San Martín de Trevejo - Caceres

Resulta frustrante,incluso insultante ver que mientras es imposible aparcar en el pueblo,a otras personas se les permite,o no se les quiere ver,aparcar a sus anchas en la plaza.O se permite a todos o no se permite a nadie.Se supone que la normativa municipal debería ser respetada por TODOS, y no permitir que ciertos vehículos,siempres los mismos,aparquen dentro de la plaza,incluso habiendo sitio fuera,con total desfachatez y haciendo alardes de privilegios suscitando el natural rechazo del resto de los usuarios.Resulta de muy mal gusto ver a uno de estos vehículos en la base del campanario y en el rincón mas fotografiado del pueblo que incluso obstaculiza el acceso a uno de los aledaños.
Normativa,si,pero para todos.

Te doy ben vinda, seas o non mañegu-falanti, o certu e que tes mais radón que un santu, pero isu está pasandu to anu y, como ben didis, nun se debi consintil por as autoriais do lugal, empezandu por o Alcaldi, por que aunque Maximu me honra con sua a amistai y ei le correspondu, como alcaldi teñu que recriminali que se esté cunsintindu cochis a o lau de o campanariu y en a misma plaza ¡home! si hasta en la página WEB do lugal en a plaza se ve un cochi. Na, que tes radón y dibiriamus manifestalnus energicamenti en contra, aunque solu sea aquí, tos os que teñamus interés en que se arreglin estas coisas, igual que o tema dos macetos, ( bueno esi e o mei tema en o que me queu solu y nun se por qué).Asi que, por lo menus, ei, igual que fidi por as Naviais, mandaré unha sugerencia a traves de a pagina WEB do Axutamentu, pa vel si a corporación toma o acordu de prohibil, de unha ve por toas, cochis, nun ya dentru da plaza, que e insultanti, sinon en a misma plaza.Deseandu que tos hayais chegau ben de estas pequenas vacacios, os que hayais seidu, vos mandu un abrazu.Chitu.

Bôs días a tôs, no referenti ao aparcamentu na plaza,¿alguin a intentau poñel una denuncia na Guardia Civil?
Soidi a Fala

No estas solo en lo que se refiere a los macetones,a mi tambien me parece fatal,lo mismo que se aparque en la plaza,y tienen mucha razon cuando vas a sacar una foto siempre hay algun coche por medio.Yo creo que el ayuntamiento esta haciendo oidos sordos,porque seguro que han recibido mas de una queja.Saludo a los foristas.

Bos días a tós os do foru, sintu mutu nun habel puiu escribil antis pero es que en mei traballu e de invernu y caxi nun teñu tempu. En o de a plaza tendis muta radón, fai poicu que fali con unha persoa y me conto que baisó un momentu do cochi pa dal un recau a os do bal de angil, con tan ma sorti que chego a guardia civil y o denunció y mira que le dixu que solu era pa dal un recau, pues mentras le puñian a denuncia chegó un cochi y se metei pa plaza idindu que esque le fella falta a su a cuña pa por a tardi, tocati o novi que le diserun que valí pero que fora a última vé y a tó istu era por a mañan, y a otra persoa con cara de tonta se levó a multa pa caxa 90 e. Y en cuantu a os macetos é a coixa maís antientetica que puerun puñel.

Bueno salú pa tós y pa fala y prometu intental escribil mais.

Lamentablimenti, falta muta xenti que opini aqui, sea cual ses esa opinion, pero pasal de istu, da un tifullu de falta de interés y, desde logu, as coisas se consiguin pinduas, naidi da na por que siy, desde logu, o tema do aparcamentu e un auténticu abusu, y o dos macetos unha horterá ¿Vali? e a miña opinión, ¿cual e a de os demais integrantis do foru? como nun se contesta nun se sabi ¡Que pena! ¿non?. Un saluu Chitu.

Chitu, que sepas que num estas solu en esta Cruzá dos macetos.
Sabemus que e cumu predical eno desiertu, peru vamus a metel ruiu,
vamus a idel ao ventu pur si algin escuta, que ia esta ben, que cumu hai
que idelo, num tenin sintiu ninhum purque pora finaliai que foran postus
num sa cunsiguiu nai cumu ornamentu sobran a toas ludis.
Pâ salvaguardal a praza se poi recurril a os clásicus pivotis enas
entrás, cum apertura en horas de servicius, num as clásicas peiras,
que istu ia e da edai da peira, esti verán, Nelhi a filha de Chunita,
se fidu um'a boa aviria a conta das peiras.
En cuantu ao tema de aparcal anchu e o lugal, salvu um sitiu que poicus
conhoceis, e a tapia traseira do cuantel, num se vos ocurra aparcal en
esi sitiu, vos levareis a sorpresa da consiguienti multa.
Esta Semán Santa, forasteirus que chegorin de noiti aparcorin pâ logu dil andandu hasta o centru i cuandu volveran se encontrorin cum a multa,
se ve que estaba tô abarrotau, peru digu ei, purque aqui num i eno restu
que mais dá, num alcanzu a vel a diferencia o soi mui curtu.
Si queremus tel turismu lamentabrimenti num estamus preparaus pur muta
boa intención que se tenha, i o que e piol, num se ve movel ni um deu
en esti sintiu, tampocu sabemus si as arcas tenin inheiru pâ fel
aparcamentus, ponhel pivotis i demais coissas necesarias.
Tô se poi melhoral, desdi esti puntu de vistas faiu minhas críticas, num
cum intencios puliticas, me da igual quen guberni eno axuntamentu mentras faia as coissas cum sintiu cumun.
O que num entendere numca e os privilegius o a indiferencia a esas persoas que aparcan indefiniamenti ena praza, debi prevalecel o sintiu
cumun i o respetu as normas si e que as hai, si tantu queremus o Lugal
faiamus um poicu pur mantelu cumu nos gustaria que fora, idealmenti.
Quea dita minha opinion pâ quen corresponda.
Forti abrazu a tôs i larga via a fala.

Ya nos van a chamal !!PESAUS!!!

EUUUU, !!HAI ALGUIN EN O AXUNTAMENTUUU????

Ei creu que istu e dal paus en a agua.Esti tema o tocamus por lo menus duas vedis o anu, i ya levu cuatru anus i por o que veu a coixa vai pa piol,!! tolerancias i privilejius!! !!Cochis a patàs por dondi quera i cumu quera,mazetos anti-estéticus, basuras debordandu por tos os rincos. Que fotus mais originais se tenin que leval os turistas, i si inda encima se levan unha multa por aparcal dondi nun estorba? i asi queremus que volvan?

Soidi a fala , que è o unicu que nos quea de original, de momentu.


M/E