San Martín de Trevejo - Caceres

To homi posé un forza de efectus retroactivus: Gracias a él toa historia se pou de novu enha balanza i milis de secretus sain arrastrandusi de seis escunditis hata alcanzar o sol. Nun se poi prever tó o que será a historia, algunha vé. Necesita tantas forzas retroactivas que nun se poi saber o que pasará, cuando a acumulación de estas sea suficienti. ¿Cambiará o cursu de a historia?

"Los embates fortifican al hombre" (SÉNECA, Eps, 13)

"En el elogio hay más entrometimiento que en la censura" (NIETZSCHE)

NOTA: Dau miña edai, i o que vivi en mi, ná me impresiona ni me sorprendi.

Hasta o proximu anu: si nun me he dispiu de mi mismu.

Sentu que seas tan vellu ya que a tua capaciai de sorpresa e´nula.
Nun tendrá a culpa Nietzche? ¿Y na te impresiona? Si que estás de volta
de tantas coisas, en fin...nun ten importancia, sin embargu, si me chama a
antención a frialdai con "sin nun me despiu de mi mismu" Tes alguha enfermeai
gravi? ei te deseu que vivas mutus anus, pero tamen comprendu con o tei pesimismo que quiseiras suicidarti. Vaiti a o lugal y recollendu adeituna sabrás valorar
o ben que vivis. Y si estas festas nun te gustan te recomendu Marraques que ala
nun se celebra a Naviai.

En seriu: Boas festas y en a cea de final de anu nun se te ulvii poñer
o mobil a tua dereita.

boas noitis

Otra recomendacion:
En TCM as 22 horas, esta noiti
SECRETUS y MENTIRAS (1996) de Mike LEIGH. Un drama..con guion muy
acertau. Exitu en Cannes.

A falta de capaciai é de feitu, o que chamamus neceai, un defectu que nun ten remeyu, unha cabeza obtusa o limitá a que falta o correspondienti grau de entendimentu, i os conceptus propis de ésti, poi mui ben chegar a basi de estudiu a misma erudicción. Peru tendu en conta que tamén en talis caxus poi faltar juiciu, nunhé mui raru encontrar homis cultus con altu grau de neceai. En esti mismu Foru temus- o vivu retratu-. Ten via un Neciu titulau, que sempri que escribi, deixa trasludir esi incorregibli defectu.

"El año retorna siempre por el mismo camino." (Virgilio, Georgicas II)

"Nada nuevo hay que pueda inventar y fraguar para complaceros; todos los placeres serán siempre los mismos". (Lucrecio, III, 957.)

"Vivid los siglos que quisiereis; no por ello la muerte será trás esa larga vida, menos eterna" (Lucrecio, III, 1103.)

Bó anu a os Mañegus de boa voluntai.

A falta de capaciai, por ejemplu, a miña sobre o relacionau con a electronica
o a mecánica, a fisica, química, música etc..etc y nun me teñu por neciu, as miñas
limitacios nun se poin calificar que soy un ignoranti. Y si fora calificau de neciu...
respetaría a libertai de expresión, pero si estaría obligau a exigir que mo fundamentara.Y nunca siría un defectu, cumu tu afirmas.
" (...) homis cultus con altu grau de neceai " Qué entendis por cultura?

Nun existi en esti foru grau mayor de neceai que ignorar a realiai de o
que en esti foru tratamus. Respetandu a tua libertai de expresión, pero ignoras
qué é un foru: lugar de tolerancia y debati. Se te interpela y nunca respondis.
Descalificas sin dar nomis concretus..."retratu de un Neciu" palabras, palabras...

y os aforismus? Lucreciu da Serra ( me acordu do sei burru) "todos los placeres serán
siempre los mismos" os placeris nunca son iguales, nunca, dependi das circunstancias: espaciu y tempu.

"Una docta ignorancia es una ignorancia que se conoce así misma"
Joseph Joubert.

Segun Aristoteles pa vivir solamente se necesita ser un animal o un dios.
Falta un tercer casu:ser unha coisa y otra, un filósofu.

En San Martin cuandu tiñan que convertir os Kg en arrobas:
Un arroba son 11,50 Kg, si un cuchinu pesaba 125 Kg = 10.86 @
pero que feyan si nun sabian dividir? o multiplicaban por 87.
Logu 125 por 87= 10.875. Se queaba con a duas primeiras cifras: 10.87 @
Y as mulleris que nun sabian leer ni escribir que feyan sabon con as sobras do
adeiti, as grasas. O cusian. feyan a matanza, puntillas y as faenas da casa...
Eran mulleris cultas.

boas tardis.

