San Martín de Trevejo - Caceres

Aunque os Foristas sois tos jovenis, con gran aligria os participu que oparqui que hay antis de o Cementeriu o han destinau para Mayoris,han montau mutus aparatus para que os mayoris poamus mover as pernas y os brazus, esta muy ben y me pareci un a deferencia y un acertu, esperemus que o usu de bos resultaus y sirva para que tos nos encontremus millor.
Un saludu pa tos os Foristas y AUPA A FALA.
El Salto

Aver Chanu esi parqui comu didis si é pa os mayoris entoncis pa ti nu é porque estás feitu un chaval. Si caixi a pata coixa chegas tos os dias hsta o cruci de Vilamel. ¿Eh , Viki? ¿A que e certu?. Logu que si un poicu pa as alfenas que si pa otrus laus ca dia te fais una montoná de kilómetrus. Con que isu do parqui nos o deisas pa os que andamus arrastrandu os pes.
Un abrazu pa vosotrus amigus.
Y como sempris , soidi a Fala

Elsalto .Nun sabeis que a legria me a beis dau ,con esis a paratitus que a caban de poñer en ho parqui . Qreu que esti anu nos bay afer muta farta , mober toas as alticulacios , ya que baya anitu que lebamus de tanta umihay . Me pareci muy ben que nos poñan coiyas pas hos que emus pasau ya de os taitantus . Nunse quen e amañega pero hey tamen le de seu larga via . comu a tos os FORISTAS CHUNITA

¿Se había solicitau por os jubilaus esi FINEST a o airi libri?
Cuau que en esi lugal o friu ventu agarra muta velociai!
Cumu o cementeiru está cerca...
¿A cuántus jubilaus y jubilas veremus fendu usu de talis aparatus?
Se supon que a lluvia, friu, calor etc... nun les afectara porque debin
estar fabricaus a prueba das inclemencias do tempu.
Suficienti ejerciciu fai o jubilau en sua horta/olivar y si ademais
ten que fer ejercicio en o gimmnasiu, viayar con INSERSO...¿nun será muta activiai?
¿Nun sucederá o mismu que con O FERIAL DE GANAU que inda nun ha siu inaugurau? ¡Ah! y demus gracias que o BAr-Restaurant (se comi al.la muy ben) está alquilau y o Ayuntamentu nun ten gastus de mantenimentu.
¿O BAR dos JUbilaus sigui cerrau? ¿quin paga agora os gastus que genera?

Aparatus gimnásticus, Chozu, o Ferial do Ganau y cumu
nun temus suficientis piscinas, mañan, unha en San Peiru

Y pa FALA ¿Qué?

¿Existi a Oposición?

boas tardis.

CHENCHU que poicu pasas por O BAR dos JUBILAUS . que sepamus y te digu sepamus porque o Presidenti nun ten nocion de que este cerrau . des de que maximin leba esti cargu o BAR sempris estubu abeltu . un as bedis por adiretiba y aguora des de diciembre o leba un a familia de as ellas
Os gastus de esti local o pagan os juvilaus que que claru

soide patos da fala chunita

Amigu Chenchu, ¡ Contestatariu ! ¡que sempris le sacas punta a tó !. Aunque siria milloL que falaramus de istu en la pichorra,dandu vodis y to isu, por dali vidilla a o foru, por que teñu tempu y por que creu que nun e xustu o que comentas con relación a o parqui de mayoris,creu necesariu fel algunha precisión, ya que te han currigiu en o asuntu dos jubilaus y ha queau clara a cuestión. Os mayoris y os que nun o son, ya tenin temen un gimnasiu en o lugal, en sitiu cerrau, con un monton de aparatus y con monitoris, como en cualquel ciai dondi dil a un igual custa unha pasta, en o lugal,creu, que vali o que unha cerveza mais o menus.

