San Martín de Trevejo - Caceres

Boos dias Foristas, Mañegas y Mañegus:
Os dagais que fomus a Escuela de D. Cipriano (Q.e.d), recordamus con nostalgia os anus que fomus alumnus de esti Maestru.
Os mais aventayaus le ayuábamus a ensinal a Cartilla, as contas y a escribil, a os menus capacitaus.
Unha de as coisas que recordu muy a menú, son unhos "Librus Manuscritus", que nos feya leel en a clasi de pol a mañan, que eran muy interesantis. Estis Librus Manuscritus he preguntau a varius Maestrus que ha habíu dispois, y didin que ya nun existin.
Nun sé de certu cuantus eran, pero mais de 20 sí. Oixi en día tindrian mutu valor, por estar escritus a man y con muy boa caligrafia y diversus tipus de letra.
Istu dibiria ser investigau, ¿que ha siu de elis?, pues debin pasar de herencia de unhos Maestrus a otrus.
Pol as tardis nos feya leel unhos librus de Poesia, que eran interesantis, pero éstis tiñan ya letra de imprenta. Nun sé si existin.
Gracias anticipás a aquelis alumnus, Furistas y Mañegus que poyan aportal algunha información a esti asuntu.
Soidi a Fala, Mañegus y Mañegas.
Chalrrieira.

Don Ciprianu, q.e.d, ejercei de maestru sin tel vocación,
sin estudius de magisteriu dibiu a o chamau ALZAMIENTO Nacional.
Tiña un salariu de fomi ("pasas más hambre que un maestro escuela")
Comprendendu a sus limitacios y o contextu históricu que le
toco, ensino o poicu que sabía. Bueno, mais que ensinar,
dentro da escuela de aquel tempu chamas unitarias, dagalitus de
distintas edais, de tal maneira que os mayoris ensinaban a os pequenos a leer (Cartilla RAYAS) a contar, as tablas, etc...
Nun recordu explicación alguha de él, nun recordu poema algun liu en a escuela. Si recordu cúmu nos falaba muy mal de os masós, de os socialistas, marxistas "que llevaban a
a nuestra Patria al abismo de la ruina material y moral" ¿qué era
isu da ruina moral y material? ¿qué era un masón? algu muy mau, un
demoniu pensaba ei.

Me pareci que te refieris a os CUADERNOS de EFEMIRIDES
copias que feyan os alumnus de a enciclopedia y os ilustraban:

"El dos de mayo en Madrid"
"El estudiante caido, Matías Montero"
"El asesinato de José Antonio Primo de Rivera, el 19 de noviembre"
"José Antonio funda la Falange en el Teatro de la Comedia de Madrid"
"El dia del amanecer, 1 de Abril"
"Los tres FORJADORES de la nueva Espña: Onésimo Redondo, Ramiro Ledesma
y Jose Antonio = Falange Tradicionalista y de las J.O.N.S"
............................
............................

Si huberan siu redactaus por o alumnau hubiera siu muy positivu, pero
se copiaba; nun nos ensinorin a redactar por a sencilla radón que apenas si practicabamus a lectura en a escuela. Fora si y en contra de o maestru que nun le gustaban os chamaus TEBEOS:
"Roberto Alcázar y Pedrín"
CAPITAN TRUENO, JABATO, HAZAÑAS BELICAS etc...
O cini, Tebeus, os yugus etc...FORAN importantisimos pa nosu
crecimentu integral.

De os chamaus "librus manuscritus" que tu didis, nun me consta.
bos días

Nun entru a debatil o que escribis en tua carta.
Solu queru contestarti a o últimu párrafu tei que didi:

"De os chamaus "librus manuscritus" que tu didis, nun me consta".

Pues efectivamenti e tan certu cumu que escribu esti mensaje. Os "Librus Manuscritus" que ei lií mutas vedis y me acordu de elis, porque ei foi a esta Escuela porque vivia de o arroyu de a plaza pa cá.
Recordu que tan sólu foi un día a Escuela de o arroyu de a plaza pa lá, porque D. Ciprianu estuvu mau y era un Maestru que vivia en casa de o Paraol de San Peiru, y nos fidu dibujal o mapa de Extremaura.
Pol isu queru sabel y fel recordal ¿Dondi estan esis Librus Manuscritus?.

Soidi a Fala, Mañegas y Mañegus.
Chalrrieira.

"(...) gracias antipas a aquelis alumnus
(......) que poyan aportar alguha información a esti asuntu" (sic)

Tu solicitabas información, que de nun felo nun te hubera
respondiu.

