San Martín de Trevejo - Caceres

Amigu Fonti Nova: Un anu mais en a virtu pasau un pasu mais que te aproxima a o ceu:. Feliciais que cumplas mutus mais en compañia de a tua muller y fillu, y que nosotrus poamus felicitarti mutus anus. En cuantu a encomenda que me das de gestionar o fornu de leña pa asar o corderitu,faire cuantas gestios esten de miña parti, pero en u lugar y en otros limitrofes, nun hay ya fornus de leña,pero creu que isu nun sera mutu ostaculu pa comelo, ya nos inventatemus como felo.Te reiteru a Felicitación y que cumplas mutus.Un abrazu pa esa familia de parti de a miña muller y mei. Comu sempris< AUPA A FALA,
O Saltu.

Estimau Fonti Nova:
Acabu de entrar en o foru y veo con agradu as felicitaciós de otrus furistas por sel teis cumplianus.
Me apuntu a esta lista de a xenti que te estimamus comu persoa, comu mañegu de pro y comu un bo furista.
Que sigas cumplindu tantus comu queiras y que teñas soidi para ver realizaus teis soñus mais intimus.
Soidi tamén p´a a fala

Boas noitis.
Ei tamen me acabu de enteiral agora,asi que vos deseu
de to corazon que cumpleis mutus mais i nos que o veamus
comu se didi en o nosu lugal.
un abrazu.

Ya,con as temperaturas baissas desde a capital francesa,te deseamus que cumplas esti y mutus mais.
Hayel noiti ceandu en casa de unhos amigus me acurdi de ti,nos pusu un bo viñitu MENCIA.
BOS DIAS PA TOS
Cana

Como no, aunque con retraso ,yo tambien te deseo que hayas pasado un feliz dia en compañia de tu mujer y de tu hijo,y Dios quiera que podamos felicitarte todos durante muchos años.FELICIDADES.Un abrazo.MERCHE

Acabu de abril ó foru y me enteiru do cumplianus de Fonti nova,pos ei tamen me queru sumar ó grupu que te felicita.
Mutas feliciais y que con soidi cumplas mutus mais,y que tos noxotrus ó veamus,FELICIDADES...

Aunqui con un poicu de retrasu,te deseu de corazon feli cumpleanus yuntu a tua familia.
Forti abrazu

Igual que o Muñu y os demais, anque nun sea o primeiru, nun por isu dexa de tel mais forza meis deseus que cumplas mutus mais con tua familia. y un poicu egoista, pa que tos os anus soltis un cordeiritu pa cumia do foru.
Muñu, ves comu te voi pisandu os talós.
Forti abrazu.

Boos dias Foristas, Mañegas y Mañegus:
Estimau amigu Fontinova: Num sé os anus que cumplis, pero creu que serás sexagenario. Que sigas cumplindu con salud mutus anus y que te poamus felicitalos. Soidi pa tua mullel y fillu.
Soidi a Fala, Mañegas y Mañegus.
Chalrrieira.

Apreciau amigu Chalrrieira:

Mutas gracias pora felicitación,i poros desseus de soidi que m'envías.Pues, a tí, a tua mulhel i a tua filha;vos desseu o milhol do mundu,i qu'a nossa Cru, vos conceda larga vía.

-Pues claru que soi sexagenariu!.Tan solu,tés que sentalti un ratitu eno caminhu iensiguía te pilhu.

Comu verás,acabu de cumplil (111110)anus. "Nun estoi de broma" -¡Eh!...

Forti abrazu, FONTIN NOVA

De o que se desprendi que antis de cumplilos tiñas 111101.
Bueno ¡tampocu son tantus!.
Esis son os que teñu ei agora, así que aei andamus, en o mismu caminhu.
Forti abruzu
B_rodas

¡¡Certum,amigu Brodas!!.

Celebru,qu'andemus tan cirquita.