Mañegus: Un Foru compostu por unha Alianza Vituperabli que utiliza como meyu de coacción o anonímatu, nunhé un Foru Seriu. Sobri esta condición nun se poin establecer relacios sociais constructivas. Pero me he acustumbrau tantu a esta situación, que me ha creau viciu. En verdai, violenta i traidora maestra é a custumbri. Poicu a poicu estableci autoriai sobre noxotrus. Me sintu comu galu en curral ajenu que é pirsiguiu a picotás por os galus, i hasta por as galiñas, sin embargu nun sintu rencor a os galus ni as galiñas que me picotean. Soi cortés con ambus génerus, comu con toas coixas pequenas dexagradablis.

"Bello es obedecer las leyes de la Patria" (SÓCRATES).

Solamenti te respondere " bello es obedecer las leyes de la patria" Frasi dita por o muy honorabli president de la Generalitat Artur Más o 9N, cuando os independentistas catalas foran a votar.Y millor hubera.siu idil " foristas mañegus.

Cuantu tempu se ha pirdiu duranti o destinu de o homi enha lucha por decidir comu será o segundu mundu de o homi. Mientras mais sutilis son os esforzus por averigualu, menus sabi sobri o prexenti enho que vivi, que le do tó o que tuvu, era de acordu con os predicaoris i prelaus, o que dibia ser o menus importanti en seis pensamentus. Le foi recomendau, ordenau, dispirsi de él desdi o dia de sei nacimentu. ¡Oh ya hemus tiu bastanti de esi abuxu de esta alegri terra! Nunhé unha verdai tristi que esti debi ser nosu fogar. Con qué solu nos deisi abrigu, roipa simpli, simpli cumia, agreganduli a lila a roxa, a manzan i a pera, siria un fogar perfectu pa o homi mortal o inmortal.

"Un pueblo es el rodeo que dá la naturaleza para llegar a los seis, a siete grandes hombres.-Sí: y para eludirlos luego" (NIETZSCHE)

A atención de o responsabli de o Foru: En colusión con un grupu de foristas, "anónimus", infantis, dependientis i caprichoxus, as pirmitiu i siguis permitindu verter falsa ignonimia en meis mensajis. Pero nun te voi a afrentar, nun te consideru, mui simpli. Pexi a tua oposición-coacción i a de os foristas mencionaus: Escribiré enho foru o temu que me de a gana, mientras a naturaleda me o permita.

Cincu mañegus en colaboración con o responsabli de o Foru han escarniciu mei anterior mensaji. Comu tenin por costumbri "anonimamenti", se sintin tan importantis i prepopentis que cren que solu respondin anti Dios i anti a Historia, se nota que añoran o ancianu régimen por sua forma de actuar, de aquelis fontis procedi sua conducta. Sin embargu con esti feitu i anterioris, se condenan a si mismus sin sabelo ya que anti a falta de argumentus nun poin exigir respetu, respetu que a radón sólo concedi a o que é capá d resistir un examin públicu i libri. O anonimatu é a mayor de as baixedas de o ser humanu. Puru fascismu en esti caxu. Má ejemplu democráticu dan estis mañegus, sua actitud fatua i de o que a permití dá que pensar: ¿En que más está o Foru Mañegu?

"La naúsea frente a a suciedad puede ser tan grande que nos impida limpiarnos-"justificarnos". (NIETZCHE)

Nun se quen e San Peiru XIV,tampoco entendu mutas vedis as parrafas filosoficas que nos solta,tratandusi de un foru popular dondi o que interesa e o que sucedi en o nosu lugal y a os mañegus en general.Nun queiru idil que o que escribi San Peiru XIV,nun sean reflexios profundas,o que digu e que quizas dibiria de fel un esforzu y escribil,digamus,de una forma mais popular.
Algu importanti en San Peiru XIV y que nun estamus valorandu e que escribi en mañegu y que o fai con frecuencia,coixas que se debin agradecel.Bueno agora me gustaria Chenchu o algun detectivi mañegu me dixera a quen le toco o premiu de o euromillon,si o coñozu que se prepari porqui voy a persiguilo pa que se pagui algu.
Forti Abrazu

"O muñu"
Tes radón existin forus en a Red sobre filosofía, pero "San Peiru"
(SP) os descoñoci. Na de reflexios profundas, nun sabi filosofar,
y se fai a victima. Observa: "cincu mañegus en colaboración
con o responsabli do foru han escarniciu mei anterior mensaji"

Por qué cincu y nun vinti? descoñoci que en esti foru poi entrar
foristas y nun tenin por que ser do lugal.En o foru existin os "moderadores" y hasta a fecha nun le han eliminau mensaje niñun,
nun tenin porque felu ya que "SP" se mostra respetuosu con to mundu.
Por otru lau, quin lee a esti forista si nun se le entendi na. Le
aconsellaria que ensinara os escritus a alguen de sua confianza y logu le preguntara, si se entendi algu.
Por que nun expon en donde esta o "escarnecimentu"? pero si naidi le fai casu impusibli tal acción.