¿Debati?
si aqui no hay discrepancias pa que haya debati.
Esis librus escritus a man (manuscritus)
ojo!!!!!! falas de LIBRUS y cumu alumnu que foi
de don Ciprianu, pues nun recordu habelos vistu
e isu nun quel idil que tu to estes INVENTANDO.

Si recordu, ademais por LEY, era obligación telo
y a Inspeccion asi o exigia un cuadernu de tapas
duras, de cartón, y en él tiña que constar as EFEMERIDES
que o RÉGIMEN exigia que se tiña que impartir a os dagais
y logu copiar en esis cuadernos, y unhas vedis le tocaba a un
y otras a otru y que en o anterior mensaji enumeraba
alguhas de el.las.

¿Nun será que tu chamas "librus manuscritus" a o que ei
digu cuadernus? ¿Nun estaremus falandu do mismu?
¿Que recordas tu haber liu en esis librus manuscritus?

Soidi a Fala, Mañegas y Mañegus

Esi maestru...¿nun siria Machacón?
¿Era altu y delgau?

boas tardis

Teñu lixieira idea de esis manuscritus, a os que se refieiri Chalrrieira. O que nun poiu precisal é, si eran cuadernus oliburs en a forma que agora consideramus os mismus.
Nun eran copiáus un-hos de otrus, que isu era otra coisa.
Eran librus/cuadernus, escritus a mán, pero editáus.
Nun sé de dondi seiran, porque a lo largu y anchu de meis anus de docencia, nun os volví a vel.
Referenti a esi mauestru, altu y delgáu (nun era o flautista de Hamelin) que vivía en c´a mei tíu "O Biderru", era, efectivamenti, don José Díaz Machacón, magníficu profesional, que, fai un-hos anus, que ei recordi, estaba ejercendu en Sevilla, o por lo menus por Andalucía, cumu así me dixiu sua hermana, que, entoncis estaba de maestra en un dos "cuatru lugaris".
Poicu máis poiu aportal a o tema.
Boas tardis
B_RODAS

¿Pos de dondi seiran?

A Secretaria General do Movimentu recopilo textus
de os CUADERNOS DE EFEMERIDES,os editó.
Aqui poi estar a clavi do que nos didi Chalrrieira
pur isu, él con radón, fala de librus, que o eran
y ei falu do sei cuntiu, do tema que trataban.
Afirma él que eran de "distinta letra", efectivamenti,
porque esi cuadernu diba pasandu a os alumnnos
que tiñan millor caligrafía.

A pregunta que se formula ¿dóndi poin estar?
pues cumu os versus de FOXA, de Pemán,Panero,Garciasol,
u o teatru de Benavente o de Alfonso Paso etc....
solamente se conserva os clásicus, o que son dignus
de ser imitaus y o que nun ten valor artisticu
o tempu se encarga de destruilo.

"ARTE. La naturaleza lo inspira.Quien carece de arte
seguro que carece tambien de naturalidad" Joseph JOUBERT

boas tardis

Si Pacu o Hermanu de ME escribira en esti foru nos aclararía o tema, por que él era alumnu predilectu de D.Ciprianum, en cuya escuela nun estuvi mutu tempu por que, con mutu disgustua por a sua parti ya que i me falaba cuandu me via por a calli; mei pairi me puxu a fel ingresu y primeiru de bachiller con Machacón, estupndu maestru de novas ideas, y solu foi unos anus a sua escuela y a sei " pasu " ¿Vos acordeis ?. De toas maneiras, si queru recordal esis librus dondi solu lian, en altu claro, os mayoris, por que tiñan esa finaliai, lel manscritu, que era como algu de mayor dificultai y calau. Nun se que cuntiña a escritura, pero de Onesimu, Jose Antonio etc.etc. se lia to que fidea falta. Os cuadernus eran otra coisa que se feyan por os de certa edai y era donde se copiaba o "tema", que era como a lección de o día. En fin, si hay que recordal mais coisas de estas, se fai un esforzu y se recorda, esta ve sin os cinturonadus que D.Ciprianu regalaba de ve en cuandu ¡abichuchuuuuu, de donde te habras escapauuuu!, regalu verbal que nos feya de ve en cuandu. Soidi a fala y Un saluu pa tos. Chitu

