San Martín de Trevejo - Caceres

Ná poi concordial millol con a naturaleda de unha coixa que os demais individuos de sua especie, por tantu, ná hai mais útil a o homi en ordin a conservación de sei sel, i o disfruti de unha via racional, que un homi se guie por a radón. Pero pa ilu se requel habiliai i atención os homis en fectu son volubris (pués son rarus os que vivin según os preceptus de a radón) i sin embargu, en sua mayuría son envidioxus, i mais indinaus a venganza que a misericordia. E necesariu unha singulal potencia de ánimu, por tantu, pa admitilos a tos elis según sua propia índoli, i nun deixalsi leval por a imitación de seis afectus. Os que por o contrariu, són expertus en critical a os homis, reprobandu seis vicius mais que ensinandulis virtudis i quebrantandu os ánimus en vé de fortificalos, se cauxan gran molestia a si mismus i a os demais.

https://dialnet.unirioja.es/descarga/articulo/2931298.pdf

de JP Blanco - ‎2008