Un abrazu mui gordu

FONTI NOVA

Amigu Fontinova:; Acabu de chegal na menus de que BUDAPEST, como un viciosu me he mitiu en o Foru y o primeiru que leu e que cumplis anus, asi que, pa nu chegal mais tardi, te mandu un abradu y os milloris deseus pa ti y familia.Cmo didn en o lugal, ¡ Que con soidi cumplas mutus !.Un abrazu, Chitu.

Amigu Chitu:

-Nun cabi duda,que sabis eligil os lugaris.
-Buda y Pest. Antis: duas ciais; agora ,fundía en un-ha sola i un ríu a cruza. É un-ha Capital,de gran interés históricu/cultural; ¡¡ i comu non !!,-mui romántica-.

Seguru,que fidestis algún passeu en barcu poro Danubiu; i sacastis a Filisa a bailal un "Vals"(nunca milhol ditu).

Forti abrazu

FONTI NOVA

Amigo FONTI NOVA:

Aunque con un poco de retraso... ¡Muchas felicidades por tu cumpleaños!, de parte de un parral que sobrevive al otoño madrileño después de una vendimia, que no fue un sueño...

Lo dicho... felicidades, y un abrazo de parte de toda mi familia.


O Parral

Certu Fontinova, ago que teñu un ratu libri te contestu, vi a ciudadela y os monjmentus de Buda y algunha cerveceria de Pest, que alí inda as distinguin.Estuvi en o Danuviu y en os pontis famosus, en a calli peatonal, en o mercau y en o café mais eleganti do mundu, según didin elis. O York, un aunténticu palaciu de a millol epoca dde Sissi. Ya nun sigu por que por o que veu tu tamen a coñocis. Un abrazu. Chitu.

Nun vos quexeis, que a to hay quen gañi. 01000001.
En o tema do Tanatoriu, nun se dondi ma agarrará a "Parca", si fora en San Martín, dentru de na, comu quen didi, le estamus dandu a tabarra a Pastora y Anaf. Esperu que nos comamus mutus cordeirus antis........
Forti abrazu.

Cerrumicli:

Ya veu que nos aventaixas a Brodas i a mí -o sabía- . Pues,gran parti dos que damus a tabarra eno foru,somus da década prodigiosa,-menuas firmas-.

Comu verás,"o muñu" l’ha dau novas pistas a Tribuleti. "Conhocí o Forti desdi que nace;i está mui relacionau conos munhus". Él,sabi qu’enesta se xuga o futuru comu investigaol. Así, que ya poi fel uxu de toa sua experiencia,i nun deissal qu’esti caxu se le vaya das mas. Pues, hai un-ha gran cea por meyu.

Forti abrazu

FONTI NOVA

P.D. Parral: ya veu qu’has andau de vindima. A mí,me tocó felo mutas vedis; de tos os trabalhus do campu,ésti, era un dos que máis m’agradaba fel. Tamén me pegaba bos tragus de mostu, recordu que mei agüelu me idía: ¡nun bebas mostu, que te sain mutus grás! .Istu o idía, pa que logu nun menguara a cantiai de vinhu ena tinaixa. Ya, m’invitarás a un vinhu ena pichorra de Tiu Luis.

Boos dias foristas, Mañegas y Mañegus:
Según didi Fontinova, a vindima é dos milloris oficius que hay en o campu; desde logu que sí y sobre tó si te gustan as uvas, cumu me pasa a mi; bueno, me gustan toas as frutas, pero as uvas mais.
Nun e boo vindimal en toas partis; foi unha vé con mei tiu Vicenti,(q.e.d), que tiña unha viña en as Centeiras y era agotaol, porque había que quitali a ca gallu de uvas, as uvas más, é das vedis que me cansí de vindimal.
Queru cital unha ferramenta que se utilizaba pa vindimal "O Cubillón",e forma de un cutelu que termina pol a cabeza fendu meyu arcu, con istu se cortaba ven os gallus de uvas.
Tamen me tocó pateal as uvas en a prensa, y unha mañan feya mutu friu y se me queaban os pés helaus.Tamen me gustaba o mostu porque era dulci y idian as persoas mayoris que si o bibias que seyan grás.
Soidi a Fala, Mañegas y Mañegus.
Chalrrieira.