Boas dias Foristas, Mañegas y Mañegus:
Hay que diferencial duas coisas ben distintas: a) Librus Manuscritus" Editaus y b)"Cuadernus de Escritura".
a) "Librus Manuscritus", sirvian pa aprendel a leel a escritura feita a man, pa os alumnus mais aventayaus, que habian pasau a 2ª Cartilla y ya sabian leel, porque era dificil pol o tipu de letra y palabra. Istu se feya en a lª clasi, situándusi o alumnu de a parti izquerda de a Mesa de D. Ciprianu.
b) "Cuadernus de Escritura", sirvian pa escribil o "Tema" de o día, que ben o escribía en o "Encerau", Pacu o Hermanu de ME, o Ángil o fillu de a Sra. Telefonista, porque os dois tiñan boa letra, sendu Pacu muy distinguiu por o Maestru, porque dibujaba ven y era listu. Recordu un concursu de dibuju, sobre "O Dois de Mayu", que nun le deran o premiu a niñun, porque Pacu había feitu un dibuju mal, de o General Palafox y nun gustó.
Sigu escribindu en otru Mensaji.
Soidi a Fala Mañegas y Mañegus.
Chalrrieira.

Voi a falal agora de a organización que tiña D. Ciprianu en a Escuela:
1ª clasi: De 09,30 a 11,00 hs. Os alumnus aventayaus, nos puñiamus a ensinal a Cartilla a os menos ayantraus y otros en o "Encerau", con o yesu (tiza), a ensinali as cuatru reglas: Sumar, Restal..etc. Logu a escribil o "Tema" de o día en o "Cuadernu" -con unha frasi política o de algún personaji importanti-.Recreu en a Plaza a yugal o fútbul.
2ª Clasi 11,30 a 12,30 hs. -toqui de timbri-, asomau a ventan D. Ciprianu. A estudial o "Tema", Caticismu, Geografia Española: (Cordilleras: Penibética, Mariánica, Bética, etc.)Rios; Cabos, Golfos "Geográficos", etc. Dispois a comel.
3º clasi: de 14,00 a 16,00 hs.Igual que en a primeira clasi, exceptu que os mayoris liíamus en "Librus de Poesia", que había mais de 10 y recordu a "Calderón de la Barca": Cuentan de un Sabio un día que tan triste y sólo estaba que solo se sustentaba de unas hierbas que comía, ¿habrá entresí decia tan pobre y mísero como yo? y cuando....". Tamen a estudiar Gramática, Verbus y analizal palabras y frasis.
Sigu escribindu en otro mensaji.
Soidi a Fala, Mañegas y Mañegus.
Chalrrieeira.

4º. Os jovis pol a tardi eran vacaciós, en cambiu os sábaus había clasi too dia y antis de sel redabamus o "Rosariu" con Javier o hermanu de Lilin.
5º. Os Vernis de Semana Santa, nos levaban os Maestrus a o "Via Crucis" de a Igleisia.
6º. Recordu que nos daban antis de o Recreu, un vasu de leiti en polvu y por a tardi "Mantiquilla o Queisu", pero estis productus que eran Norteamericanus, nun tiñan o sabol de a leiti de as Vacas, Cabras y o Queisu feitu en o nosu lugal; había que leval o vasu y pan.
7º. Queru fel un Recordu a "Tinita", (Q.e.d), que logu foi Maestra. Ésta gran Señora nos ensinaba a cantal alguhas canciós, cumu por ejmpl."Al lado de mi cabaña tengo una huerta y un madroñal, con mi cabaña y mi huerta lere´y los madroños leré que quiero mas..." Vaya mei profundu respetu y consideración a esta gran Señora. Dª Tina Martín Rodriguez.
Soidi a Fala Mañegas y Mañegus.
Chalrriera.

´¡Qué boa memoria tes!
Tranmistis mutu entusiasmu y has lograu emocionarmi
y he voltu a leer os versus de Calderón, aqui tos deixu:

Cuentan de un sabio que un día/tan pobre y mísero estaba,
que sólo se sustentaba /de unas hierbas que cogía.
¿Habrá otro, entre sí decía,/más pobre y triste que yo?;
y cuando el rostro volvió /halló la respuesta, viendo
que otro sabio iba cogiendo/las hierbas que él arrojó.

.................

Tamen leiamus istu:
"Franco fue el hombre providencial que con mano firme
y prudente forjó la victoria de la guerra y está
forjando la victoria de la paz"

"Vivir en cadenas,/¡Cuán triste vivir!/Morir por la patria,/
¡Qué bello morir!
Arriaza

"Una infinidad de hombres y mujeres de toda edad
y condición fueron sacrificados por el odio de los rojos
SIN DIOS Y SIN PATRIA"

"Los gritos de ¡VIVA ESPÑA! "VIva Cristo Rey! pusieron
en pie de la guerra en 1936 a nuestros dignos militares
(............................) que los separatistas, marxistas
comunistas y masones llevaban a nuestra Patria al abismo
de la ruina material y moral"

Y Franco en o sei testamentu: "(....) Todo queda atado y bien atado"

¿Y a educación que recibiran as dagalas duranti a dictaura?
Aqui quea apuntau por si alguen nos quel falar
sobre istu.

