San Martín de Trevejo - Caceres

Vistas as vosas aportaciós sobre o bail, pareci que é así cumu debi estal en o diccionariu.

Ya le solicitaré a o administraol que quiti o "castallanismu" BADIL, así cumu le dirigiré un-ha misiva solicitánduli que as palabras a incluir sean, previamenti expostas a o foru.

Agora, cumu veu que sois un-hos dagalitus aplicaus, y que, aunque estamus a fináis de cursu, se vos vé ganas de traballar, poñu agora, en vÉ de un-ha: duas PALABRAS, que pareciu cumu si estuveran ripitías:

A PRIMEIRA E:
Afogau : Hahogado.(Enviado por Cana)
O poñemus Afogáu: Ahogado. (Enviado por JL)
(sólu temus que discutil si é con acentu o sin acentu). En castellanu se pon cumu escribi JL.

A SEGUNDA É:
Dambus : Ambos. (Los dos).(Enviado por jl)
Ambus :Ambus y dois. Los dos.(Enviado por Cana)

Cumu alguén m'a escritu a o mei correu, y didi que tamén ei opini, está é a miña opinión:

Respectu a BAIL - BADIL, me inclinu por BAIL

Respectu a AFOGAU - AFOGÁU, y a AMBUS - DAMBUS nun quixera influir en as opiniós de naidi (máis aiantri daré tamén, faltaría máis, a miña)

Nun vos queru cansal máis, pero istu se me ocurrí, porque vía o foru algu pirdíu, sin colaboraciós.

A propósitu de toos que se han calau, uya pondré un romanci un día de estis.

OS SALÚA DE CORAZÓN

B.RODAS.

Ayer, un-ha, y cumu pareci que nos sei ben, hoixi ya nos pos o dobli, istu e mais duru que cuandu diva a dar "pasu", pero bueno, fairemus o que poamus.

Pa o mei parecer son: AFOGÀU Y DAMBUS Y DOIS


Un saluu pa tos/as


M/E

AFOGAU: Creu, que debi queal,a que tén a traducción mais correcta (ahogado).

AMBUS : Me pareci, que é a correcta.

Pensu: que unha ve, hayan siu aquí aprobás, as palabras debirian añadirsi a o dicionariu sin autor.


Soidi... FONTI NOVA II

De acordu con Brodas, Afogar o afogarse, segú sea reflexivu o non, eo verbu, lugu se didi afogau y ei sempris uivi a miña güela Primitiva idel " ei venin dambus y dois" pa refirirse a unha parella, asina ( que tamén asi se idia antis) que Dambus.Vos salua, sin tempu, Chitu.

As redundancias mais soá en mañegu,sempris foran "dambus y dois"y "ena mitá o meyu".Pensu que por ripitías y por soás,enesti cassu, -DAMBUS- é o correctu.

boas noitis

Sin ánimu de aburril a o personal, poñu en o vosu cuñucimentu que:

Fai dois días le escribí a Peiru (o administraol) solicitánduli que se cambiara o sistema de incluir palabras en o diccionariu, en o sintíu de que cuandu un usuariu registrau queira poñel un-ha palabra se publiqui antis un avisu en o foru referenti a ela y nun sea incluía sin que se pronuncii o foru.

De maneira amable me contestó que nun poi sel así, que o sistema é o mismu que hasta agora, ya cambialo supón cambiar too o sistema a os demáis lugaris, de esti foro-ciudad.

Está dispostu a borral as palabras que, de mutu acordu decidamos nun debin estal. Me comunicó que había borrau BADIL.

A mi se me ocurri un sistema, digamos híbridu entre os dois: Cuandu un de nosotrus queira poñel un-ha palabra, previamenti o colgui en o foru. Se discuti o tema y se procedi a añadila, de a maneira que s’acordi, y con o significau que se diga. Istu, desde logu, é un acordu entre nosotrus, que se entenda así.

Poñamus un ejemplo:
Ei digu: queru poñel en o diccionario a palabra ATAFULLAR, con o significau de enchel un-ha coiça demasiau, de maneira que caiýi se sai.

Entoncis os furistas opinan sobre a palabra:
- si está millol con otru significau,
- o a complementan.
- Si ya está posta
- etc ... etc...

Y dispois é cuandu o que ha proposta, se manda a Peiru (o administraol) y, en consecuencia, se publica.

Ya me diréis

BOOS DÍAS

B.RODAS

Totalmenti de acordo con a tua proposta.
Gracias maestro. jl.

bos dias.
ei tamen estoy de acordo.asi sabemus
que palabras se ponin i o significau.
un salu pa tos.

Brodas, estás fendu un bo traballu; nun te deteñas.

Volvendu, a miral a fotu de Indanunse de ayel (mística) me ven a memoria;que hoixi, comu tós ben sabeis, é, o solsticiu de verán po hemisferiu norti."A porta dos homis" (según os clásicus griegus).

Indanunse y JL . Agarrei os trastus, y trotandu palí,dondi o sol,hoixi nun se pón y a disfrutal, contemplandu "o sol de meya noiti". Contemplar esa maravilla; debi sel, un espectáculu inolvidabli.Comu vos cai de camiñu,pasei por aquí y vos acompañu.
Contal de velo,ya vos levu ei,os tripodis y as cámaras,voxotrus nun tendis que cargal con na.

Soidi... FONTI NOVA II