San Martín de Trevejo - Caceres

Ya veu que tos os acordais de a Semana Santa, o lugar nun se poi ulvial,.En primer lugar dali a boa vinda a os novus, me pareci muy ben que cada dia teñamus novus compañeirus. A Semana Santa han siu un os dias formidablis,yenti por tos os sitius nun se cabia en os baris, en a Calli, hasta en a Iglesia,pero to a Resultau muy ben. De un a maneira especial queru dali a noso compañeiru CAPITAN CENTENU,a enhorabuena, a presidiu as procesios y en os encontrus de Jovis en a Plaza nos falo tamben que a to mundu nos gusto,o vernis presisi tamen a procesión y nos do o Sermón de as SETI palabras,foy fantasticu falandu de o a mor,de a Virgin, de Cristu,se mereci que o felicitemus, y que le deseemus de corazón,que chegi a cantar Misa, pues creu será un bo Sacerdoti. O Jovis nos chovei en a Procesión, pero con paraguas y to siguimus y se fideran os encontrus cumu sempris,he postu un a Fotografia de o tercer encontru pa que veais a Daviz comu nos dirigi a palabra. Deseandu que hayais pasau tos un a Feliz Semana y que hayan siu un os dias de descansu pa a garrar forzas pa empezar de novu os traballus. San Martin vos a eitau en falta a os que nun habeis vindu,pero os espera con os brazus abertus pa cuandu querais vir.
Reiteru a miña Felicitación a Daviz(Capitan Centenu) y le deseu a el y a tos do FORU o millor. Un Abrazu pa tos y cumu sempris AUPA a FALA.
El Salto

Agora reina o bulliciu paganu por encima da vocación
religiosa. Por Semana Santa, a carni en too o sintiu
da palabra estaba vetá. En San Martín, si exceptuamus a
carni de cabra/cuellu, duranti too anu. Era tradicional
y ¡qué ricu! o potaji de garbanzus/arroz y bacalau desalau,
arroz con leiti y a ensalá de maruxas. De os cinis desaparician
as peliculas de cuatru y tres erres pa ser sustituías por
Los diez mandamientos, Rey de Reyes, Ben Hur. Agora
a carni reina fora y dentru do platu y naidi se escandaliza.

A nosa Semana Santa, y nun quisera deixarme leval por o fanatismu,
dentru de as poblacios de o sei nivel en cuantu a población,
ben puiría ser declara de INTERES TURISTICU. A procesion do
Vernis Santu con cuatru pasus solemnis, as mulleris con mantilla
y peineta. A Dolorosa porta por dagalas, cantus tradicionais
religiosus interpretaus por señoras y dagalas; os homis con o papel
do textu das cancios en a man apesar de a suas vodis rotas/desafinas
logrorin transmitir profundu sentimentu y sinceriai.
Silenciu sepulcral mientras transcurri por as callis centricas
a procesión. Ya na, por sorti, de aquelas borracheiras de antañu
y mutu recogimentu.
Tamen ei felicitu a David "Capitán Centenu" por sua homilía desde o balcón do Ayuntamentu en a procesión do Encontru. He aqui un futuru
Paravicino.
Enhorabuena y sincera felicitación as organizaoras: toos os pasus
engalanaus con floris y resaltu que foran as mulleris a portaoras
da Dolorosa.
Eiti a faltar o cheirol do inciensu y o suiu de as charrieras y matracas.
Y hasta me pareceran guapas as narangeiras fluricias dos macetos
da plaza. A plaza sin cochis ¡¡cumu gaña!!
Imprescindibli, nun tendrán mais remeyu y ya nun sera suficienti
que se aparqui en a carreteira do forti, do chafaril hasta
o ballitu. Too estaba cheu.
Se IMPON un aparcamentu públicu, pero ¿dondi?.O asuntu dos macetos
hasta me pareci secundariu.
¡FORA COCHIS do nucleu urbanu!

boas tardis.

Estimaus Foristas:
Me alegra que a información de esta Semana Santa nos enteiremus os que nun hemus diu.
Me alegra esa "noveai" de que as Mulleris y Dagalas levin as andas de a "Virgin Dolorosa", e unha noveai digna de resaltal. Está vistu que a Muellel vai tendu un Protagonismu muy importanti en toas as partis y por supostu en o nosu Lugal tamen nun se quea atrás. Os omis vamus queandu atrás en toas as partis, nos vamus retirandu, pero a Mullel vai tomandu cartas en toos os asuntus.
Otra coisa a resaltal e que tos os pasus de os Santus estén ven adornaus con Floris. Ya he vistu en os "Retratus" de otras procesiós de o Lugal, cumu a Crú Bindita, SanMartiñu, etc.Creu que istu e idea de "Fifi" a Muellel de José Luis o Ferreiru, ya que creu que leva o encargu de as coisas de a Iglesia.
En cuantu a o cini en o Lugal. Si había cini toos os Dumingus de a Cuaresma, o que nun había era "Baili" de os Gatus, ya que dispois de os "Carnavais", se cerraba o baili, hasta o Dumingu de Resurección. Tempus aquelis.
Me alegra que nosu amigu Furista "Capitán Centenu" y con o tempu "Cura de Almas", haya dau un boo Sermón en a Procesión de "Os Encontrus" de o en esa "Vocación".
Soidi a Fala.
Chalrrieira.