San Martín de Trevejo - Caceres

O do conventu ha siu desde fai tempu un tema pendienti pa o lugal. Vel un edificiu tan enormi vadiu y quéndusi ten que removel as tripas. Nun sé cual é a composición de o ayuntamentu, nun sé de quin ha seidu o tratu con os propietarius (en tempus me a cordu que foran os ubispus de Sevilla, de a Ciai...según me contorin) ¿de quín dipindía agora? ¿Y a Residencia, ¡ isu si que é un puntadu pa os políticus! ¿De quin a seidu a idea? ¿d´os politicus, de algún técnicu da Junta? Trel os dois pruyectus pa Sa Martín e un verdadeiru éxitu. En sei momentu tamen o foi o lograr poñel y mantel un ambulatoriu con sei mecu. As comunicaciós que se están fendu pol o Soitu (entendu que a o margin que gusti o nun gusti era piligrosu maten a carreteira tan estritita). Esi poi sel o camiñu a recorrel. Esperu que a Junta tomi boa nota porque istu ven a sel comu a pescadilla que se mordi a cola, si te dan iñeiru y nun tes proyectus importantis y vistosus pa que os puliticus sayan en as fotus, as próximas partias dirigias a o lugal poin sel disminuias. Porque coixas pa fel habrá mutas pero ademais tenin que sel atractivas pa os politicus que poñin o iñeiru. Filiciais pa os que hayan postu en marcha estis proyectus y pa to Sa Martin porque con coixas así tos sin gañandu.

"alfena"
O conventu pirtinicía a o Obispau da Ciai, sin cuestional en absolutu que foi méritu do Alcaldi y da Junta de Extremadura, tamen do PSOE
teñu que informarti que duranti mutus anus Gonzalu, mestru, o fillu de tiu Rosariu (q.e.d), Domingo Frade "Mingu", Liberatu etc..luchorin por ese objetivu: "O CONVENTU é nosu", o sea, que a fruta ya estaba maura.
Estoy de acordu contigu que tantu a Residencia cumu a futura Hostelería é o millor que se ha feitu en o lugal en toa a sua milenaria existencia.
Nun logru entendel cumu ques proteger "A fala", cargarti o Soitu y nun estar locu, plagiandu a Antonio Machín. Esa carreteira a pesar do aumentu do númeru de cochis en os últimus anus ten menus tráficu, é certu que urgía unha reforma y se puía haber feitu sin o DESASTRI ECOLOGICU que están fendu. Te remitu a hemeroteca do Foru, a Prensa Regional, a o Movimentu ecologista de Extremadura, a Google ETC...
y te informas.

!!SaLVEMUS O SOITU!!

chenchu

Estimau Chenchu:
Esti verán na mais chegal a o Soitu fidimus dos comentarius. O primeiru paramus pa sacal una fotografía en a parti en que nun entran ni os rayos de sol :"Jo, esto es lo más bonito delmundo". A otra pará foi cuandu chegamos a o ensanchi de o trozu que ya tenin feita a carreteira nova: "Bueno, parece que se les ha acabado la subvención y ya veremos cuando terminan lo que falta", "Sí pero se van a cargar San Martín porque ya no estará tan protegido, entrarán más coches, mejor que hubieran arreglado la carreterita que había y no hacer este carreterón", "Sí, eso para tí y para mí que venimos una vez al año, cuéntale eso a la gente del pueblo que tiene que pasar todos los día por aquí, sea invierno o verano". Comu ves fidimus dos comentarius y o o chegal a o lugal tamén o comentamus con alguna xenti y había xenti a favor y xenti en contra y tos eran mañegus.
Pregunta do millón ¿cómu poi a carreteira estropeal o Soitu? ¿Antes de fel o ensanchi, alguin (supoñu que o dueñu) fidu un a tala (inda ve ven donde foi)que isu si que é estropeal o Soitu.Vai otra pregunta ¿Qué queremus creal postus de traballu fendu que a xenti veña a coñocel o lugal o non? Oixi vai de preguntas: En o siglu XXI ¿cres que por 5 km de mal camiñu hay persoas que val a vin o deixal de vil a coñocel o lugal? ¿Crees que si ven mais xenti va a perjudical a o Soitu comu masa forestal prutigía.?. Debi habel algún puntu que se me escapa. ¿Nun estropea mais o lugal o ensanchi indiscriminadu y o tipu de construcción anárquica que ha rotu o airi típicu que tiña fai poicus anus? En fin, os que primeiru temus que chegal a un acordu somus os mañegus. ¿A dondi queremus chegal? ¿Qué queremus fel y qué repercusios van a tel en un futuru mais o menus próximu? ¿Qué contrapartias son negociablis y cuális non?... Ya dixi en o principiu que diba a metel algunas "patas". Pa mi y mentras nun vivu en o lugal me é sencillu respondel a a pregunta de "carretara sí o carretara no". Salus Chenchu

"alfena"

Nun é percibiu en o lugal entusiasmu por esa carreteira, asi cumu tampocu, sensibliai por a destrucciÓn do meyu ambienti.
Se trata de un castañar de propeai priva y o dueñu con os permisus oficiais correspondientis fidu a tala, que sempris debi levarsi a cabu
pa rejuvenecer o arbolau.
Que naidi está en contra da reforma da carreteira, pero si de esa obra faraónica.
A destrucción do SOITU generara menus turismu, porque a "industria de San Martín" é a sua NATURALEDA.
Y nun te falu sobre a pérdida de algu muy vivu pa nosotrus, era/son na mais y na menus que as nosas señaS de identiai, entraL en o frescor do tunil doS castañus, que o forasteiru sempri comentaba: "No creía que estuviera en Extremadura (...)"

