San Martín de Trevejo - Caceres

Hola amigus do foru. É un privegiu y un orgullu poel compartil con vosotrus en a moderna y compleja ré informática tanta belleda de algu tan simpli y natural cumu é o nosu lugal. Esperu poel narrarvus tantas experiencias de a infancia y do presenti cumu secretus guardan as aguas cristalinas do nosu arroyu (por certu, agonizanti en verán)desde que naci en as montañas atravesandu as callis do lugal, hasta que finaliza a sua vía en esas terras de naidi y de tós a o mismu tempu.
Un salú pa tos os mañegus y as personas de ben que sin sel mañegus son capá de aprecial a belleda de un lugal que deben sabel conserval, con as suas tradiciós y suas custumbris

Amigu parral: Permitimi que te chami amigu, porque to aquel que sea amanti de nosu lugal, por forza ten que sel mei amigu y esperandu estoy leel as tuas narracios, que seguru estoy (por o que ya has escritu) que o describiras tal y cumu o sintimus tantus y tantus mañegus que por circustancias da via tubemus que ser fora.

Un saluu y a ver si me das algunha pista: Eris de uva blanca? o de uva negra?, as guardas pa mexa? o as eitas pa pichorra?, estas a o nacienti o a o ponienti ? De toas as formas tenin que estar boas, porque me parecis un bo parral ben frondosu.

UN MAÑEGU

Amigu.m.e.,
Soy un parral de uva blanca y negra, de toas as culturas, orientau a o ponienti, ruta de os descubrioris da novas terras....