"O anonimatu e o mayor das baixedas do ser humanu"

Nunn e certu, si se refieri a literatura hay mutus poemas anonimus
y contus que se descoñoci o sei autor. CANTAR DE MIO CID/ DESIDERATA
"Cuentos anónimos"

"SP" nun ha liu a Nietche, nun ten idea de filosofia, pero isu
si, ten o mei respetu porque cumu tu didis escribi en mañegu, pero
le falta o humor/ironia do nosu lugal, pareci que tuvera sangri
villamenga.

Un abrazu








se limita a un copia, p

" se sintin tan importantis i prepopentis que cren que solu respondin anti Dios i anti a Historia, se nota que añoran o ancianu régimen por sua forma de actuar

Esta parrafa e de alguen cercana a demencia senil...

"SP" titula o escritu de "Anónimus" cuando poicus son os que o coñocin. Ei me acabu de enteirar agora de quen se trata, o sea, que o unicu que en puiriamos calificar
de nun identificau é él "a mayor das baixedas do ser humanu"

Quin se senti tan importanti y prepotenti? "
O ancianu regimen "ancien régime" mezclas a Revolucion francesa con a dictaura franquista. Que empaná mental !!

Boas tardis.

Aclarandu as coixas he de idil que a SP si o conhocemus pos ya se fidu a investigación pertinenti. Datu elemental: se chama comu sei Pairi.
Aquí hemus tiu polémicas de tos os coloris peu sobre temas determinaus y que vinhas a o cassu. SP, o probema que ten e que nun sabemus exactamente que nos quel idil con as citas dos filosufus ¿Qué nun tenin que sel "dogmas de Fe", ni tampoco sabemus que confabulación cree que existi contra él. O únicu que recordu e que ei mismu le dixi que había temas que nun eran pa esti foru (anque, como didi Chenchu, aquí poi entral cualquera y ponhel o que le de a gana.

Esperu habel aclarau algu.
Muñu: Ya quea menus........

Forti abrazu.

A portá de mie mensaji anterior aparecí con unha ancha banda de color negru enha parti superior, ¡VOLVER A O FORI! de o mismu color, o que me ha irrudio boas sencacios, boas vibracios, gozoxas perspectivas de lacer i entretenimentu enha otra via. ¿Qué comu demoñus a portá de un mensaji poi provocar estas sensacios? O asuntu é elemental, objetivamenti a través de o diseñu de sua portá. A ancha banda de color negru, i a sipnosis argumental exposta enha frasi; VOLVER A O FORU, tamén en negru, colma toas miñas aspiracios: Voi a radonar por qué: Nun creu que quin queira de repenti enha vellé puera soportar tal cambiu, pero a via nos leva inevitablimenti a ela, por unha suavi é insensibli pendienti, poicu a poicu, i grau a grau, nos condudi a esa mixerabli condición sin que sintamus sacuia algunha cuando a juventud morri en noxotrus, morti en via, mais dura que a morti completa é unha via penoxa i nun igual a morti de a vellé.

Porque nunhé tan gravi o saltu de o malestar a nun ser, comu o saltu de ser persoa fluria a ser persoa duluria i achacoxa. O corpu encorvau sosten con menus forza un pexu, i por tantu tamén a nosa alma ten que levantarsi contra a forza de sei adversariu. Pues é impusibli que teña descansu mientras tema a morti, i si logra nun temela puerá jactarsi que nun tendrá asentu en ela a inquietud, o tormentu, o meu, ni aún o menor sin sabor.

"Algunos están destinados a razonar erróneamente; otros, a no razonar en absoluto, y otros a perseguir a los qué razonan" (Jean Baptiste Poquelin, Moliere)

Hola...
Si observas ben cuandu respondis (Respuesta) a "banda superior" que nun ten na
de ancha é de color azul. Escritu o mensaji se presenta de color negru, a tua ezquerda
pon o dia y hora, a dereita o númeru de registru do mismu. Que pa ti o color
negru te motivi pa volver o foru (con letras grandis)? da a sensación que paderceras o sindromi
de abstinencia.
Nun entendu na do que escribis, pero si o entendis tu, nun ten importancia.
Benvindu de novu.
Bos dias