"Construcción anárquica" -didis.
me gustaría que me concretaras mais, quizás ei nun o haya percibiu.


boas tardis
chenchu

siguru que tu en dondi vivas nunca as protestau por as autopistas, autovias boas carreteras..de tendis en tos us laus. os que vivimus por aqui necesitamus boas carreteiras y vias de comunicacion pa viajar mais y millor, por isu us de esta zona, que estamus "artus" de arbulis queremus a carreteira do soitu se falla nova sin curvas, bó asflatu y mais ancha.pa que pasin camios, autocaris...claru que agora nun ten trafico, quin coños vai a vajar por ela, si se arregla vajaran mutus mais coches y genti por favor naidi sea salvaor de ná porque vosoturs solu vindis unos dias y dispois vos dis tos y nus sabeis na de o que por qui se fai ei vos invitaria a que paseis aui un envernu, con friu sin genti y encima por esa carreteira que solu ay nebla y hielu...aver si sa martin era tan lindu, pa mi si o e.por que creu que es o pueblu mais bonitu y mejor conservau do entornu. gracias, suguru que me criticareis peru esto en o mei dereitu inckluso de responder sin nomi.soidi a carreteira.

O poñu con mayúsculas:ESTOY D´ACORDU CONTIGU.
Que hay que pagal un preciu, ¡Ay amigu,! ¿Dóndi dan os durus a pexeta?. A Negociación consisti en isu, ei te doi pero tú qué me das. O avanci é o que ten. Tiña ya ganas de uivil a un de Sa Mrtin que vivi en Sa Martín. Ei´soy muy poicu indicau porque ni he viviu ni vivu y mutu menus en invernu pol esas carreteiras que se te pon una persoa ma y tardas tantu en chgal a un hostital que te arriesgas a que se morra en o caminu ¿Cuantus Kms hay hata Coria? ¿Cuántu tardas? ¿Y hasta a Ciai? Bueno, hasta payu porque logu ya han feitu boa carreteira. En fin, ¿A dóndi queremus chegal? ¿Qué preciu estamus dispostus a pagal? Y dil a pol u objetivo sin demagogia. Usuario no registrado, Me gustaría la carretera de antes pero a la vez que no causara accidentis, retraxus, incomodidais...riesgus permanentis a xenti que comu tú vivis TOS OS DÍAS.Menus mal que hay poicu tráficu que si non dibamus a sel tos os días en o Telediariu. Que viva a fala.

Forista nun IDENTIFICAU:
Ya, claro que estas en o tei dereitu de respondel sin nomi, ERIS
o mismu "mm".
As expresios "vindis unhos dias y vos dis"
"vos invitARIA a que paseis un invernu" "seguru que me criticareis" etc..etc..me alegra mutu que escribas en o FORU. Benvindu!!!
sinceramenti.

Tal y cumu te expresas, esi é o tei estilu, PARECI que estemus falandu de unha VIA de comunicación, que tuvera tantu tráficu, tantu, y que o númeru de siniestrus fora tan elevau que exigira unha AUTOPISTA. O tei mensaji é demagógicu en a forma y o fondu. (Aqui en Barcelona, agora ya temus CASI unha AUTOVIA Barcelona-Zaragoza, pero toas, absoltuamente toas as autopistas son de PEAJI ¿te refieris istu? )
Estamus falandu da carrteira do SOITU quitando a duas curvas peligrosas, os pontis, y algo mais siria mais que suficienti.
A CIai ya nun é o que era fai 20 anus, ha vindu a menus. Ya nun ten mercau os martis... Si comparamos Ciai/ Coria o desarrollU de esta última ha siu espectacular y esa é unha das rados de que teña tan poica circulacion y nun por o sei mal estau; estamus falandu de unha carreteira pa tres pueblos: San Martin, Vilamel y as Ellas, porque Valverdi ten seida pa Navafrias.

"Y nun sabeis na porque se fain as coisas"
tes radon: ¿pur que se fidu o "mercau do ganau"?
¿pur qué o "Chozu"?
Tu que tes toa a informacion ben mo puias aclarar.

Se habrán feitu estudius y se sabrá a o largu do anu cuantus automovilis a utilizan...me gustaría sabelo. Y cumu tu tes esa INFORMACION me gustaría que expuyeras, con esis datus es cumu se convenci y nun con idil " (...)vos dis tos y nun sabeis na de na"

Desde San Martín a o Soitu se tarda 20 minutus en verán, con a nova carreteira se gañaran pensu que 10 MINUTOS
¿Mereci a pena a destruccion do SOITU por 10 minutus?
¿Que pasaria si se destruera o campanariu?
pues o SOITU nos IDENTIFICA.

