San Martín de Trevejo - Caceres

Perdoa amigu que te expresas nun en a nosa fala, pero teñu que idelti que na ten que vel o tempu que se pasi en o lugal pa querelo mais o menus o pa querel pa él y a xentis que en el moran o millol. Comprendu que un lugal como o nosu esté,nun mortu, dourmiu, a esas horas qu didis, pero unca un pueblu fantasma.Creu que e un lugal vivu, con inquietudis y sobre to con mutus servicius sociais<¡ Ya le gustaria a mutus jubilaus de otrus lugaris dispoñel dos servicius que hay en o lugal! guaderia, gimnasiu, atención méca y dommiciliaria. ¿me ques enumerar os pueblus que coñozas que teñan os servicius que ten o nosu lugal con os habitantis que moran en él ? Nun seamus demagogus ni exageraus,salvu a plaza que e a miña luta particular con os macetos, me pareci que andamus ben, pero que muy, ben de esas coisas esenciais que tu, desde Xalima, denuncias,.O millol e que desde a altura nun ves a realiai que ei e visu redentimenti,un lugal limpu,con os ancianus y os dagalitus piquininus ben atindius, un lugal pa rehabilitalsi da dolenciias propias dos osus y esas coisas,en fin progresus que denantis nun había.
Contestu,descuñuciu amigu, por que me ha picau o que didis y por que nun me pareci xusta a critica que fais sin dar un ejemplu de esas carencias que denuncias; digas qui y sabreus cualis son y si existin verdadeiramene, asi o millol colaboramus en que se corrijan. Nun se debi tial a peira y escondel a man.Un saluu de Chitu

¡¡ Vaya rapapolvu !!.- Ei añadu que en certas fechas o 95% dos pueblus as 5 da tardi estan así, nun mortus, mitius en casita y vendu a teli y certas ciais poicu mais o menus.
¡¡ Vaixati de Xálima que te vas a queal congelau¡¡
Forti abrazu.

Me pereci qu'os canchais num te deixan vel ben o Lugal.
Me presentare as proximas eleccios cumu independienti i te prometu cubril esis sirvicius esenciais que disrutamus enas capitais i num hai eno Lugal, por exemplu:
Autubusis, varias lineas, que num qué um'a calhi sin sirviciu do mesmu.
Metru, faire duas lineas, O Forti-San Xiuan i As Hortas-Chafaril, dambas
cunfluiran ena praza maiol da Vilha.
Tranvia perifericu que una, cementeriu, piscina municipal, Valhitu, San Peiru, barriu novu, residencia de maioris i Conventu.
Palaciu de congresus i exposicios, teatru, cini, sala de festas, funiculal pa subil a Divina Pastora, tren cremalhera pa subil a Xiálima.
Num se me ocurrin mais coisas que num haia ia eno Lugal, mira a vel si
me refrescas a memoria i te prometu que o fairé tamén.
Se me ulviaba um museu, temus mutu pa ludil eno mesmu, um gran aparcamentu pâ habitantis i forasteirus.
Estoi d'acordu cum tigu que pasamus poicus dias eno Lugal, isu si qu'e
um'a pena, peru enesi tempu num eitu en farta ná.
Si de Setembri a Maiu pareci um pueblu fantasma, ven as grandis capitais
dundi parecemus tôs zombis, de casa ao trabalhu i ao reves.
Por últimu, eita um vistadu a os pueblus que hai ao reol, logu saca
cumparacios, que hai que aspiral a mais, d'acordu, peru num digas que
fartan sirvicius esenciais i si e asi, cualis son.
Um saluu i muta soidi, que farta fai cum'a ausencia dos sirvicius
esenciais, venha, que te sea levi.

"La Voz de Jalama"... -¿Otru,que ten ganas de gresca?.

-Desde aquí arriba en Jalama (...) –didis- . ¿Pa, dondi estás mirandu?. O milhol,miras pa Payu o po Adebu. Porque, si miras pa San Martín; tendrás que ponhelti gafas.

San Martín,nun é ninhún pueblu fantasma. Permaneci mui vivu, sin ocultarsi duranti to anu, i brilha cona sua propia "LU". Unha Lu,que nunca sexapareci,porque de noiti,é cuandu máis brilha.Coixa, que nun poin idil os que vivin enas grandis capitais con tantus sirvicius.


FONTI NOVA (Agnus Seclorum)

