San Martín de Trevejo - Caceres

Amigus do foru,
he vistu esas fotus da fonti acenaga,y se me ha feitu unha bola en o estomagu.
Ei, nun habia reaccionau sobri o tema ,pensandu que ,logicamenti ,a fonti a limparian dos escombrus sin tardar.
!!!!!Que colera me a entrau o vel esa pare y esi tubu ...!!!!!
Me imaginu ,que tos estamus de acordu,pa que isu nun quee asi .!!! Agora ,si, que hay que escribil a o Ayuntamentu!!!...,y os que vayamus a o Lugal en Naviai,nos puiriamus reunil tos os que poamus y falalo con o Alcaldi , si vos pareci ben ....
Esperandu que escribais mutus pa dal a vosa opinion...
Un abrazu pa tos y pa toas
Anduriña

Desde logu e unha vergonza as coixas que estan pasandu en o lugar .

Nun poi sel que o Ayuntamentu nun estubera o corrienti de esas obras que se han feitu a o lau de o camiñu .Estoi seguru que tenin que haber piu permisu pa fel o que han feitu .Otra coixa e que quizas nun han miu ben as consecuencias que puia acarreal y o desastri ecoloxicu que han ocasionau "aunque me pareci a mi que esti Ayuntamentu, o que menus le importa e o meyu ambienti, o e que nun tenin ni idea do que significa isu", porque ya van unhos cuantus desastris: Nun vos digu na do bertederu do Texu Galegu que e unha verdadeira contaminacion ecoloxica y os pontis que se fain sobri o nosu riu , que pareci que aqui caun se fai os seis pontis cumu le apeteci, "cumu si fora pa atrabesal unha regueira en o sei propiu olivar".

Solu esperu que to istu da "fonti" se remeyi o millor posibli, aunque o danu ya esta feitu y ya nunca volvera a estar cumu antis por culpa de a negligencia de unhos cuantus que nun merecin ver o paisaji que ven toas as mañas.

Un saluu a tos os furistas