"alfena" cumu to esta ya decidiu, aqui ya solamenti nos quea, a os que NUN ESTAMUS DA CorDU con esa obra, o dereitu a O PATALEU.
Doy, ya o tema por agotau.

boas noitis
chenchu

eRRAta:

Dondi digu San Martín/Soitu se ven a tardar 20 minuntus,
quiría idil SANTA CLARA, en lugal de SOITU.

Estimau Chenchu:
Partamus de o presupuesto en a conversación do correo anterior ei foi ao que dixi aquilo de:"¡Que pena, con lo bonito que estaba antes!. Poil sel que ei haya diu poicas vedis a Sa Mertín, pero te digu entusiasmu, entusiasmu... he percibiu por muy poicas coixas. Para leval a cabu un proyectu o mismu hay que poñel algu mais que entusiasmu. Si o Soitu e propieai privá y didis que este poil pil permisus para talal controladamenti os árbulis pa cuidal sua regeneración y favorecel o rejuvnecel o arbolau. ¿Isu te leva a pensal que se vai a destruil o Soitu?. A cantiai de arboleda según tú nun disminuyi por a tala. Ei en cambiu digu que desde que se procedei a tala o Soitui nun a queau igual,.Antes chegas y hasta caixi abaixu dibas en un arcu que rea sombra.
Teñu que pensal que te refieres entoncis que o mal vindría pol a ampliación da carreteira.¿Cuantus metrus tindría antes a calza, 4m? ¿con o ensanchamento cuantos tendrá 9m?. ¿Que isu a estropeau a naturaleza de forma irrecuperabli? Pues en parte sí, porque agora pasal debaixu do arcu de as copas dos árbulis vai a sel sólu en o caso de que deixaran crecel mutu mais y nun cortaran en mutus anus.Le chamas obra faraónica, ¿por qué?. Ei tanmén pensu que é algu exagerá pero, amigu pa una vé que chega iñeiru hay que fel algu definitivu (recorda o mensaje anteriol) o a obra é notabli o "pa chapuzas" nun mandu iñeiru. Y otra coixa que dixi, temus que mollarnus mais cuando estamus a favol o en contra de un proyectu nun esperemus que nos den to feitu. Nun queru poñel ejemplus pero en os debatis sobre presupuestu sempres son otrus os que se levan a tajá. De ná sirvi que nos quixemus pol e.mail. En fin,esti e otru tema que por internet nun se soluciona y hay que falalo. Habel si a próxima vé te poñu algu sobre os ensanche a nivel de construcción de viviendas que se han feitu de Sa martin. Aupa a fala.

Habeis tocau dois temas, un dos cualis está repitiu, por que hemus falau de isu. O ensanchi da carreteira do Soitu, como to, ten detractoris y ten siguioris, pero nun me neguéis que estamus pagandu muy caru o progresu, si e que a facilitar o que se corra mias enterrandu incluso a antigua calzá o é. ¿E que nun había otra alternativa pa un par de kilómetrus o algu asi que supon a parti guapa do Soiti? Ei no soy ingenieru, pero creu que con muy puiquitu danu, mantendu al calzá en boas condiciós y recuperandu un poicu as cunetas con “quitameus” eficacis, se hubera evitau, por lo menus en esi cachitu, acabal con esi espectaculu permanenti en que consistia atravesal esa parti do Soiti. Estou con Chenchu en que a Ciai ha cambiau y o que antis era unha entra y seidoa caisi obligá, ago nun o e, a genti sai por abaisu preferentimenti, que e a vía de comunicación y seida natural, menus pa os que vivin en o Norti o venin y sain pa Francia, por que pa Mairil ya se vai por abaisu. En cualquel casu e un tramu pequenu y con nebla y nevi tan piligrosu e de unha maneira como de otra ¿ Que apostamus a que o millol hay mais percancis cuando a carreteira esté boa ? Ya o veremus. Estoy en contra de que se ensanchi a carretaira de maneira que se nos quiti o que tos chamanus tunil de castañus, pero sí a favol de que se adecenti a calzá y se aumentin a mias de seguriai, pero na mais. En cuantu a o tema de as construcciós, hay que idel , que o que se está fendu novu y fora do lugal, o millol ditu do cascu atigu ( hay que dali importancia a coisa ) personalmenti será mais o menus guapu pero e funcional, talvez se haya especulau fendu callis mais estreitas de que deibian habelsi feitu, pero na manis, De aquí pa tras si que se fideran barbariais, como cambial as escaleiras de peira por otras de baldosa, o alicatal entrás, o fel portas de ferru, o cunsiltil colocal ventás de PVC blancu en fachas de peira, en fin, antis naidi mitia man en isu, agó creu que a Xunta fiscaliza y exigi mantel armonía en a edificación. Isu está ben Soidi pa tos y un saluu de Chitu.