O parqui que se ha feitu, constituyi, me pareci, un aproveitamentu adecuau de unha zona, según teñu intindiu, bastanti frecuentá por persoas mayoris y nun tan mayoris, cuandu fai bó, claro, y cuandu o tempu o permiti, o sitiu nun pareci mau, por a cercanía y o facil accesu; y si encima o han dotau de aparatus, que debin estal dibiamenti trataus, como os de tantus otrus parquis que hay porei a o airi libri, a inversión que se ha feitu, veña de dondi veña, a mi, por lo menus, me pareci adecuá aunque nun sea productiva. Ago a cuestión e, nun abandonal o sitiu a sua sorti y que algun desalmau nun se entreteña en fel destrozus.

Soidi pa tos y pa a fala, que falta le fai si os pequenus empezan a falal en castellanu na mais y nun se crea un taller de fala en as escuelas. Un saluu de Chitu.

Preguntaba si o SERVICIO do Bar estaba cerrau, feia unha pregunta,porque
habiu etapas nun muy largas que nun había serviciu.
A mi me pareci muy ben y en o sei dia dixi o aprovetaimentu
de aquel terrenu a o lau do cementeriu, muy ben, y nun estoy de acordu
que se gasten en esis aparatus purque coñocendu a realiai do lugal
sera un fracasu. Y o tema e o siguienti:que se dedican fondus publicus pa unha coisas y pa otras nun hay
presupuesto: A FALA, por ejemplu
boas noitis

Falandu de fondus publicus,fai unhos mesis, anunciorin en esti foru, que a San Martin ,se le habia cuncidiu unha certa suma de iñeiru ;se puiria sabel en esti foru, cuandu , cumu y en qué , se emplearà ?
A mi tamen me gustaria que A FALA.... se le dera unha opurtuniai....
porque, mutu falal ....pero; que mais, se fai por A FALA ?

(Istu en seriu).... a mi tamen me ha chamau 'atencion de o gimnasiu 'o lau d'o cementeriu...sera unha forma de indudil 'os mayoris a que fayan gimnasia ???
Anduriña

"Chitu"
Aqui nun importa o de "contestariu" "le sacas punta a to",
con mayúscula y signos exageraus, doy a miña opinión sobre
o tema que estamus tratandu, pero bueno...me veu obligau
a responderti sobri os aspectus personais:
Me gusta sacar punta con o sacapuntas y nun con o cutelu
a os lapis.Este ejerciciu lentu, relajanti, sentir o cheirol
das virutas y tiznarmi os deus con o grafitu. Tel os lapis
sempris ben agudaus, imprescindiblis en a lectura
subrayar/acotar, y me gustan que se vayan fendu pquenus.
Pues si, le sacu punta a os lapis y aunque se poi sacal punta
a too, nun acostumbru sacar proveitu de na.

Me respondis ("...) por darli vidilla a o foru" "porque creu que
nun e xustu o que comentas en relación a o parqui de mayoris"

Me pareci yustu y necesariu que en lugar de gastar fondus
publicus en unhos aparatus, que o vandalismo nun tardará
en destruirlos, que os jubilaus mañegus nun os han solicitau
se dedicaran, por ejemplu, en a publiciai/promoción do mañegu,
nun sé... en algo relacionau con a cultura. Y aqui debi quear claru
que nun estoy en contra de que en esi solar se ubicara un parqui.
Os jubilaus, escolaris y juventud mañega contan ya con un gimnasiu
y cumu tu didis, muy ben equipau. Entoncis ¿pa qué un gimnasiu
a o airi libri? ¿Se ha presupestau pa sua proteccón y conservación?

¿San Martin necesita otra piscina? otra cuestión
siría a limpieza do riu sobre to en o ponti de San Peiru.

O foru nun solu nos sirvi pa felicitar cumpleanus y dar
sintius pésamis, ca cual debi falar/comentar/opinar etc..
o que crea convenienti. Si tu criticas "os macetos da plaza", nun
creu que pur isu seas un "!contestatariu!"
Que nun estamus en un conventu de clausura o hemus ditu
mutas vedis, istu é un foru.

