San Martín de Trevejo - Caceres

fai unhos dias me han contau una historia que han ditu que era verdais inclusu que se habia publicau en alguna revista. o casu non e que sea gran coixa a simpli vista pero son esis detallis y esas persoas as que fain que ha nossa terra sea ca dia millol. a historia e a siguienti esperu que os gusti a mi si que me gustó "certu dia un homi mallol foy a o mecu pa felsi una revision, mentras que o mecu o ispeccionaba se do conta que o pacienti estaba muy tensu y le preguntó que pasaba, el le disu que tiña algu que fel muy importanti, o mecu intrigau preguntó que era isu que tanta importancia tiña, y o pacienti disu que el diba toas as mañas a almodal a una residencia dondi tiña a sua mullel con mutu alzheimer y que por a edai que el tiña non puia atendela. o mecu le pregunto por a situacion en a que se encontraba a mullel a o que le respondei o homi que sua mullel ya nun le cuñucia. o mecu itandu una risota disu que entoncis nun tuvera tanta prisa en dil que por un dia que faltara nun pasaba ná, ademis comu a sua mullel nun diba a coñocelo que mismu daba. esti homi mallol con as lagrimas en os ollus disu "miña mullel nun sabi quin soi ei pero ei ven sé QUIN E ELA" y o mecu emocionau nun supu que idil".

Boas tardis Foristas, Mañegas y Mañegus:
Estimau amigu "Capitán Centenu". Está muy ben escritu y muy ben explicau. Vaya detalli de o omi: !Que cariñu! que contestación mais apropiá. !Que corazón de amol! que detalli de estal pendienti de a sua mullel:!Que alegría! poel idel :Ela nun me coñoci, pero ei si coñozu a miña mullel".
Me ha gustau mutu que contis historias cumu estas amigu "Capitán Centenu".Istu si que é un Matrimoniu ven avindu.
Soidi a Fala, Mañegas y Mañegus.
Chalrrieira.

Amigu Capitan Centenu, Unha história muy bonita y real, en mutus matrimonius mayoris, mutas vedis han seidu en a TV, a dedicación que ha demostrau a muller/homi, por a persoa que padeci esta terribli enfermeai.
Pero tamen se ve en o nosu lugal, esas parellas que ya han cumpliu as boas de oiru, tenin esa gran sorti de haber chegau, y pensu que hé o mayor regalu que a via les dá, aunque esten cheus de achaquis os dois, pero se palpa na mais velos o amor que se tenin.
O cariñu está basau en detallis pequenus, "mutus poicus fain un mutu", en coisas pequenas, en o día a día, y pensu que esa he a aspiracion que a mayoría poemus tel, estar hasta as últimas consecuencias con a persoa con quin hemus quiriu compartir a via. Y mutus/as por desgracia ya nun poin...
As persoas que queremus ya sea a parella, ya sea hermanus, y o restu da familia, caún sabemus cualis, son pequenus tesoirus que temus y que hay que cuidar, si estámus pendientis de os demáis, somus mais filidis, y de ve en cuandu vay muy ben pensar interiormenti, si esa persoa que temus deyantri, a o nosu lau... si se fora pa sempris, algu que tardi o tempranu pasará, cúmu a eitaré de menus y, así se quitan mutus rencoris, muta sobervia, y pensar que que nun mereci a pena sufrir por tonterias.
Ben o didi Facundo Cabral, nominau a Premio Nobel de la Paz 2008, idía: "Hay tantas cosas para gozar y nuestro paso por la tierra es tan corto, que sufrir es una perdida de tiempo"
Ei o interpretu, esa perdida de tempu, sufrir por coisas que nun merecin a pena, nun por o sufrimentu das persoas quirias.
Bueno, aproveitu pa felicitar a tos os enamoraus que hay en o Foru, por o dia de San Valentín
Un saluu y muta soidi pa tos y pa Fala

mye