No te equivoques la riqueza de San Martin no es solo su naturaleza, lo es el buen hacer toda la gente que vive en el pueblo, sus tabernas y bodegas, los lugares para comer desde hamburgesa o pizza hasta un buen cabrito o algún pescado, sus tiendas donde gastar aunque sea poco, las piedras de sus calles, sus casas, su historia, las conversaciones, tener donde dormir, tener piscina y la atracción de su "fala".
La naturaleza forma parte de un conjunto que con otros factores hace a la gente de esta o de aqueklla manera, pero si los turistas buscasen naturaleza nunca habrían ido a San Martin porque en España hay parques naturales y miles de zonas con mas abundancia. Así que nunca olvideis que quien hace de San Martin un pueblo grande sois vosotros y vuestro buen hacer. La carreterame parece bastante normalita, no estropeara el soto que en pocos años volverá a invadirla con sus ramas, y facilitará un mejor desarrollo para el pueblo y mayor comodidad a un turista que cada dia exige mas calidad y mas servicios.

Boas noitis a tôs o milhol ditu bos dias.
Chenchu, faiamus um'a exposición argumenta cuandu digamus:
Dasastri ecológicu, obra faraónica, salvemus o soitu etc..
Istu me recorda aquel anunciu previndu os fogus d'antanu.
Cuandu um bosqui se queima, algu tei se queima. A'o que idiamus, senhol Marques, purqui os bosquis de quén eram.
Que éi sepa, eno kilometru seis han empezau toa via os castanhus, árbul que a os dé anus de cortalu i num arrancandu o troncu volvi a estal en sei sitiu, logu num é irreversibli a corta do mismu.
O famosu tuni num ten ni um kilómetru de largu, certu é que da pena que se perda, pero de isu a desastri ecológicu. Istu siria si se vira como a serra das Elhas, roca viva sin vegetación.
Ei estaria cumprumitiu con'a causa si falaramus da calza do portu, súbi hasta San Ládaru i sigui p'arriba, veras os castanhus velhus, adebus i tôa flora autóctona do lugal, num seamus agora ecologistas de cochi sólamenti, ademáis se puia cortal solu os da parti arriba da carreteira, ia que'a obra cunsisti en desterraplenal, solu ensanchan por'a dereita que é máis fácil, pasandu de cuatru metrus a seis, caixi ná.
Obra faraónica didis, esa ia se fidu en sei dia, porque se fidu con picu i pá, se chama caminhu vidinhal, ni siqueira carreteira, porque iustu ten cuatru metrus de anchu asfaltau, agora con'a maquinaria pesá num custa tantu tempu i num creu que chegui o inheiru pa fel túnilis comu ena famosa autovia de Leizarán.
Salvemus o Soitu, pero si a naturaleda é sabia, ben salvau está, quen máis o pon en peligru e'o propietariu que boas cortas fai. Desdi que tinha cuatru anus num he parau de subil i baixal esi portu, é vistu mutas cortas feitas i sigui eno mismu sitiu, cuantas Semás Santas e baixau cum um'a nebra que num se via máis ala do morru do cochi, isu conhocendu ben o terrenu, asi que num faleis de piligrus.
Claru esta que se nota a impoltancia de sel agora de Cáciris a cuandu dipindiamus máis da Cíai, cuandu operaban algun enfermu, a clínica de Don Manolu, oculista Don Emiliu Calvajal etc...
Tamén é verdai que os do norti semus por aqui, porque os de Vilamel van por'a Fatela a pesal do rodeu, pol esquival esti portu.
Que poi habel máis acidentis, sempri dependerá da velociai, peru isu esta pol vel i'o que hai se ve a tôas ludis, que ca ve ten menus tráficu, normal, é mui bunitu baixal en primavera i verán, peru o restu hai que eitali dois paris de colhos pa felo.
Con radón nos didin os que están, que comu num vamus máis que cuatru dias que máis nos dá, tenhamus sintiu común i num saquemus as coisas de lugal.
Ia pa telminal, que ten que vel a fala con'o ecolugismu, esta si que hai que salvala, a temus castelhaniza i cá dia máis por'as influencias dos meius de comunicación.
Buenu, comu idia um, falandu do pisu da carreteira, asfaltao, pos si vos é faltau me perdoeis, peru ia num me puia calal pol máis tempu.
Larga via a fala i ao Soitu, soidi pa tôs.

me parece estupendo todo lo que se esta haciendo con el convento o preventorio, lo de la hospederia es una idea formidable, pero no olvidemos que antes que el actual equipo de gobierno del pueblo lo comprara, ya se habian hecho negociaciones con el anterior obispo a don Julian, por parte del PP,lo que ya no estoy tan de acuerdo es que la iglesia del convento este desmantelada y sabe Dios para que se va a utilizar, ojala se recapacite y se utilice para lo que esta estipulado en el contrato firmando con don Julian, actual obispo de Leon y al final de las obras quede la iglesia para posible culto y no para otras chorradas que se le ocurra, a la Junta de Extremadura o a los que nos gobiernan

"N.Identificada"

aNTES, mucho antes de la existencia del Partido Popular (PP),vuelvo a repetirme,a Asociación "FAla y Cultura" Gonzalu, Mingu, Javier etc..crearon el eslogan y pegatinas "O conventu é nosu". Se entrevistorin mais de unha vez con os respectivus obispus da Ciai; é certu tamen que Liberatu do PP, alcaldi, tamen fidu as gestios correspondientis, pero aqui o mÉritu é do actual alcaldi, Máximo Gaspar y da Xunta de Extremadura (PSOE)

Responsabiliai de cuandu gobernaba en o lugal ALIANZA POPULAR, (AP) o PP de agora, error monumental, o nun adquiril a casa de Torris, que logu a compraría Antonio Cano (q.e.d), que pa o municipiu se la vindía por un millón menus, que se puía haber comprau sin préstamus bancarius porque había liquidez suficienti.
Esa casa con o grande que é pa CASA de CULTURA, biblioteca, Ambulatorio
etc..¡y en a PLAZA!

