San Martín de Trevejo - Caceres

-Foi,un día de Santiagu.
-Me dissu minha máiri: ¡tes, que dil con tei agüelu a Vilamel! –quel dil as capeas-.
-Nun queru! -le dissi- ; s’emborracha,i tenhu que tiral todía por él.
-Precixamenti pur issu tes que dil !!.

Nun creu que tuvera ei,mais de novi o de anus. I claru está; os meis temoris,se cumpliran por encima do qu’ imaginaba. A borracheira qu’agarró,foi dessas que fain historia ; passó de to:perdei a cartéira, baissó roandu un-has escaleiras,desdi as uliveiras qu’ali había, hasta a plaza, se mixó to…

Peru o suplíciu,nun había féitu mais qu’empezal. Foi, a volta pa caxa cuandu acaborin as capeas; pinssí, qu’aquel viaixi nun acababa nunca. A distancia entri Vilamel i o Lugal, era de mil Km. Estuvimus, mais tempu roandu por o solu qu’andandu. Desdi entoncis,nun he voltu a dil a ninhun-ha capea.

Nun sé, porqué vos contu istu; ¿ tal ve por nostálgia? , ¿ anhoranza do Lugal?... ¡¡Seguru!!

Soidi a tos, FONTI NOVA

P.D. ¡¡Un abrazu mui gordu "Cancheira"!!.

Inda arrimichamus algum-os por'o foru, tôs num estamus de vacacios.
Pos claru que nos contas istu pol nostalgia, pol que sinum, peru isu nos pasa a máis d'un, ami me vas a contal.
Ei soi meiu guritu, tal dia cumu hoixi estaba en Vilamel, do anu ni ma cordu, solu se que mo pasaba mui ben, pos era unm-a festa grandi, num ma perdia ninhun anu, dispois dos toirus divamus a'o baili, ia custaba convencel algum-as mozas pa sacalas a bailal, i num te pasaras pulque a'guanta a tinhas segura, que tempus amigu Fonti Nova.
Hoixi sin querel me vinhan os recordus esis i mentraba risa, cuantu daria pol estal ali tal dia cumu hoixi, sera que nus estamus fendu maioris i nus damus conta qu'o tempu pasa volandu.
Num nus didis si vas a dil a'o lugal esti verán, ei si, o Senhol Comendaol ma deixau a casa do Condi pa usu i disfruti, se ve que cumu me miti con él i os impostus abuxivus que nos cobra, pos me quel contental, ia veremus cumu acaba a coixa.
Ia esta en'o lugal o amigu Cana, sempris e'o primeiru, que envidia me da, peru si Dios quel, po dia cuatru pensu dali un forti abrazu.
Soidi a tôs i'a Fala, nus vemus en'u lugal.

Pos si , Nachitu: inda queamus algun pur aqui rezagaus, pero ya preparandu maletas. Tal dia cumu hoixi le dixu D.Clementi a "Chichifredu" que estaba pintadu a verja !!!HOMBRE, POR SANTIAGO PINTA EL VAGO!!

Pero tal dia cumu hoixi, tamen nos quea o tristi recordu da desaparicion do nosu "poeta mañegu",y nun queru que pasara esti dia sin tel un pensamentu hacia èl.El que tantu animò y enriquecei esti foru con os seis poemas, sempris dedicaus a S. Martin y as suas xentis.

Ei tamen le digu: UN ABRAZU "CANCHEIRA"


Soidi a fala, nos vemus debaixu dos portais.


M/E

Amigu Nachitu:

Pues sí, ya solamenti queamus un-hos póicus,os demais, están ya disfrutandu das esperás vacaciós. Ei,pensu siguil aquí; hasta quo"admín" cerri a porta i m’éiti pa calli.

Me didis: si voi de vacaciós o Lugal. Por radós que suponhu conhocerás,os meis desplazamentus fora de caxa ,están un póicu limitaus. Nostanti, si Dios quel ,é probabli,qu’o sábau día cuatru vaya o Lugal. Si nun cambia d’intenciós. O dagal,quel pasal un-hos días en San Martín - diría a levalo-,pero o dumingu,emprindiría o regrexu.

Tamén didis, que nos estamus fendu mayoris. ¿ Sabis que te digu ?.Que somus da década prodigioxa, o que significa: "que xovinis os de antis,i velhus os d’agora". (Sempri os milhoris).

En cuantu a Chenchu: sabemus mui ben tos, que ,é, un gran manhegu.Personalmenti, m’agrada mutu leelo, i l’animu asomarsi por o foru sempris que poya. Él, é,antagónicu por naturaleza;tal ve sea issu , o qu’o faya tan singular.

Pues debis conhocel a "Leticinha",ei,tuvi o placel de conhocela o verán passau,i é,un-ha dagala encantaora.

Forti abrazu, FONTI NOVA

Hoixi e San Ignaciu de Loiola, tal dia cumu hoixi feia mei pairi us anus, hoixi hubera feitu ochenta i tres.
Tubu o caprichu de ponhelmi sei nomi, ei se lo puixi a mei dagal, se sinta complaciu con istu, pa distinguilnus él era Inaciu, ei Nachu i'o mei dagal Iñaki, cumu pois vel e um dia mui senhalau pa nos.
Hoixi se ha celebrau esti santu, e'o patrón de Bizkaia i de Gipuzkoa, dia de festa num recuperabli, en numerus coloraus ven en'o calendariu.
Habel si temus sorti de verti o dia cincu antis de que te volvas, ia que en Abril num pu sel.
Estare aqui hasta o tres i baixu o cuatru, mentras entrare cumu sempris en'o foru aunque queamus poicus.
Forti abrazu i soidi pâ tôs.

