San Martín de Trevejo - Caceres

Como tos os anus cuandu chega a Feria de Sevilla, fayu unha chamá pa o que teña a boa idea de acercarsi por esta terra. En a caseta situá en la Calle Ignacio Sanchez Megias 100 ( Una Copa de Menos ) da Feria, ten, o que vaya preguntando por Angel Martín ( por Chitu nun me coñocin) y me encontri alí, como nun puia sel menus, será obsequiau con unha butillita de manzanilla y algu pa acopañala, procedenti ben da algún cuchinu ibéricu o das costas de Huelva. Por sentau quea que os dias que esti aqui tendrá entrá libri a esa Caseta. De verdai que merici a pena dalsi unha volta, aunque ei o Xovis a dispiu por que me voy fora. Soidi pa tos a animalsi. Chitu

¡¡Gracias Chitu!!.Un-ha ve máis,esti gestu te honra.De novu,te doi as gracias poresta invitación,propia dun bo manhegu.

Forti abrazu

A Chitu se le ha ulviau que en a Calli Pascual Marquez Os Extremeñus temus un-a CASETA que tamen está a bosa disposición y pur dondi ha pasau ya esti anus 35O dagalitus con Payasus,un monton de dagais 54 mayoris que acabu de vil de comel con elis y dentru de un ratu as 22h empezará o célebri PESCAITU.
Mais num era da Feria o que hoiyi quiría idelbus.O día Un de Mayu levu hasta o lugal a 54 Galegus que vivin aquí y nos querin coñocel mais y millol.Semus daquí as seti da mañan,almodamus en Menesteriu y desde alí nos vamus a Santa Clara pa basial os que queiran pur a calzá romana.Os que non os basia o Autocar a o lugal.Comemus en OS ARCUS,nos subimus a Pastora,vemus o Conventu y nos vamus a IGLEYIA dondi as seti y con permisu de don José luis cantarán un-as cancios y que queru que as escutin a mayurís de mañegus.Antis de as oitu,semus pa Trevellu y desde alí a durmir en o Hotel Palaciu de Coria.O día dois temptanu semus pas Hurdis,vemus o Centru de Interpretación y otrus lugaris y desde alí nos vamus pa Sevilla.
He mutu correl pero num hay tempu pa mais.Elis van a comprobal que en mitai de camiñu de Sevilla a Galicia,hay un-a pequena ISLA dondi nos unin mutas coiyas y que entre toos temus que descubrilas y dalas a coñocel.Nun me movi otru mutivu.INVITU A QUE ESI DIA VAYAN TOOS A ESCUTAL O CORU GALEGU DO LAR DE ESTA CIAI.Pa toos SOIDI.

Chitu, Fincacha i demais manhegus que andeis por Sevilla; sorti tendis de tel esa gran festa. Fai mutus anus que pasi en ela un par de días. He tiu o honol de sel invitau personalmenti) ven sabeis que me queu con mutas ganas de pasal con vosotrus esis días. Tamen me gustaría fel esa excursió que se fai pasandu por o lugal que ha postu en marcha o Fincacha, peru tenhu coixas que me siguin trendu de cabeza. Si Dios quel y poi sel pa o verán miraremus si hai "festona".
Fontinova: Tinha as maletas preparás pa sel disparau pas antípodas, por o chaparrón que esperaba, peru as féminas han estau mui caleitas i a sangri nun chegó a o ríu.
Bueno, ya sabeis, anque aquí nun temus a fería a escala de Sevilla, tamen se fai unha mais piquinina, peru tamen se pasa ben. Y por supostu minha casa esta aberta pa vosotr@s.
Forti abrazu.

"fincacha" ¿Tu sabis ben dondi te metis?¡Qué capaciai a tua pa organizar algo INSOLITU, nunca vistu en San Martín! Cincuenta y cuatros ciudadanos galegus residentis en Sevilla que van a coñocer o Norti de Extemadura.A esta acción por aqui se denomina "Aixó é fer pais". Promover/ organizar unha excursión de esas caracteriticas ¡Chapeau!¡Enhoraboa! Deseandu bo viaji y feliz estancia.
En o estancu hay un planisferiu: "SE FALA O GALEGU".
O que me do un profesor da Universai de Vigo se lo regali a un amigu galegu y o ten en o salón comeor enmarcau. Te recomendu, si nun coñocin ditu mapa, que se lo ensinis.

"Chitu" mutas gracias.

boas noitis

Se me ulvió:
"Cerrumicli" tamen mutas gracias y ei ofrezcu o mismu.
Y temus aqui en Barcelona un bo taxista mañegu que esi nun ten problemas a hora de aparcar y por certu, muy fanáticu do lugal.