A iglesia do conventu se utilizó pa o "Congresu da FAla" QUE
nun é ninñua chorra,nun pretendas agora fer de agorera, que se utilizara SEMPRIS, nun teñu dudas, pa ACTUS decentis.
Desde aqui propoñu que unha vez acabás as obras, o OBISPU da Ciai y o de Coria -Cáceris concelebrin con toos os sacerdotis de Sierra de Gata, unha misa, imprescindibli un TEDEUM, y a o mismu tempu (sin dañar a paredis)se expoñan as fotus de INDANUNSE y j/l, si elis querin, claro

bos días
chenchu

Boas tardi a tos:
Habel si piyo sel brevi. Nachitu, o has escritu que ni bordau. Muy equilibrau. Te felicitu.

Sobre o tema de o conventu y con to respetu do mundu a os partius que nombrais (pol agora nun voy a entral en temas de pulítica. Tal comu disi, repitu:¿Filiciais a TOS o que han fitu pusibli o dois pruyectus.

Estimau usuario no registrado:

Vaya pol detantri o máximu respetu a o que expós en tei mesaji. Sólu queru deixal una reflexión mais en o ambiente.
Tos sabemus que en otrus tempus digamus sobre tó a finalis do s.XVII y tamén en o XIX ha habiu ministrus : Godoy pero sobre tó Mendizabal y Pascual Madoz que, con a sus a radós (nun entru en ixu)confiscabal a propiais de as ordenis religisas y a Igleixa para dispois vendelas a os particularis y así enchel as arcas do Estau. ¿Que ixu está mal? (nun queru entral)A cuestión é que una ve de pasal a ser propieai privá pensu que nun se le poi idíl a o propietariu ¿qué ten que fel o deixal de fel en a sua propieis ¿non?
Vayamos a o nosu. O conventu ha pirtiniciu a Igleixa (Obispau de a Ciai) ¿non? Puia habel feitu o que hubera quiriu. Agora le ha interesa vendelo.En ve de arreglalo par siguil con él. ¿Se le poi idil a o actual propietariu (Ayuntamentu, Junta...)¿qué te que fel en o que antes era una capilla do conventu?. Pa unos será utilizala para seguil dandu misa, pa otrus pa fel una aula de cultura, una bilioteca, un museu, un aula polivalente o de exposiciós.... Inda nun han feitu na y nun sé que tenin pensau fel pero demus un votu de confianza porque si han fitu ben as gestios para adquirirla supoñamus que seguiran actuandu ben ¿non?. Comu sabis con o mayol respetu a tua persoa porque sé que eris un señol dondi os haya.
Abrazus

"NACHITU"
CoñoZU y muy ben y nun falu de "ecologismu de salon" que mo fayu caisi toos os dias en verán subir por o portu a Santa Clara y baixar por a Pastora o dil as Ellas.

¿Qué ten que ver en esti casu o SOITU con "A Fala"?
que ambus son bienis culturais que temus que proteger.

E unha metáfora definir cumu "obra faraónica" pa IDIL que San Martin y as Ellas nun necesitan unha carreteira tan ancha pa dil a Ciai. Descuñucía que os de Vilamel utilzaran a Fatela.
Duranti 40 veras estuvi fendu Barcelona-Soria-Valladolid-Salamanca-Ciai,y viceversa; agora os que residimus por aqui vamus a Mairil y entramus por Coria.

A Ciai ya nun É o centru comercial ni Sanitariu cumu fai 20 anus. Temus o Hospital de Coria que funciona de maravilla.
TeMUS boas tendas en o lugal y nun fai falta desplazarsi pa adquirir alimentus, que hasta CABRA, o "caviar" das carnis, pois guisar.

¿Cuál é o prEsupuestu de esTa obra? ¿Cuantu valdría, si cumu didi Chitu, que de esti TEMA apesar de nun ser Ingenieru sabi mutu,
se hubera respetau o Soitu? Falamus tamen dos nosus impuestus.

Unha vez mais REITERU, que aqui naidi, absolutamente naidi afirma que nun tiña que reformarsi a carreteira, non, aqui o que se discuti e o CUMU, que había otras alternativas.