-Nachitu:
-Pues na!!.Cuandu tenhas un netu do dagal;le pos "Ignace".Así,hasta acabal en tos idiomas.

¡Bueno!. Agora somus os amus do foru, -náidi nos rechita-.Procuraré verti, pa tomal un vinhu.

Forti abrazu, FONTI NOVA

Solo deciros que no estais solos,que todavia quedo yo por aqui.Este fin de semana estuvimos en S.Martin,y por alli andaban Cana ,El Pelao,El Barranquin.Nachitu tu todavia llegas antes que yo,vete reservando un par de sillas en la terraza de la plaza,que yo aterrizare por alli el dia 10.
Fonti Nova si vas algun dia al pueblo espero verte,y si hace falta tomar un vino pues se toma.El dia del foro creo que me lo perdere,aunque hare todo lo posible por llegar.
Bueno pues lo dicho hasta dentro de unos dias.Un abrazo para los pocos que queden por ahi.Merche

¿ Merche, ya vivís ?
No sabia nada de vosotros desde hace meses.
Tus deseos son ordenes, oido cocina, reservare las sillas que haga falta, como si hay que reservar todas, que bien.
Si entras en el space de Chus, encontraras el mio entre sus visitas.
Tengo entre mis fotos una de tu abuela materna con sus hermanas, si no la tienes te la pillas.
Bueno, como dices tu, hasta pronto.
Saluda de mi parte a nuestro Augusto Adolfo, que los dioses os sean propicios.

Estimau Fradiscu.
Ago temus o dilema que fisicamenti num nos conhocemus, peru isu num e problema pul que sempris habra algen que nos conhoza a'os dois, pul ejemplu nosu amigu Indanunse, poemus queal na sua tabelna.
En cuantu a'o cuartu Inaciu, le pundria Iñazio, comu didin en Gipuzkoa, a zeta se pronuncia " s " tradudiu a castelhanu siria Iñasio.
Hai palabras paricias as nossas, elis didin korri de correl, nossotrus idimus corri, elis didin aita de pairi, nossotrus taita, inclusu tenin un simbulu celta que chaman lauburu, tradudiu, cuatru cabezas.
Me refieru a esi circulu que dentro ten comu um-a aspa, num se o nomi concretu,seguru que tu si.
Leendu un libru estis dias menteirau que Alfonsu IX repoblo Salvaleón con xentis do Bierzu, num asi Sâ Martin.
Tamen idia que Salvaleón foi fundau sobri um-a citania vettona pul os romanus, chamanduli Interannia, entri os rius Elhas i Basádiga, o nomi de Salvaleón se lo puixu don Fernandu II de León.
A sua destrucción foi ia en a Edai Modelna, cuandu as tropas imperiais de Carlus I arraxorin a fortaleda pul habelsi refugiau algum-os comuneirus, despois da ejecución de Villalar de los Comuneros, comu se le conhoci hoixi, pruvincia de Valladolid, i pulque a villa de Salvaleón num acepto as ideas imperialistas.
Istu to contu pulque dixestis que num estabas mui enteirau do movimentu comuneiru na nossa terra, algen dixu que era otru Salvaleón de Badajó a 55 km desti, quei sepa Badajó esta a máis distancia, desconhozu si hai otru Salvaleón, peru os escritus de Frey don Alonsu de Torris y Tapia, autol da Crónica da Ordin de Alcántara, se refierin a'o que esta entre os rius Elhas i Basádiga, no terminu de Valverdi da Serra, comu se chamu enum principiu a Valverdi du Fresnu, a duas leguas du mesmu.
Interanniensis se chamorin denantis, foran levaus pul os romanus pa construil o ponti de Alcántara, Kantaraf-as-saif, cumu a chamorin os moirus
Otru nomi romanu, Alminium, era o altu de Salima, se desconhoci cumu se pu chamal antis, asi cumu Ergastulum, as Elhas, se chamo antis Herlys-Herliacum, en tempus celtas.
Pul hoixi ia num máis.
Soidi pâ tôs i pâ Fala.

Hola Nachitu!!.

Te digu: según están as cóixas,nun creu que nos veamus o sabau (dia cuatru).Pues,andu en mecus con o dagal, i seguramenti nun poya dil.

Didis: ¿comu nos conhoceremus?.A mí,é fácil conhocelmi; cuandu veas un velhu con barba i escassu de pelu, ¡essi soi ei!.

O que preguntas sobri "El Lauburu"(cuatru cabezas). Solu te poyu idíl: que é,un símbulu mui utilizau en antiguas civilizaciós, en as que se encontra Vizcaya. Según pareci,é a primeira en Euskadi en fel uxu dél; alí está reprexentau en iglesias i lapidas funerarias. En realiai,é un-ha esvástica,que representa os cuatro elementus da naturaleza. Áiri,Fogu,Terra i Agua. Agora, algún partiu pulíticu ha voltu ha fel uxu dél comu "Logotipu" con fin propagandista pa que sean cuatru as pruvincias vascas.

Nun sé,si t'habré aclarau algu.Un abrazu,FONTI NOVA