Un forti abrazu pa ti
y bos días pa tos.

Bueno, dispois de as distintas opinios respectu a o parqui de os mayoris(en o cual ya me incluyu)y que por certu ya sin os aparatus estaba bastanti aproveitau por a ienti de o lugal, pues he vistu durante o mes de septiembre por o atardecer estaba completamenti cheu y, si agora encima han postu algun aparatitu pa puel fel gimnasi pues, chapó!.
Chencho, en que cabeza cabi que o que hayan montau nun va a estar a prueba de as inclemencias de o tempu?, y de toas as formas seran cuatru arus y poicu mais, cumu hay en centus de parquis por cualqueir sitiu que vayas, pareci mintira que vivas en Barcelona......

Totalmenti de acordu que o foru esta pa mais coixas que pa felicital cumpleanus y mandarsi mensajis personais, faltaria mais..
y pa opinar librimenti de cuantu acontezca, sempris que o Sr. Administraor admita, pues trati de contestarli a Chalrriera sobre a cuestión de os menbsajis que daba aqui o Sr, Rouco y nun me deixó, y te poyo asegurar que era un comentariu totalmenti comediú y sin faltal absolutamenti a naidi.

Bueno y cuandu esté contigu personalmenti te fairé un comentariu creu que bastanti extensu sobre o libru de Ibarra,que literatura aparti.... que poi ser censurabli por supostu, pues que sepa ei nun e un literatu de primera linea ni mutu menus, pero si un gran y bo politicu pa nosa terra, y en particular pa o nosu lugar. O tes tamen que idel algu censurabli a esti respectu?. Pues me consta que hay poicus sitius en Extremura con os servicius socias que ten San Martin.
O nun e certu tampocu?

Ei personalmenti piu a cualquer políticu de o color que sea, aparti de cenmil coixas que temus que pil, e unha boa politica social, y creu que en San Martin se esta cumplindu con crecis.


Perfectus politicus poicus en esta via, pero que haya siu Presidenti de Extremadura hasta que el ha quiriu, ten mutu que idel a sei favor.
Soidi pa tos y pa fala.

Chenchu,eris un agitaol de masas,ademais de un tiu cojonu.Me pareci mui ben que critiquis o que te de a gana,o primu Chitu e un blandengui je je
Fora de coñas,nun critiquis o gimnasiu a o airi libri porque dentru de poicu nos tendremus que compral unas mallitas entalas i fairemus ejircicius cerca do cementeiriu,que faena fel o gimnasiu pa os da terceira edai a o lau da relva.Ei queiru que Maximu faya una pichorra pa os da terceira edai,contestatarius y cachondus comu tu i ei.
Forti abrazu

"...pareci mintira que vivas en Barcelona (....)"
¡que manía con personalizar! Que ten que ver que viva en Barcelona
con o que opinaba respectu a instalaciónde unhos aparatus!!
Que a ti te pareci muy ben, pues o respetu, pero os jubilaus
do nosu lugal, os que cuidan do olivar y sembran, éstis nun
necesitan de gimnasius que bastanti ejerciciu fain. Aqui tes
a tiu Alejandru, mei vidiñu, que nun para y ten a sua horta
feita un vergel. !Cen anus! Doña Carmen da plaza, tampoco
vay a o gimnasiu, Sisu, Manin, Mingu, Quicu, Gil, Marcial,
Santiagu,miña mairi...etc... Estan en perfectas condicios
físicas porque o millor ejercicio é nun dir a gimnasiu
y sí fer as laboris do campu en plenu contactu con a naturaleda.
Ademais,te ulvias o mais importanti:
Que pa FALA nun hay presupuestu era o fundamental do mei
mensaji tel en conta istu. ¿pur qué omitis?
Volvi a leer o que dixi: "esperu que os aparatus aguantin as inclemencias do tempu" (....) expresaba un deseo, solamenti isu
nun interpretis o textu. ¿Has estau en o parqui dos dagalitus
camiñu da discoteca? pos daba pena velo.
Aqui cuminti, nun soy críticu literariu, o que me chamo atención do libru "ROMPIENDO CRISTALES" de Ibarra, creu que a tua aportación
seria enriqueceora pa tos. Si nun recordu mal, nun queru agora
volver sobre o que dixi, nun idia que Ibarra fora un mal políticu, a
o revés, o puñía a o mismu nivel que a Jordi Pujol.