Resumindu:

tal y cumu se esta fendu nos custa mutu mais porque tanta anchura nun é necesaria pa o númeru tan redui de automovilis que a van a utiliza.la;a nebla y o hielo van a continuar; o ahorru do tempu en relación de cumu está agora nun mais de 10 minutus; o desastri ecologicu é evidente, certu que o castañu se regenera, nun é o pinu; a o castañar se le quitan hectareas.
Aqui en o Foru cuando se falo sobre istu se deran argumentus de too tipu, nun obstanti, te remitu a Agrupación Ecologista de Extremadura y o feitu que os integrantis de esta PLATAFORMA nun fayan usu de esta carreteira, tenin o DEREITU y o DEBER de proteger o SOITU.Y mutus dos seis componentis son Ingenierus Técnicus Forestais que ni tu ni ei les vamus a dal lecciós sobri esti tema, por consiguienti, nun é ARGUMeNTU ninñun idil: "tu cumu nun a sufris diariamenti..(...) pur isu nun estás de acordu"

De esi anunciu "Cuando un bosque se quema (...)"
Jaume PERICH, "el Perich" (1941-1995), humorista, o que en a HERMANO LOBO o transformó: "algo suyo se quema, Sr. Conde"

bos días
chenchu

-Póicu se poi anhadil, o que ya han ditu, Chenchu i Chitu sobri o "sóitu".
-Estamus "ARTUS" de arbulis,-se ha ditu tamén-
-¿Prefieris asfaltu, o bloquis de pixus?.

-Hola alfena!!.

Por o que se desprendi dos teis anterioris escritus ; vivis en Donosti.-¿Certu?.

Cuandu,Dios fidu o Edén, pensó en San Sebastián. Pero tampocu s’ulvió de San Martín.

Po Lugal, essi tramu de castanhal,é comu a "concha" pa San Sebastián. É,un "mar"de castanhus, un "mar",cheu de via en o sei fondu, i con un-ha superfici que cambia de color según a época do anu pa disfruti dos sintíus .

<<Essa carreteira: ma, estreita, peligroxa, con mutas curvas… I, que sin duda: é, un dos mayoris impedimentus, pa qu’o turismu nun chegui a San Martín>>. -¿De verdais o pensais?.

Ei,tamén tenhu un-ha pregunta pa tí -alfena!!. -Con qué Gran Kursaal te quearías?.
-Con o de "La Belle Epoque"?.
-Con o actual de "R Moneo"?.

Fairá un-hos tres anus,o mei dagal,foi un fin de semana c’onun-hos amigus a vixital Cáciris.Estandu alí,fidu a siguienti sugerencia: quereis, que vayamus a un precioxu lugal que conhozu i comemus alí?. A idea foi aceptá,pero o xarru d’agua fria que se levó,foi d’ordagu. -Él,sempris pensó qu’entraría por o castañal-. Bueno!!."El pueblo precioso"-le disseran-.La entrada, de la que tanto has hablado: "normalucha"-entrorin porabaissu-.

Enun-ha ocaxión, liví un-hos amigus a passal o día da Cru o Lugal. A vedis,cuandu nos reunimus me didin: -qué!,cuando volvemos a tu pueblo? -Bajar aquel puerto entre los castaños,es una verdadera gozada!. Mais tardi,mentirí qu’habian voltu conas suas mulheris pa insinali o Lugal,i essi paissaji qu’os cautivó.

Nachu: a naturaleza é sabia-didis- . Tes muta radón, porque así é realmenti. Pero tamén te didi: que vivas sincronizau c’onela. Pues,tamén te poi negal toa sua belheza,si le tocas mutu os collós . Comu ben idís,os castanhus volvin a brotal; pero o mau d’esti caxu,ha síu, qu’os han arrancau pa ponhel asfaltu . I essis,nun volvin a sel.

Soidi a tos, FONTI NOVA

Como istu e como unha tertulia, ¡hojala tuveramus un vasu de viñu por meyu y asi estariamus como en unha pichorra ! , a pesal de que o tema está muy tratau y hay dispariai de criterius, tos con fundamentu desde logu, ei e tomau unha posición que puia calificalsi como “ecleptica”, por que creu que se debi arreglal a carreteira y en istu lo doi a radón a El salto, él sufri en suas carnis o dolor de un accidente lamentabli, pero precisamenti esi ponti ya nun ten na que vel con o que estamus falandu, si se arregla y se señaliza esi tramu dos castañus adecuamenti,, que nun e tan largu, sin ensanchis que causin destrozus, tos queariamus contentus creu ei . O feitu ya nun ten remeyu, pero quea o cachu mais ineresanti y a solución de él pa mantel a belleza de sitiu, nun e fel o que se ha feitu, e, reiteru, señalizar, adecental pavimentu, asegurar a vía y, ¡ojo! e elemental que se cumpla as minimas normas de seguriai que o tramu requel. Na mais, Un saluu de Chitu

Esa é a cuestión, ecléptica, y sin quel en maximalismus:¿Quin se vay a OPOÑER a o arreglu de unha carreteira de fai dudentus anus? ¿Quin vai a negal que é unha vergonza tal y cumu está?

Que si a obra está paraliza é purque nun se ha tiu en conta o castañal. Aqui solamenti se pii que se arregli a carreteira, pero que se cumpla a legislación vigenti do Meyu Ambienti ¿Tan dificil resulta de entender?
Que nun se faya demagogia afirmandu que dibiu a o mal estau da carreteira que nun venin tantus turistas a San Martín,cuandu precisamenti os folletus de turismu editaus por a Diputación da Serra de Gata trai en a porta o retratu do castañar do Soitu en otoñu.
Y o propietariu do Castañar nun poi fer o que a él le dé a gana purque hasta pa cortar un castañu necesita pirmisu, por tantu, que nun se fayan afiRmacios tan ligeiras.

