San Martín de Trevejo - Caceres

O pasau yovis,JOSE LUIS MARTIN GALINDO,homi de un-a neta de tia Filisa a Bizcocheira y que vivi en Cáciris,estuvu en o nosu hogar pa desarrollar un-a conferencia sobre os chozus de Extremaura.
Con muta asistencia y con mutu interés,José Luis,foi expoñendu os oríginis de estas construccios en o campu,pur dondi están mais istindius,diferentis tipus,principal misión,comu se conservan y u tiliai que agora le poemus dal.
Galindu,coñoci muy ben os chozus do lugal,os ha catalogau,miu y con elis ha feitu un tratau muy completu con o títulu dos "CHOZUS MAÑEGUS".
Aficionau pur as coiyas sincillas que homis y mulleris pur pura necdesiai han tiu que inventar,ha quiriu extender seis cuñucimentus pur esti tipus de construccios en toa península e inclusu en o extranyeiru,estandu ya muy recuñuciu en distintus forus internacionais y que tenin sua
vo y recoñocimentu con esa prestigiosa revista que él dirigi y coordina PIEDRAS CON RAICES,sendu un-as das mais demandas en a nosa Biblioteca.
Con mutas proyeccios,foi amenu en a palabra y muy reivindicativu ante as autoriais,que mais atentas a palacius,igleyias ny conventus,parecin ulvial as coiyas sincillas que pur gene3racios as yentis rurais nos han diu desiandu.
O lugal,plagau der Cozus,foi mutas vedis nombrau.A nosa fala tamen.
Fidi constar en a pre4sentación o gran amor que esti homi desde o primer momentu a sintiu pur o lugar.Con distintus argumentus,acertaus o non,pero sujetus a aceptar novas aportacios,GALINDO ha desiau en librus,artículus y palabra un os trataus que pur forza temus que tel en conta sobre a nosa fala.Gran investigaol,ha rebuscaus en nosas peiras,custumbris y moos de vivil un ser mañegu profundu y diferenti hasta en as clasis sociais que duranti siglus encontrorin huecu en o lugal.
A sel os chozus parti da identiai de toos os extremeñus y que de un-a u otra forma mutus dos asistentis habían viviu,a conferencia-coloquiu foi muy aplaudia.Con un-
a copa y boas tapas dispois cerramus o actu.

Gracias José Luis en nomi dos furistas.O lugal,volvei a queal BEN ALTU. SOIDI

Estimau amigu Fincacha41: Gracias pol a información que nos aportas de a conferencia que dó en Sevilla José Luis Martín Galindo, omi que está casau con unha Neta de Filisa a Bizcocheira y debi sel esta neta, filla de a hermana de Emilia, que era a Mayol de as duas hermanas. Ei coñuzu mutu a esta Familia de as Biscocheiras, ya que feyan os bizcochus muy ricus en o fornu de meis Pairis y logu de mei Hermanu Julián o Mancu.
Me alegra que unha Persoa que nun sea de o Lugal, se haya dedicau a fel librus y concretamenti a escribil sobre os "Chozus de o Nosu Lugal".
En Poel de meis Pairis, tíñamus dois Chozus: Un en as Mallás, que se conservaba ben y otru en os Muñus, cerca de as Fincas de Tei Pairi que se conserva perfectamenti y que está retratau pol "o Saltu", en esti Foru.
Fai unhos anus, visití a D. Luis Gutierrez de Ojesto (q.e.d) y creu recordal que tiña un Libru de os "Chozus", pero nun me acordu de quin era o Autol.
Gracias a José Luis Martín Galindo y esperu que siga dedicándusi a coisas de estas.
Soidi a Fala.
Chalrriera.

Queru filicital a JOSELUIS pol tos os librus que ten ,porque pami e un dos milhoris que escrivindu nos fai aprender mutas coisas que nun saviamus de o lugal ,ei cuadu tenhu algum-a duda eitu man de osei libru A VISTA DE ANDURINHA . Portantu minhas felicitacios y sigi asi y que te aplaudan mutu poque te o mercis .

Boas nuticias toas que veñan pa dal a coñocel o nosu lugal y a nosa Fala, y J.L.M.Galindo con os librus o a feitu muy ben.

Encuntrí istu en internet, y si alguin ten tempu y quel dali un vistadu.
En o enlaci que poñu máis a baixu, en formatu PDF, tal vez ya o haiáis vistu, ya que e de fay unhos anus, pero cumu hay xenti nova en o foru, me a pariciu interesanti o estudiu que da Fala fai:
JUAN M.CARRASCO GONZÁLEZ
Universidad de Extremadura
'El futuro de la fala de Jálama
Está dentru de un libru titulau: Cuadernos Para Mover Montañas | nº 9 |
‘Territorio, sociedad y cultura: perspectivas para el desarrollo rural’
Hoyos (Cáceres). 7 y 8 de noviembre de 2007
Desde a página 94 a 107.


Muta soidi pa tos y pa Fala

mye