FREEDOM OF CATALUNYA" ante esta pancarta Rajoy e Ibarra
deran a sua conferencia, el.lis tan españolistas,me gustaría
saber o que opinas.

boas tardis.

Ya en a antigua Roma y en Grecia, tu o sabis, era habitual que en os forus ( esis eran otrus forus) a o oraol primeiru en tomal a palabra sobre un tema, se le contestaba si nun se estaba de acordu con o que expuñia; dispois, o primeiru, tiña o dereitu de réplica y a continuación, o que contestó, se le otorgaba a ultima oportuniai de respondeli tamen y a isu se le chamaba duplica; logu pasó istu e a nosu sistema procesal redenti pero ya se ha derogau y ago se usa en o Parlamentu en os debatis, que tos temus ocasión de vel en la televisión, por que, algunha ve hay que acabal, por agotau, o tema que se trata. Pues ben, ei, fendu usu de o dereitu de replica respondu pa cerral por miña parti a cuestión.

Empezaba fendu alusios personais, isu si, afectuosamenti y asi o has tomau contestandu con graciosa ironia, de maneira que me paricia vel a D.Ciprianu q.e.d. afilandu o lapi con aquelas cuchillas de afeital, pero ya sabis que nun era esa punta a que ei citaba.
Logu justificaba a resposta, por que tampocu a coisa era tan importanti y trascendenti como pa que fora tan estrictamenti necesaria esa intervenión como si me hubera vistu obligau a ser como un paladin defensor de tamaña inxusticia, non, o fidi por entrar en conversación, asi istu se anima y por que, e verdai, esti foru nun solu está pa felicital y dal pesamis, está pa istu y con istu nos comunicamus inclusu discrepandu, como ago me pasa contigu; pero esta e a esencia .

O millol nun te as parau a pensal que o iñeiru se dá pa determinas activiais, desvialo pa otraas e malversación. O iñeiru do parqui, si se da pa él, nun poi emplealsi pa fomental a fala, pa isu hay que pilo expresamenti y estoy contigu en que hay que pilo y dedicali o que faya falta. Y sí, soy contestatariu en isu dos macetos, y persistenti y ademais intransigenti y seguiré......¡Muñu ¡ a ti nun te fai falta pichorra, tes a miña pa cuandu queiras, aunque nun fayas mutu consumu por que lo te rajas ( de viñu claro, por que logu de coca cola “ lai,” ben acompañá nun hay que te aguanti.) Istu se quenta, ¡ muy ben.!
Sodi Pa a fala un saluu pa tos, Chitu.

Voi a por unha brazá de lenha, que istu nun hai que dexalo apagal. Ya están sendu a palestra os bos tempus de Chenchu. Y Bayle ten que estal boa (en o bo sintiu, nun didis na) purque ya ten ganas de enzarzalsi con con él. Chitu con o dereitu a dúplica salta comu en os forus romanus.O muñu eitandu lenha; e verdai que así se quenta o foru.
¡¡ MAS MADERA !!
Referenti a libru de Ibarra nun o leiu i nun poiu opinal. Peru hai que vel, estis son comu o Cid, (querin sacal pasta hasta despois de mortus (políticamenti).
¿ Y do 23-F ? nos hemus queau igual. ¿quen era aquel Elefanti?.
En otru escritu he postu a o que se vai a dedical o inheiru que da o Estau. Nun fala na de novas piscinas.
Forti abrazu.

