San Martín de Trevejo - Caceres

Con o desamor ya nun e o mismu,amiga.
O deseu sabi cumu a ranciu, leiti rancia, yogur desnatau.
Ya nun e o mismu, ya nun ten o sei originariu sabor,
esi perfectu pretéritu de dulcis y salaus
diferenciandosi en o paladar da via.
Na, na sabi a esa sazón cuotidiana
a esa eterna mel diaria chea de sorpresas,
plena de sorpresas y rutina.
Nun se distingui o azucar,ni a sazob das fresas
y os saleirus se virtin sin supersticion ni milagru.
Cuandu o desamor ocupa un a un meis sintius
ya nun o mismu, amiga,
miña boca sólu distingui o amargu sabor da soleai.

Boas noitis
Chenchu