Y acabu con esta perla:

Un soldau que prestaba o servicio en un Regimiento
de Jaén me contó esta anécdota muy revelaora
do espiritu marcial de o nosu ejércitu era por os
anus sesenta. Estandu él en "teórica", o suboficial
que impartia as clases mostró a os soldaus un gráfico
do corpu humanu en o que era visibli o esqueletu y os
músculus. Os reclutas queorin surprindius cuando o
suboficial con toa seriai señaló o hueco que forma
a clavícula con o cuellu con esta feliz frasi:

La clavícula humana forma una cavidad que está
hecha expresamente para llevar el fusil

boas tardis

Hola Brodas,

soy la pluma y don Cipriano era el tintero. Ya le he contestado al compañero forista sobre los cuadernos de los que habláis.

Muchas gracias por el buen recuerdo que tienes de mí. Vivo en Córdoba, ahora jubilado y guardo un gratísimo recuerdo de San Martín.

¿Quién eres tú?

Te dejo la dirección de mi hija por si quieres contactar conmigo.

Feliz navidad

José Díaz Machacón

Sí, soy yo, estuve desde el 10 junio del 54 hasta el 31 agosto del 60. Mi compañero del alma fue d. Cipriano. Y tuve por compañera a Tina, doña Felicitas, doña Carmen, África, Angelita Rasero.

¿Quién eres tú?

Don Cipriano tenía cuadernos de matemáticas y tanto en la clase oficial como en el 'paso' se los daba a los niños para que los hiciera y les ponia el resultado. Los cuadernos que se hacían en clase se llamaba cuadernos de rotación que eran obligatorios y en los que señalaban las actividades del día y que eran realizados por los alumnos. Todos esos cuadernos si alguien los tuviera, sería Carmen Paíno, hija de don Cipriano, aunque dudo que se hayan conservado. Yo también los hacía en la escuela pero los dejé allí.

Puede que alguno de los hijos de Carmelo o su esposa Carmen de la
familia de los 'gatos' sepa algo de estos cuadernos de don Cipriano.

Boas tardis desde Córdoba.

Si quieres contestar te dejo el correo electrónico de mi hija, cdiazaguilar@hotmail.com

MACHACÓN

¡Que aligria me da verti por aquí ! Soy ex-alumnu tei, como mutus do foru, ei de Bachiller y o que mais suspensus sacaba, me recoñcerás asi insiguia por que te sucedei Carmelu dándumi clasi, ¡ nun era vagu ni na ! me refieru a mi nun a tei sucesor que foi muy amigu mei dondi vivu ago desde que viñu aquí hasta que nos deisó defintivamenti. Fostis un magnificu profesor, muy recordau y quiriu por tos os que tuveran a dicha de estar contigu, aqui has siu recordau con gran cariñu y mira por dondi teis alumnus do foru, por o que a mi respecta por lo menus, estarían muy contentus de que foras por o lugal o dia da cumia, por que seguru que inda tes casa en Cáciris y desde ali hay, ago, solo un pasu. Si nun das conmigu ago, ya te diré quen soy y fairé por verti por que ago teñu vinculaciós familiaris y a vedis profesionais con Cordoba, me agradará mutu, pero mutu, salualti.Te escribu en a Fala por que tu si a entendis y aquí e custumbri. Un forti abrazu. Chitu.

Hola,

soy la hija de Machacón, la que os ha descubierto y os ha leido en esta magnífica lengua que siento sólo entenderla y no escribirla. Estoy en mi casa, mi padre se fue a la suya y lo llamaré para decirle que tengo noticias tuyas. Mi padre no es muy internauta y soy yo la que al querer demostrarle las ventajas de internet os descubrí. La cuenta de correo que di para darme de alta en el foro fue el mio, por eso he podido leer tu respuesta, me han enviado el aviso a mi.

... acabo de hablar por telefono con mi padre y le ha encantado saber de tí. Me ha preguntado que si eres Angelito el hijo del alcalde..

abrazos.

M Carmen

Hola M.Carmen: Tei pairi ha acertau ¡Como pa nun acordalsi dos suspensus y as vedis que me fidu repitil o cuadernu de Francés! Dali un abrazu de miña parti y que se animi a escribi aquí, será muy ben vindu.Soidi a Fala y pa tos, Chitu.

Jajajaja! Me temo que entonces tiene el que yo sea profesora de francés en estos momentos tiene su origen en mi infancia! Claro, que mis alumnos dudo que tenga ese buen recuerdo aunque la educación no es lo mismo en vuestra época que lo que a mi me toca lidiar.