"Chitu"
O tema está agotau, pero permitimi abusar da tua
paciencia:
Me gusto o tei mensaji inteligenti y muy didácticu, nun asi
o precedenti que me parecei autoritariu (...)"que o faláramus
en a pichorra siría o millor"
Efectivamente, as perras se asignan pa unha activiai concreta
y nun pa otra, logu, si as deran pa unhos aparatus nun
poin dedicalas a FALA, pero é o Ayuntamentu quin presenta
os proyectus, ésta é a mecánica y si a FALA nun é importanti
o as prioriais establecias son otras, impusibli, entoncis, que
concedan subencios. Claro que tamen poin suceder que sin solicitalo
den perras pa proyecttus que nun se han piu, cumu foi o casu
do "Ferial do Ganau"

"O Muñu" feia anus que nun nos veíamus y te he encontrau mais
guapu y mais centrau, o sea, muy equilibrau.
Esperu que cuando te jubiles escribas a tuas MEMORIAS, seguru que
tu sabis quin era o ELEFANTI do 23 F que nos didi "Cerrumicli"
¿Cumu se explica que se intenti un Golpi do Estau y nun se ataqui dondi vivi a máxima autoriai, ni cortin a líneas telfonicas? Si o General Armada,instructor de S.M o Rey desde a adolescencia...¿Nun le comentaría na sobre a suas intencios? Milan de Boch, monárquicu,¿nun le informaría de na os dias previus a o golpi? Tejeru en o telefilme
quea ridiculizau, cuandu en a realiai da Historia foi utilizau.
Me gustu mutu a interpretacion de Lluis Homar en o papel do Rey
cumu a directora era catalana a mayoría de os actoris ya sabeis
de dondi procedian.

Bos días

Peru que listu e o mei Chenchu,ya te contare a ti solu,porqui de Chitu i Cerrumicli nun me fiu.
Forti Abrazu

Graicias por a confianza Muñu, aunque si mo contas en términus de consulta, como e " secetu de confesión".......- Preparati po verán que esperu nos veamus en o lugal, o antis si te dignas vil paqui abaisu. Soidi pa a fala y un saluu de Chitu

Amigo Cerrumicli, verás que Chenchu me saca de quiciu, pero bueno esta tardi hemus estau chateandu y ya nos hemus postu a parir un a otra y otra a un. A o final nos hemos riu un poicu de os aconteceris, nun en banu temus mutus puntus en comun, nos hemus mandau un beixu y hasta a próxima que teñamus, en o fondu hay que recoñocer que nos temus mutu cariñu os dois.

Ei tamen preguntu por "O Elefanti", y por as cintas grabas que nun has dan a coñocer, y porque Armada dixu que o habían traicionaú ¿Quen?
y mutas y mutas mais coixas, así que a ti te correspondi poñerti a traballar y darnus as pistas que poyas recoller y femus un especial en a tele. Aquí pois ludirti comu reporteiru.

Creu que ya he dau mei parecer, y esperu respostas claras de esti
gran investigaor que nun sabia nin quen era sei primu.......

Soido pa tos y pa fala.

Enpezó a o tema con a nuticia de O Saltu referenti a o parqui pa mayoris y agó tu ques que Tribuleti te aclari to o asunto do golpi, ¡¡Si homi, pa que logu me exixan que diga tamen quen mató a Kenedi!!.
Hai coissas que sabemus que nunca sabremus.
Referenti a Fala e mu loabli o interés que se pon en esti foru pa que nun se perda. Estó seguru que en o lugal sempris se falará Mañegu, ei so partidariu que se chami asina y nun que se unifiquin as tres variantis. Y comu ben didi Chenchu, poicu mais poemus fel desde aquí. Os que tenin que poñel a carni en o asaol son os puliticus y me pareci a mi que (me referu a Xunta) nun están pol esa labol.
Bayle, ya me dirás coissas.
Forti abrazu.

P.D. Sempris supi quen era mei primu, o que nun sabía era que fora o Muñu. Has de tel en conta que caulquel investigaol que se preci, ten que tel boas fontis.
Venha, dimi algu.