San Martín de Trevejo - Caceres

-Comu en anus precedentis. Unhos grandis almacés, m’ha mandau en unha semana duas o tres cartas. En toas,me didi máis o menus o mismu: m’invita a que vixiti os seis departamentus; dondi encontraré,tó o que necesitu pa pasal unhas boas naviais i sel mui felí estis días,en companhía da familia i amigus.

A verdais, sempri he pensau qu’a feliciai,era algu que nun se puía compral enun comerciu; sinon, que era productu d’unha armonía entras persoas, derivá do respetu, entendimentu i o amor entri elas.

-Bueno!!,-ei,tan acidu comu sempris-. O que queru idil: é que toa esta parafernalia que se monta enestis días,veu mui poicu d’auténticu i verdadeiru -por nun idil ná-."Entra","compra", "paga"i ¡hasta logu!...Nun é verdais que se sinta espíritu navidenhu.-Tan solu cunsumismu!... Pues, a nova tendencia: é dil a ceal o restauranti o día de noitiboa, -que dexatinu-.

Chitu: soi dos qu’opinan, qu’ena sencilhé,está a grandeza. Pues,compartu tó cuantu didis eno tei escritu: (feliciai y soidi,muta soidi). Qu’o entendimentu entri as persoas,vaya máis alá das festas navidenhas. -Comu diisu Don Quijoti: "Qu’os deseus s’alimentin da esperanza".

En cuantu a esis versus de Brodas: nun me quitu o sombreiru, porque se me congelan as ideas cono friu qu’aquí fai. Peru, le abru as portas do corazón.

Que a paz da nosa Crú, vos acompanhi a tos esta noiti. I, que a sua luz, brilhi enesi hogar manhegu dondi hoixi hai dolor.

FONTI NOVA

P.D. Me ven a memoria i nun poyu por menus de recordal: aquelas misas de galu cuandu tinha que leval a mei agüelu Fortoxu agarrau do brazu a beixal o mininu. Pues, era tal a borracheira que levaba, que nun sabía si beixaba o mininu ena cabeza o enos pes,- peru sempris diba-. Dentru do sei conceptu religioxu, istu, era algu sagrau pa él.
.

Tes muta radón pero hay que sel o suficientimenti inteligenti y criticu pa pasal de esas coisas y dil a o fondu. Mira, recordandu o de la Misa do galu en a que o que mais y o que menus leveba mas de unha copa de mais, en aquelis tempus da juventu, me acordu que duas persoas muy cuñucias do lugal por a gracia que derrochaban sempris, foran xuntus a beixal o Mininu y comentaban en o llanu da igleisa a seida de misa,-- por tua culpa nun e beisau o pé do mininu esti anu, -- lo por qué si total hemus bibiu a misma cantiai de Fundadol os dois-- si pero como tu le has murdiu o pé cuandu ei diba detras encollei a perna u nun pui dali o beisu..........En fin, to sea por a Naviai,Feliciai pa tos oixi y sempris, Chitu.