San Martín de Trevejo - Caceres

Sintu dar a tristi nuticia de que a falliciu Filipi Dominguez o mecánicu, en estis momentus están doblandu, y a verdáis e unha tristeda enormi un homi tan jovin, y mais tristi pensar en Manuela que teña que soportar otra terribli pérdida, esta vía exigi mutu y pensar que a vedis le toca con tanta crudeza a os mismus, son misterius que naidi sabi porqué, y nos preguntámus ¿hasta cuantu poi un ser humanu sufrir? entra dentru de os designius de Dios, que Él nos da a via y Él nos a quita, y temus que tel presenti que nun sabémus o dia ni a hora, e o únicu que temus certu en esta via y solu nos levámus un ratu...en comparación con a eterniai.
Descansi en paz!!
Y o máis sintiu pésami pa toa sua família, que teñan a fortaleza suficienti pa leval esta perdida tan grandi.

Un abrazu pa tos.

mye

Nun era precixamenti istu, o que ei hubera deseau habel líu hoixi eno foru.
-¡¡Me he queau dun-ha peza!!.

-O máis sinceru péxami a Manuela,filhu i nora. Así mismu,envíu o mei pexal a Barara,Ángil,Pacu,Carmin i restu da familia.

-¡Amigu Filipi!. Qu'a nosa Crú,te tenha xuntu a ela eno Paraisu.

Pacu

Um'a morti inesperá o temprana num e fácil asimilala, a via nos da estis
sobresaltus i e deficil encontral palabras de consuelu pâ os familiaris.
Vos acompanhamus enestis momentus de dolol a toa familia, en especial a
Manuela, deseamus que saquis forzas pâ sobreleval esta gran pérdida.
Um forti abrazu de Begu i Nachu.

Pa a generaliai dos foristas, ha falliciu Filipi, e certu, pa mi, se me ha diu un amigu da infancia, da juventu, da mauré y hasta da eterniai. Era unha de esas persoas que nunca discutia na, aunque dera su opinión, falaba poicu con a xenti, menus conmigu, que sempris tuvemus fluias conversaciós de nosas coisas, foran o non íntimas, sin cortapisa niñunha.Nun teñu palabras pa expresar a pena tan grandi que sintu por esta inesperá perdida, por isu, mañan le daré o últimu ayos, con to o dolor de mei corazón que será mutu. Tampocu teñu palabras pa alabal a unha clasi de persoa tan excepcional; naidi, absolutamenti naidi, habrá recibiu un desairi de Filipi, y mutus a axua que se le haya piu.Detras de esa apariencia seria y taciturna, amigu de poicas palabras, habia un ser humanu, cariñosu,sensibli,traballaol dondi os hubera, caritativu, fiel y amanti dos amigus, a vedis guasón aunque parezca mintira, pero sempris con un corazón que nun le cabia en o peitu. Toa a via dedica a sei tallel, a vedis hasta sin festas por atendel a xenti, y ha mortu con as botas postas, sin poel disfrutal do descansu que tan miriciamenti tiña gañau. !Descansa agó,Filipi, amigu do alma,que to merecis¡ Os demais eitaremus lagrimas de dolor sinceru por que te quiremus y te recordaremus sempris. Con muta pena, Un saluu pa tos,Chitu

Un gran dolor por tan estima perdida.
Descansa en paz, Filipi
Nun teñu palabras, nun hay palabras pa expresar o que en estis
sintu.

Nun perdonu esta morti que tan prontu
se nos ha levau a un homi con esis valoris
que "chitu" nos recorda.

He sintiu un dolor grandi por esta morti tan inespera...nun me sain as palabras pa expresar o sintimentu de tristeda que me invadi. Pa Manuela y fillus ,un abrazu muy forti y unha oracion a Cru bindita pa que vos dé valor en estis momentus tan durus
Pa tos os hermanus, Anguil ,Jose Luis, Pacu ,Carmin y demais familia, o mei mais sintiu pesami, vos deseu muta sereniai pa leval esta pena
A Filipi :a igual que os otrus mañegus, ei tamen te teñu por un homi bo,!Que descansis en paz!
Isabel Moreno

Con estupol leu a nuticia da morti de Filipi. Me unu a to o que didi Chitu, pos nun ha puiu fel unha semblanza mais axustá de comu era él.
Manuela, que Dios te de forzas pa leval de novu esta gran desgracia.
Jose Juis, Pacu, Angil y demais familia, de to o corazón vos mandu un gran abrazu.
Chuchi García.

Que tristeda a morti de Filipi,cuantas vedis le daba a matraca en o sei taller,nun teñu palabras,solu deseali a Manuela o millor,que tiri pa yantri con a sua familia.Tamen le doi un forti abrazu a toa familia Canu por a morti de o sei familiar.
Que teñan un descansu eternu y que en o ceu dos mañegus nun estaran solus.
Forti Abrazu

Me e queau de peira, o lugal leva unha racha que vamus,desde aquí dal o pexami a toa a familia de Filipi era unha persoa muy quiria y respeta por tó o lugal,a Manuela que saqui forzas pa superar to que por desgracia le ha vindu. Que descansi en pa.

Un abrazu pa toa a familia.

Fai dois días que mei xienru me ha postu p´aquí internet, y hoixi me enteiru da morti de Filipi (magnifica a descripción que Chitu fai de él). Cumu caixi tôs, nun teñu palabras.
Desde aquí, desde Andalucía, especialmenti pâ Manuela: forti abrazu.
Extensivu esi abrazu a Ángil, Pacu, José Luis y Carmin, seis hermanus.
Tôs sabemus, comu didi Chitu, que Filipi era homi de poicas palabras y de mutus actus.
Descansa en pâ, amigu Filipi, parenti. Que a Crú Bindita te acolla en seis brazus, por otru láu sempris abertus.
Miña oración por él y por tôs os familiaris, especial pâ Manuela y o fillu, conquin tuvi oportuniái de falal o día dâ Crú.
Sempris o recordaremus.
Sintías condolencias a os Canus, especial a Nanu y Fori, conquin teñu máis contactus.
Forti é o abrazu.
Fernando Domínguez (o dagal de tía Antulina a peseteira).
BRODAS

Queru dal as gracias a tos os furistas por esas muestras de cariñu i afectu que nos habeis demostrau. Ben nos describi Chitu cumu era Filipi, i ei inclusu añadiria algunhas virtudis mais, era mei hermanu, i cumu nos levabamus solu un anu sempris estuvemus mui unius.

Ya solu nos quea pili a nosa Cru Bindita que o acolla en o sei senu.

I que le dé forzas a Manuela pa tirar p'a ayantri

Gracias de to corazon, un abrazu pa tos os furistas.


Angil