Mutu correu (presidencia@dip-cáceres.es)
se ha recibiu en a Diputación y hasta o PP de Cáciris está en contra(!!!)

bos días
chenchu

Bos días a tos os furistas:
Redundandu en o tema de as felicitacios a os que han feitu pusibli os dos pruyectus. Me feis referencia que os han materializao os que agora están en os cargos, pero que ya viña traballau de antes. Isu ya o tiña claru pol isu nun me rifiría a naidi en cuncretu. Normalmenti é o que pasa en tos os temas, unos os deixen a"güevo" pa que otros o rematin. estaba claru.
Fonti Nova:
Comu preveu que vas a intental sacal conclusios y na é blancu o negru, repondendu a tua pregunta te diré:
Pol arquitectura e integración en o contornu prifiría o antigüu Kursal pero en estis tempus se hubera queau insirvibli pa tos acontecimentus que se celebran.E idil, que muta fachá pa ná. E o que le a vindu a ocurrir a o Teatru de Mª Cristina (o han reformau por dentru pero se quea pequenu por fora). Os Cubus de Moneo (o novu Kursal dondi se celebran tos aontecimentus, nun megusta nça de ná, pero ¿y o iñeiru que entra en San Sebastian por esi edificiu de cristal? Comu idia anteriormenti en toa negociación hay que sabel cuál es o objetivo a consiguil y logu hay que cedel pol ambas partis perder en belleda para gañal en o bienestal que supoñi o montón de milloras que se fain con o iñeiru que entra en a Diputación o ayuntamentu, en os comercius, e as tabernas, o montón de postus de traballu que se crean...
Un ejemplu mais. Sé de un lugal de pol aquí que se chama Zegama.Cuandu RENFE fidu o estudiu de os lugaris pol dondi diban a pasal as vías do tren, se pensó en Zegama y o entocis alcaldi etc... pareci sel que se opuxerun y pol isu se fidu o trazau pol Zumarrga. Conclusión ¿quin coñoci dondi está Zegama? Naidi. ¿Quin nun coñoci dondi está Zumarraga? To o mundu. ¿Que e oixi Zegama un pueblicitu olviau. ¿Que é oixi Zumarraga? Un dos lugaris punteirus de Gipuzkoa:Hospital comarcal (punteiru. E o únicu que ten a "Q" de oiru es sitemas de gestión Europea EFQM), Estación intermodal que están fendu ( en Gipuzkoa hay proyctás sólu en S. Sebastián y Zumarraga),tendrá estaciónpa o tren de alta velociai, ten una Residencia de Ancianus y están fendu una "edificación faraónica" (utilizandu o simil de Chenchu)... Moraleja: hay que dil un acordi con ostempus sinon algunos pasus por deyantri. Pa acabal ¿os que vivin pol aquí sabrán o slogan actual da Kutxa (Caja de Ahorrus): ¿Qué quieres mañana?.O de oixi ya se quea pequenu construyamus o mañan.

-Bos días alfena: comu vai essi fin de semana?

-Sabis?,en caxa me didin que soi mais antiguu qu’os dinosáurius. Tal ve, así sea; puestu que mutus aspectus da nova socieai nun os comprendu.

Poi sel tamén,que por esta radón discrepi de tí en algun-has coixas. Ei,pensu que sí,se huberan puíu fel mutus d’essis actus qu’apuntas en o velhu Kursaal,conas reformas adecuas,i respetandu o marcu. Pero comu tú didis: na, é blancu,ni negru, -dependi comu se miri-.

Eno palaciu "Miramar".Se levan a términu,mutas convenciós i algún qu’otru actu oficial,sin tel necesiai de fel ninhún tipu de reforma;i mutu menus tiralo. Ei,he asistíu a un par de férias de tecnología en San Sebastián,i ninhun-ha s’ha celebrau eno Kursaal. Dudu, qu’o Gran kursaal, s’hubera permitíu derribalo hoixi en día.

-Qué quieres mañana?-didi a Kutxa-."O de hoixi,ya nos quea pequenu.Construyamus un mañán". ¿Istu qué significa? .- Que ulviemus to o passau?.Si,as coixas tenin que sel así,o tratau en esti debati careci de to sintíu,comu tampocu tendría sintíu algún conserval o cascu hitóricu de San Martín,ni recordal os nossus ancestrus. Si,o passau nun sirvi pa na,¿pa qué o queremus conserval?.Nunca, estaré en contra do progrexu; pero tampocu nunca ulviaré o passau.O prexentí i futuru,se levanta sobri os cimentus do passau.-Istu,é o que ei pensu-.

Has postu dois ejemplus: o de "Zumárraga",i o de "Zegama". Has averiguau,quin ten milhol caliai de via?. –"Nun é mais feliz o que mais ten,sinon o que menus necesita"(Confuciu). "Perdel en belleda pa gañal en bienestal" -didis-.Aquí,me cunfundis mais,sempris pinsí qu’eran inherentis.

En fin! .Nun solu de pan vivi o homi.(Jesús de Nazaret).

