San Martín de Trevejo - Caceres

Aracena es un municipio español de la provincia de Huelva, Andalucía, con una población de 7.739 habitantes (INE 2010) y una superficie de 184 km². La ciudad de Aracena se encuentra en la serranía a la que da nombre: Sierra de Aracena, la cual forma parte de Sierra Morena.

Hay restos arqueológicos en la zona que atestiguan la presencia humana en etapas prehistóricas, (II milenio a. C.),[1] aunque hubo varios periodos de despoblación casi total, estando la escasa población que había, diseminada por varias aldeas. La repoblación llevada a cabo por leoneses, gallegos y portugueses no tuvo éxito hasta principios del siglo XV.[2]
Piuamus hermanarnus con elis, o digu por o Jamón.... i nos ponhemus o vihnu.

-Se l’estuvu ben empleau a os arundensis!!.

Si nos huberan píu conselhu a noxotrus que ia levabamus cen anus d’experiencia; nun huberan siguíu sulitus dudentus anus mais.

En fin, comu tú didis, inda estamus a tempu d’un apanhu. Que nos cambiin o pata negra por un bo clareti dos ameais. Logu: "aquí paz i dispois gloria".

Bueno, pareci que tampocu han quiríu felnus caxu eno otru lau do charcu. Esta noiti estuvi pendienti d’alfombra colorá por si nos daban algún muniquitu; peru nun habíu sorti.

Forti abrazu.

Pos en Aracena se falará en aracenu o en arameu, pulque agora han sacau um libru titulau Jesús y la palma, istu me soa a Nazarét mais ben.
Me temu que si um dia tuveran algu en común cum a noxa Fala o perdéran
sin remeilhu, pulque agora falan castelán, peru num importa si o xamón
e d'os bôs, leasi pata negra.
A ver esi reporteiru Tribuleti que está de vacacions, cum u casu Urdangarin en Palma ni a escritu um'a brevi crónica, ia num le quea ni pa bulígrafus, que profesión mais mal pagá.
Soidi Cerrumiquili, nos conformaremus cum bofis pulque pa xamón num están as coixas.

Creu que o xentiliciu e Aracenences. Buenu, creu que a repoblació se diría fendu segun se reconquistaban os terrenus, nun e de extranhal que tenhamus angú vocablu igual o paricíu.... pero a o que dibamus, ya he falau con o Arcardi i ma ditu que si Chitu (que está mu calau, en o sintiu que nun di na) pon o vinhu, él se leva un par de Xamón de pura pata negra pa fel un hermanamentu así, en familia, que didi que tampoicu conhoci a tos os de Aracena i comu nossotrus somus menus, con dos "patitas" quea comu "dios".
Nachitu: Tu xuru que intentí metelmi a husmeal peru os pulicias me pirun o calné i me dixerun que ia estaba caducau.- Tribuleti... si tu eris do siglu pasau.Peru comu a mi nun se me acaban os recursus, me disfrací de empleau de Trablisa y me sentí a o lau de Iñaki.Despois de vintitantas horas de idel, nun recordu, nun se, isu o levaba o Torris.... O Jué Castru le didi: -"Para esto era mejor que no hubiera venido"- i ei me dixi, coñ... si o chamau él, nun querrá que diga a verdai i na mais que a verdai... será tont...Pos a remató, le preguntó quin era ei i a iñaki se le escapó: " Es por si tenemos que hacer algún traslado de pasta".
Aqui hai mais de un gatu encerrau. ¡¡ a que ven toa esa parafernalia de citas en sabau y dumingu, hasta altas horas da noiti, a bombu i platillu....!!
Fonti Nova: A mi solu me importa habel traballau con millor productol i directol do lugal i tel o agradecimentu da nossa xenti. Quiría dali as gracías a to o equipu a os maquillaoris a o sastri a o peluqueiru o tos meis amigus, amigas, a mei agüelu........¡¡Si me chegan a dal un oscar......!!. Fora de bromas, o to o foru, i pa mei lugal.
Forti Abrazu.

Acabu de chegal do lugal, pa envidia de mais de un, y ya he deisau prepará a boiga pa que cuandu estemus ali poa acolel a to bebeol de boa fé que aguanti un bo viñu y unha parrafá, que pa isu le he redau o suficienti. En cuantu a o de Aracena, idelvus que he un lugal que, en certa maneira se pareci a no nosu por a orografía, castañus,uliveiras, pinus, etec, pero e netamenti andalú, aunque carcanu a Purtugal, pero no, ali se fala andalú castizu; isu si, o jamon miricía sel extremeñu do bo que é, ya se sabi que mutus dos cuchinus que suministran a esa zona de jamós son das nosas terras extremeñas aunque ali, por toa aquela zona, se curan y aumentan de preciu. Tribuleti ten que vil a descansal pa estas terras andaludas que ago está apuntu de revental a Primavera y aqui e gloria bindita, prontu empezaráa cheiral a azahar y tamen a cera das cofradias da Semana Santa, asi que quea ditu.
Voy a celebral un poicu o dia da Autonomía que pa isu un ten dobli regionaliai. Soidi pa tos y pa a fala, Chitu.

Como soy bebedor de buena fe,espero encontrarte en tu bodega para degustar ese oro líquido que mimas y que tan generosamente compartes.
Y si al mismo tiempo encetamos alguno de esos"pata negra" que Cerrumiquili dice que existen, disfrutaré encantado de la comida, de la bebida y de la amistad.Un fuerte abrazo a todos.

Nun se por que me da a impresion de que tu tes que andal ben poicu pa entral en la miña pichorra.Ya sabis, en a primeira ocasión que teñas y estemus en o lugal, queas especialmenti invitau. O de a figueira te ha delatau, ei tamen a coñucia ¿habia uvas de moscatel cerca? o millol tamen as diu a anal a o pozu Señoris o a o Viga. ¡Que tempus!Un abrazu y animati a escribil en mañegu, que se escribi como se fala y tu si falas.¿ Sabis quin e esti novu contertuliu Cerrumiquili? Soidi pa tos, Chitu.

Me da a mi en a narí que he compañeiru de profesió de Chenchu i si a cumiu figus en a figueira do Chafaril, blancu i en botella......Tu le pois caltal:
De tu ventana a la mía, cielito lindo, no hay más que un paso...
A vel si poi sel que le demus un-os cortis a esis "Pata negra" iuntus, que fai mutu tempo que nun o estamus. Si Chenchu se trai un-os "recortis" de Barcelona, O Munhu que afanará algu, Fonti Nova vinhu de Zamora, Nachitu o chocolati, etc. etc. Así iá feimus a festona.
Forti abrazu.
P.D. Sobri a visita a Sevilla, que pendienti, to se andará.

Tendis bo cheiru.Ya suponía que a poco que " ensinara a orella" me ibais a descubrir.Queda en pie todo lo dicho y espero coincidir, más pronto que tarde, con vosotros en o lugar, especialmente con Cerrumíquili, a quien es cierto que hace mucho tiempo que no veo , pero del que tengo algunas noticias con Chitu por intermediario.
Forti abrazu a todos.

A vel si e verdai que nos vemus prontu.I ia que te cai cerca te pasas por Guijuelu i enganchas un "ibéricu" que tenin fama de sel tan bos comu os de Aracena, buenu, ei poiu dal fé de isu i me gustaría ripitil.
Ubrazus pa toa a familia.....
Forti abrazu.