temus que idil algu a algún). Pul isu é a precaución, pol na mais. Esperu habelti contestau. Saluus pa tos o furistas y soidi a fala.

¡Jo Nachitu ¡ A que has montau con isu do chocolati, como pa negal a fama de que os mañegus somus golosus. Hemus acuiu tos como moscas a mel y isu que solu era con a imaginación y, contrariamenti a o que idia ei de a fábrica, aquí nun cheira na da na. Cromus de Diego Valor, moeas, chocolati de roel, algún como terra, y de fel y de untal, aunque isu ya foi posterior, Logu viñeran as chocolatinas y o chocolati con leiti y con almendras o avellana, que isu era un luju. E verdai Chenchu, aunque as monas sin ricas y artísticas, nun hay na como un bo chocolati con Xaringas, o si son migas frixias tampocu está mal. En fin, hay que vel que ben funciona esti Foru, por un sencillu chocolati se ha postu en marcha y hay motivu de conversación que isu e o mais importanti, Hasta mañan, chovendu tela pero con muy boa temperatura. Soidi pa tos y pa fala. Un Saluu de Chitu

Boas noitis a tôs.
Cumu di Andurinha, somus cumu dagalitus.
Vos contu, cuandu se'streno a pilicula Chocolat, a vi, pornum selmi antis de tempu i perdelma m'aguanti hasta o final con gran sacrificiu, en cuantu puixu fin sei fora i um'a clienta minha que ten um'a bonbuniria a'o lau me vi entral i me pregunto que me levaba por ali, le pi um'os bombos i me dixu, o tei num ten remeiu, to dia cum bombos, os tes eno tei almacen i ves a compralmos ami, tubi que contali as ganas que habia pasau vendu a pilicula.
O que di TRI, tamen se le atribuyin a'o chocolati efectus afrudisiacus, i num hai que dil a butica cum receta cumu pa famosa pastilha.
Fonti Nova, vali cualquel chocolati sempris que sea negru, en Astorga tes um museu do chocolati que é um'a maravilha, pois degustalo, fain um chocolati artexanu mui bo.
O dia do foru livi chocolati en polvu cumu pa fel cén litrus, a nossa Chunita tinha o brazu averiau i num puia fel ni xaringas ni chocolati,
le di a mitai a um amigu i'o demais a ela, dixu que pa Sâ Martinhu o fairia, algum'os tendreis a sorti de catalo.
Chenchu, num se si te voi a fel um liu, sucedaniu, ni é bo ni mau, é cuandu se sustituyi a manteca de cacau que ten o mismu por grasa vegetal de otru tipu, o restu de componentis poin sel os mismus, peru a manteca do cacau ten algu especial, le da um'a testura i sabol distintus.
Esa receta de chocolati suizu é mui boa, te doi otra ben sincilha, chocolati estilu Baiona, é chocolati a taza quenti i se le espolvorea canela por encima, desperta os sintius, aunque ia ten vainilhina que le da esi dulzol tan peculial, tamen ten lecitina de soja, fibra que axua o tránsitu intestinal, pero a canela reden eita en quenti despi um aroma diliciosu, num sigu porqui se vos vai a fel a boca agua, si o feis mo idis que vos pareci.
Recordu o das chocolatinas cum moeas dentru, mei agüelu me mandaba a cargal o mecheiru de gasulina en um'a máquina que tinha tiu Juanitu o pinchón eno bar, se le mitia um'a perra gorda i seia um churritu, sempris me sobraba pa compal a chocolatina aquela.
Marcas de entoncis, Nogueroles de Mairil, Columba, Prietu, Dulcinea de Toledu, Loiola, Zahor, Suchard, O Gorriaga i mutas mais que num vos contu, pensei que ei soi máis novu que voxotrus.
Cum friu, um chuculatitu quenti i pa cama, dulcis sonhus i viva us manhegus golosus.

¿Qué chocolatis de Cataluña vendis? "NACHITU"
si me responderas nun siría fel publiciai, y si a fais estás en o tei dereitu.

SUCEDANIU, cumu estamus falandu de chocolati, pues nun é chocolati.
Si nun leva cacau (alimentu dos diosis)pos nunca o será
Os descubrioris españolis que treyan o cacau de Mexicu, sin embargu, son os belgas os que tenin fama de ser os milloris chocolateirus.

Sempris me chamó a atención o anunciu dos bombÓs da Presley:
un ambienti aristocráticu, muta elegancia.
Estis bombós se vendin en cualquer supermecau a precius asequiblis y nun solamenti en unha selecta pastelería ...

"aQUI tes algu exlusivu da ALTA SOCIAI, entra en esi ambienti tan sensual. Sentirás en a boca o dulci sabor do bombón que te ofreci na mais y na menus Isabel Presley"

Esta é unha das posiblis lecturas de esti anunciu.

Recomendu:

"GRACIAS POR EL CHOCOLATE" un film de Claude Chabrol
con Isabelle HUPPERT/ JAQUES DUTRONC
He aqui cumu alguin tan perversu que DESEA O MAL sintindu placer.
Muy bo, esti thriler psicológicu.

