Diba despaciu, entri a nevi y a nebla nun puia correl i ademais se tinha que fijal mutu pa vel si habia algunha señal que le indicasi que andaba por bo camiñu; nun sa´cordó de agarral o cacharritu esi que indica as rutas.
Arrugó o entreceju y entrecerró os ollus comu querendu vel a su dereita algu comu un indicaol.Levantó o pe do aceleraol y foi poicu a poicu acercadusi a aquilu.Se tuvu que baxial do cochi pa poel leelo. Parecia que era a señal que limita a duas pruvincias. Penso que nun estaba muy ben conservau y que sempris hai xenti incivilizá que ponin mamarrachás en as señais, pos alí apenas se puia leel algu de, o nun se que de Caceris.
Diba por bo camiñu, isu indicaba que habia entrau en Extremaura.Por alí cerca habia unha zona muy famossa...Cachis ¡cumu se chamaba... ah, si, As Hurdis¡.Habia leiu que Alfonsu XIII recorrei esa comarca montau en un burru, que agó era otra belleda da naturaleda.