¡¡Forti abrazu manhegu!! FONTI NOVA

Muy ben FONTI NOVA, Nun te ubicu y nun sé si ereis dos que tés a sorti de pasal tei fin de semana en Sa Mrtin. To cambiaba de ve en cuando pol o de San Sebastián.
Me pareci muy boa as reflexiós que fais puntu pol puntu. Líbrimi naidi de querel convencerti ni a tí ni a niñún.
Empezamus:
Pol supostu que en o Gran Kursaal vellu se huberan puiu fel mutus eventus pero pa que te fayas una idea y poyas comparal (solu en 10 días de o festival que acabó o sábau, centrau sobre to en o Kursal actual se ha recaudau 60 millós de eurus, ha vindu oixi en o Diariu Vascu)Movel to os xentiu que se movi to o día hubera siu impusibli si a capaciai do Kursaal.
Repitu, a estructura nun me gusta pero a funcinaliai é impresionanti.¿Que nun se hubera derribau oxi en día? Nun o sé pero ya coñocis a competencia de Bilbau con o Guggenheim.Se hubera barriu tos os grandis congresus pa Bilbau (o iñeiru queru idil).
¿Que en o Palaciu Miramal se fain convenciós? sí, ey e estau en varias pero os salós mais grandis tennin una capaciai de unas ¿500 persoas? ¡a dondi vais con ixu...!
Tu has estau en alguna feria de tecnología en San Sebastián ¿según de qué tipu se poin fel en o Velódromu de Anoeta o en Illumbe o en espacius abertus pero, si has estau dentru de o Kursaal verás que to son asentus fijus y nun sé qué capaciai tendrán, to digu otru día (son dos cubus)Supoñu ei que tamén os que subcontratan os locais tenein que ven pa qué o querin y cuantu le cobran por fel a exposición.
O slogan da Kutxa : ¿Qué quieres mañana? Comu sabis a Kutxa ten una gran implantación en Gipuzkoa y será das únicas entiais que se han mitiu en o camiñu de os Sistemas de Caliai´. Tenin a "Q de oiru en sistema de gestión europeu" y Han consiguiu o Certificau de Inverstols in people" (nun si si está ben escritu) en nivel de satisfacción do personal.Queru idil para nun sel pasau, que o milloris sirvicius YA os están dandu en actualiai (pol lo menus ixu didin) intoncis si o de oixi ya o tenin totalmenti consiguiu, nun é que nun les importi o pasau y o actual, pero ya o tenin controlau ¿sÍ? ya sé que me he enrrollau (voy a vel cómu sayu agora). Pol ixu y, basándusi en o control da gestión actual e que didin "Bueno ya veis que hoy por hoy somos los mejores y que lo que pidais lo tenemos y os lo podemos dar, entonces ¿qué quereis mañana?. Estoy de acordu que os cimentus de o mañan se basan sobre os cuñocimentus de o pasau y o presenti.
Zumarraga y Zegama ¿millol nivel de via? Jo, dificil me o pos. Zegama dependi a queau aislau y é un lugaritu mais pequenu que o lugal pero nun ten comunicacios mais que pol carreteiram nun hay tren (o perderan), nun hay industrias, nun hay grandis centrs comerciais, nun hay ventrus escolaris mais que ikastola hasta os 16 anus. En fin que se tenin que desplazal o os lugaris mais cercanus (Beasain, Zumarrga, Alsasua). Que vivin ben en Zegama, claro que sí, si veras que casitas adosás y chalets tenin feitus,pero...
Fonti Nova un abrazu y sorti pa fala.

-Hola alfena!!.
-Pues non!.
-Nun soi,dos que tenin essa sorti.

Residu: en Benavente (Zamora).Si algún día passas por aquí,mo fais sabel.

Un abrazu, FONTI NOVA

Hola Fonti Nova:

O mismu digu. Si alguna vé pasas por Zumarraga o Donostia, mo didis.
Nun coñozu Benaventi pero si teñu amigus y cuñucius que han naciu en ese lugal y pol o que contan está muy ben.
Un abrazu, alfena.

Boas tardis a tôs.
Alfena, en dondi te temus, en Donosti o en Zumarraga.
Digu istu porqui éi andu pol tôs os laus cumu viaixanti que soi i cumu bilbainu adoptivu, vamus cumu Dios.
¿ Ia sabis a diferencia entri Dios i um bilbainu ?
P'os que Dios esta en tôs os laus i o Bilbainu ia ha estau.
Bromas aparti, vos doi um'a dirección de correu pa to que queira ponhelsi en contactu cum migu fora do foru, e:
natxitumartin@hotmail.com
Aqui me tendis pa'o que vos faia falta.
Forti abradu i larga via a fala.

Bosa noitis Nachitu:
Empadronau, cumu dumiciliu y a familia en Donosti pero traballu en Zumarraga, o sea que entri seman me encontrarás en o traballu. Ya te mandí o correo. Cuandu vayas a vil mo didis y te vai a sel muy fácil encontrarmi.
¡Desde logu cómu sois os de Bilbau!.Tipus grandis dondi os haya pero bastante tiraus pa yantri (en definitiva de Bilbau).
Tomu nota de o correo.

Un abrazu y o mismu te digu. Soidi a tos y a fala.

Hola a tos era para currigil una errata:

Dundi dixi Teatru Mª Cristina quixi idil Teatru Victoria Eugenia porque o Mª Cristina e un Hotel de 5 estrelas.

Salus pa tos o furistas y soidi pa fala