San Martín de Trevejo - Caceres

A semana grandi pasa o Ecuador non si haber pasau tamen por agua algunhas procesiòs que se arriesgorin a sel y otras que nun han siedu por isu.
Ayer sei a de San Bernado, barriu antigu cuñuciu por ser bariu de toireirus, oixi ya muy reconstruiu y con unha cofradía muy antigua y de mutus hermanus, mais de mil cen, y como feya tempu que non a via, y ya que e un sitiu que suelu frecuental, me acirqui pa vela y vos contu.
O pasu de Cristu aparecei por la Calle Santa Maria la Blanca, sobre as dé, pa entral en o sei Barriu, o parorin xustu en cruci con Menedez Pelayo, antis de atravesal esa calli y empezal o costa que subi o ponti de San Bernardo, tamén cuñuciu por o dos Bombeirus, por que, a dereita subindu, está a originariu Cuartel cuandu solu habia un de elis en Sevilla.
O pasu representa un cristu neobarrocu, mortu, con a barbilla apoyá en o peitu y a cabeza incliná pa o hombru dereitu, escualidu, que impresiona.
Ya parau, desde un balcón que está encima de o que oixi e unha tenda de moa regentá por Coreanus, y antis era o Bar Cobos, frenti a un Café de Indias, que antis era unha santreria y tenda que vindia uniformis, dondi traballó, de sastri mutus anus, tiu Atanasiu q.e.d., pairi de Jose y Juanitu, primus de Toya, mullel de M.E., se cantaba por un homi unha sintia y sonora saeta que fidu que to mundu se calára, de tal maneira, que cuandu o pasu, inda soandu a saeta, se levantó muy lentamenti, apenas se notaba movelsi, y empezó a acercarsi o ponti, se uivia arrastral por o pavimentu os pes dos costaleirus que divan debaisu levanduo.. Aquilu foi unha escena impresionanti, pero mais impresionanti foi dispois, por que os costaleirus, de tirón, en o que se chama unha chicotá, subiran o ponti iluminaus solu por o enormi focu dos Bombeirus, ya que apagan toas as ludis, y cuandu a imagin chegó arriba con o pasu marcau por a marcha de unha enormi banda de cornetas y tamboris de mais de cincuenta musicus, antis de empezal o descensu pa antral directamenti en o sei barriu, desde unha escaleira con canastilla, a mais de trenta metrus, empezan a eitali petalus de rosa que cain sobre él brillandu por a lu do focu. O espectaculu de pon a carni de galiña.

Asi, a vedis ,e esta Semana aqui, de repenti te encontras coisas de esta maneira.Feimi o favol de volvel a casa tos, sin problema. Un saluu de Chitu.