Nun se si o que escribi asi se a orientau ben, y creu que a mirau pa otra parti, pa Payu o pa o Adebu, o habia aquel dia muta Carunchela y nun vi San Martin. O lugal e envidia de mutus,¿ Que mais se poi pil pa un pueblu?.Temus de to,hasta Macetos en a Plaza.Cuatru o cincu Retaurantis,Tres casas Rurais, un a de elas de mutu luju,con ascensor y mutas comodiais.Dentru de poicu cuandu se termine a obra de o Conventu, será un Hotel de Cincu estrelas.Seti baris, Residencia de Mayoris, nun falamus de as viviendas que hay en San Martin,que son de verdadeiru luju pa un pueblu;ademais de to istu ten un os habitantis sempris dispostus a ayuar a tos os folasteirus.Nos falta solu o que di Nachitu,Travia,metru y demais,pero te votaremus pa que opoñas,he raru o dia que nun temus algun Autobus de visitantis, que tos se van prendaus de o ben que esta o lugal,ei que vivu cerca de un Restauranti veu ben tos os dias a cantiay de cochis que paran a comer.Creu que debi darsi un a volta por San Martin y nun velo desde Xalima.Que se pasi a esas horas que di que nun hay naidi por o Bar de os Jubilaus y o verá cheu de partias de cartas¿Cumu van a estar por a calli? Estan yugandu y pasandu o ratu.Si falamus de otras coisas en San Martin temus de to,Adeituna, naranyas,limos,Kivy, aqui se da de to.
Bueno, creu que ya ten sufifienti pa que se de un paseu por San Martin y cambie de parecer. Un saludu pa tos os Foristas y cumu sempris AUPA A FALA. Se me olviaba y dili que por ter temus hasta Fala propia que nun tenin otras capitais y pueblus.
Un saludu. El Salto

Esta persoa, que está p´alí arriba pâ Xálima, se mereci un-has rimas o un latinaju.
Cumu quera que anda por o campu (mentras nun demostri o contrariu Xálima está en o campu), le vendrá ven esta sentencia de Horaciu. A ver si se a aplica.

Beatus ille que paterna rura exercet suis.

Y tendu en conta o que nos ocupa agô en o Foru, ben nos puiría idel cuantu ha tardáu en chegal a Xálima, ya que tendrá (suponhu) suficientis elementus de juiciu.
Pero si nun s´acorda de cuantu tardó, le rogu que tomi noa y nos informi de cuantu tarda p´abaxiu, con tôs os inconvenientis, que, en otru láu de esti Foru, nos indica Nachitu.

Otra coissa:
En a conversación de o tempu que se tarda en dil y volver a Xálima, han seidu algun-has anécdotas (de tiu Luteriu, de tíu Carrascu...).
Quizá fora convenienti dilas xiuntandu toas, y mutasm áis, (de tíu Faustinu, de tíu Cacu...y otrus que puía cital...).
Me consta que alguin, en o lugal, está fendu algu paricíu.
¿Qué se sabi de esi asuntu?
BOAS NOITIS

B_RODAS

Boos días Foristas, Mañegas y Mañegus:
Esi que fala, coñoci poicu o lugal: As persoas se recollin prontu, pa estal preparas pao dia siguienti dil a traballal. Que querin que esten toa noiti por ei de "farra", pues pa isu ya ai certus días a o anu.
Por otra parti, poicu coñoci esti elementu a Xiálima, porqui sin miral pa o lugal, ésta e preciosa, desdi cualquel punto que a miris, y si estás en ela y miras pa o lugal, te darás conta que ten unha vista preciosa; y si a divisas un día de verán, vel sel o sol y presencial o valli que fai hasta o cabezu, se queará maravillau.
Ei que gracias a Dios a presencí mais de duas vedis desdi a "Mallá Graná", que tamen se vé Adebu, e pa quearsi "obnubilau" de o nosu Lugal, chamau San Martín de Trevellu.
A Envidia está presenti.
Soidi a Fala. Mañegas y Mañegus.
Chalrrieira.

Boas noitis a tos furistas:

Estoy con mei amigu Nachitu en to o que didi. Pero habendu liu un par d vedis o que esa persoa nos pon; si que le aconsejaria comu o fai mi amigo O saltu que en ve de quealsi en a punta do Xalima (en esti tempu con o frio que ten que fel, nun encontru otra radón que subas tan altu si nun e para admirar tantu comu o femus nosotrus a o nosu lugal. Pero repitu, fai casu a O saltu y baixa que te aseguru que serás ben recibiu y verás de cerca algu que nun vas a poel ulvial.
Por otra parti y, según tú mismu nos didis "nos comparas con as ciais do estau español". A ver estimau compañeiru, ¿nos ques idel que San Martin o estás considerandu ya por deyantri dos lugaris de o alreol e inclusu de os lugaris do estau español? ¿nos didis que o estás comparandu con as ciais? ¡¡¡Mairi quieria!!!! Comu sigas alabandu asi a San Martin te vamus a tel que ponel una medalla o por lo menus invitalti a una boigaa pa que sintas a hospitaliai dea xenti de San Martin. Asi que fai isu y baixa do Xalima, ya tendr´s tempu de dil en o verán que fai mais calol.
¡¡¡Ahh compañeiru!!! seguro que te has dau conta que a pesal de que mutus de nosotrus solu poi dil a o lugal una seman a o anu, duas comu mutu, digu que te ha chamau a atención que sendu así, ¿cómu se poi querel tantu a un lugal non?. Pos na, baixa do Xalima y o vivirás e primeira persoa.
¡¡Ahh!! si eris tan amabli dinus por favor a que "necesiais básicas o a qué servicius" te estás refirindu que si e asi os mañegus seremus os mais interesaus en reividicalos.
Pa acabal, fai unos dias que abri o foru y me alegré doblimenti, una por ver que habiais cunsiguiu fel a festa do cordeiru y otra porque con a coleccion de fotus nos habeis feitu participi de esis preciosus momentus. Mutas feliciais pa tos os mañegus y en especial pa os amus de esa casa dondi fidestis a comilona.
Soidi a fala