"alfena" comprendu purque te has expresau de maneira tan aséptica.

bos días
chenchu

Bos dias a tôs.
Chenchu, to vo a idel, cumu nom.
En tabletaji, TORRAS, as duas linias, con i sin azucar.
Esta última vai crecendu ca dia máis, vali pa diabéticus, tamen pos que tenin problemas de glutin i pa cuidal a linia.
Ca dia máis, os alimentus se fabrican pensandu a que públicu van, que por problema da edai se ten diabetis, productus sin azucar sustituiu por maltitol, num to perdas, o chocolati sin azucar que máis se vendi e'o negru, istu cunfirma que é cunsumiu por yenti de edai alta, pos os jóvinis consumin o blancu i'o de leiti, desta forma num se privan dos poicus praceris que cum a edai pois siguil disfrutandu.
Logu en'a linea máis artesana, os popularis chocolat a la pedra de Simón Coll, altaa caliai, cacau puru de Ecuadol, na de Ghana africanu, que tamén e bo, peru é otru cantal.
Ago esta de moa consumil chocolati, puru o negru, cum um 70% de cacau, peru ademais con cacau de sei origin, Ecuadol, ghana etc.......
En bombos levu, BLANTXAT-CAPDEVILA-BLAXI i BARCAT, tos elis artesanus, sobri to a primeira, elis se elavoran as coberturas en función do productu que tenhan que fel.
O dia tres i cuatru do mes pasau, tubi que di a San Jean de Spit a visital a fábrica, o prosimu anu tamen, o primel lunis de Septiembri ia tenho que dil, si estas en Barcelona en esas fechas queas invitau i ta ensinu, si é um'a goda vel fel chocolati os bombos ni te contu.
O gloriosu chocolati que de rulhas se bati i mirandu a'o céu se toma, asi é Andurinha, he mandau um'as fotus a'o foru de algun bautidu, en um'a sais tú, ia me dirás si estabas invitá i te deran chocolati.
Que tenhais um'a dulci tardi.

-Qué tal Nachu?. -Por qué, mutus placeris nos abandonan c’onos anus?. -Hasta o chocolati! -vaya faena-. O final,solu quea ún pa supitas i bo vinhu.

-Pues,asociaba mais a Astorga conas"Mantecás",que, cono "Chocolati".-Está ben!,o probaré. Pero, comu nun resulti; prometu nun volvel a comel mais chocolati.Comu se didi por aquí: -un parroquianu que perdis-.

Andurinha: m’ha féitu muta gracia o que didis d’os "munhus de canaflecha".Igual que M/E,ei tamén os feya, i me passaba as horas vendu comu daba voltas; -ingéniu manhegu-. Pero,había otru arti qu’ei tinha,i que póicus me ganhaban eno Lugal, -"cazal avispas i metelas enun butillín"– ¿sabíais comu?, -tampocu mutus me feyan sombra cono "aru".

Claru que sí Andurinha!!.Os manhegus: nos gusta o vinhu, o chocolati, as (...).Bueno!, mientras vamus hacia a perfección; surgin tentaciós, que póicu a póicu habrá que controlar.

Soidi a tos, FONTI NOVA

PD. De cuandu en cuandu ,nun está mal bromeal algu. -Tampocu conven tanta serieai.

"NACHITU"
Gracias, claro, que me gustaría visitar unha fabrica, te tomu a palabra, pero si ves pa ALIMENTARIA nos puiamuS ver.
Por certu, en a última feria me encontri con Felicia, a filla de Victorianu "Buli" que é GERENTI en Fuerteventura de unha multinacional relaciona con a ALIMENTARIA, pues gasta mutu chocolati ya que sirvi a colegios y a Compañias Aéreas.

"Sucedaniu ni é bo ni é mau"-didis
pues siría cualquer coisa menus chocolati,si nun levaba cacau..
"MATIAS LOPEZ" era isu, un bo sucedaneu do chocolati.

Visiti o MUSEU DE LA XOCOLATA
(www.museuxocolata.com)

Recumendí GRACIAS POR EL CHOCOLATE
y se me ulvieron éstas:

CHOCOLAT
de o sueco HAllström
con a Juliette Binoche/ Johnny Depp
Se trata de unha sencilla fábula en donde plantea cumu a intolerancia y a represión veñan de dondi veñan train mas consecuencias.
¿A quin se le ocurri puñer unha chocolateria en un lugaruchu de Francia? y os problemas que planteo.

FRESA y CHOCOLATE esta peli cubana tuvu mutu éxitu

CHARLIE Y LA FABRICA DE CHOCOLATE de Tim Burton

ATUN Y CHOCOLATE de PAblo Carbonell
é o cantante de "Los toreros muertos" o recordu sempris
"mi agüita amarilla". Presentaba tamen CAIGA QUIEN CAIGA en TV-5.
Especialmente pa Chitu.

Nun sé a que fábrica de chocolatis te refieris en Sant Juan Despí,
porque a TORRAS está en Girona.

boa/dulci
tardi (aqui chovi)
mientras me comu un bombón
chenchu

Bôs dias a tôs.
Chenchu, me refieru a Blanxart, Sant Jean Despi C/ Tambor del Bruc,13
Te doi a web pa que faias um'a visita virtual por agora:
www.blanxart.com
www.barcat.es
www.chocolatestorras.com
www.donajimena.com
Ia te doi otras de pasu, num agarris um empachu de chocolati.
Forti abrazu.