Muchas gracias, se lo contaré a mi padre

Besos

M Carmen

Amigo Machacón:Gran alegria nos a causado tanto a mi mujer como ami al ver que te has metido en el Foro,se que tu a mi no me reconoces por el nombre del El Salto que es como figuro en el Foro, pero te daré algunas referencias haber si te acuerdas de nosotros, tanto mi mujer como yo teniamos buena amistad con tigo.Nos casamos en el año l960,en lunes, te invitamos a la boda y no pudiste venir, nos regalastes una Lampara(con un poco de Sorna),la última vez que estuviste por aqui nos vimos en el Bar la Placeta.Yo vivia con mis padres en la calle San Pedro,cuando subias y bajabas siempre charlabamos un rato. Mi mujer vivia en la calle Chafaril y mis suegros en casa de los Señores de Ojesto.Espero que con esto ya sepas quien somos sino ya mas adelante te diria quien somos,ya me he quedado con el correo de tu hija y te mandaremos un correo.
Felices Navidades y que el Nuevo Año venga ccargado de Paz, Amor y felicidad para ti y tu familia y si puede ser que nos veamos.
Un saludo de El Salto

¿Hoy o mañana es vuestro aniversario?

¿Y el 9 de septiembre le suena a tu mujer?

Felices Pascuas

Con gran alegria por nuestra parte, te dire que el l9 fue el aniversario, y que el 9 de Septiembre tambien lo recuerda mi mujer,ya veo que nos ha localizado, La Lampara la conservamos.
Un Abrazo para ti y para tu padre, y dile que el 3 de Enero tenemos una comida todos los del Foro San Martin y ya lo recordaremos, ademas lo invitamos a que nos acompañe. Felices Fiestas.
El Salto

Boos días Foristas, Mañegas y Mañegos:
Con muta alegría entru oxi en o esti "Foru": 1º Por sabel de o Maestru Machacón y 2ª aniversariu boa de O Saltu.En ambas coisas teñu mutus Recordus.
En cuantu a o 1º: Queru idele al Sr. Machacón que nos dó clasi a os de D. Ciprianu, un día que éste Maestru estuvu mau y nos fidu dibujal o Mapa de Extremaura y faló de o Embalsi de Alcántara que estaban fendu por aquél entoncis. Creu que foi un día muy interesanti.
Ei he siu o que a sacau a reludil os "Librus Manuscritus", esis Libros pol a boa caligrafía y ortografía que tiñan, así cumu os relatos que en elis se expuñía, tenin oxi en día mutu valor, por isu me gustaría sabel: !A dondi han díu a paral!.
En cuantu a o 2º tema, aniversariu de boa, ei tamen participí, muy activamenti, fidu mutu friu ese día. Hubu baili en casa de "Os Gatus", y se había casau tamen por esas fechas "Fabiola y Balduinu". Por isu Felicitu a o Saltu y a mullel !Enhorabuena!.
Soidi a Fala, Mañegas y Mañegus.
Chalrrieira.

Desdi logu esti Chalrieira ten mais de mil gigas de memoria (un bo discu Duru). Ei tamen ma`cordu de D. José. Un día fomus a Cáceris en un taxi a competil en ajedré o ping pong (¿Pei... me prestas 100 gigas?)
Cuandu dibamus por Torrejoncillu le cantamus:
Torrejoncillo bonito
bien te puedes alavar,
que tienes mejores mozas
que coria con ser Ciudad.
Si yo fuera alumno suyo ahora le preguntaría: ¿ Que passsa tío, no te acuerdas, o qué ?.
Tengo 65 años y le tengo el mismo respeto que cuando su alumno. No tenga la menor duda que dejó en nosotros un recuerdo imborrable y por supuesto, me agradaría verles en la comida del día tres.¡¡ Sería una gozada!!.
Forti abrazu

Boas tardis teñan os Foristas, Mañegus y Mañegas:
Gracias amigu Cerrumiquili por darmi honoris sobre a miña memoria.Ei le sisgu dandu Gracias a Dios pol ela.
Sigu falandu de os Librus Manuscritus de D. Ciprianu.
O señor Machacón nos fala tamen de unhos cuadernus que tiña D. Ciprianu cheu de Problemas de matemáticas resoltus. Efectivamenti, tamen existian estis cuadernus de forma apaisaus y escritus, millol ditu, "manuscritus" por D. Ciprianu, dondi tiña mutus Problemas de matemáticas, aritmética, etc. que nos puñia logu a nosotrus en o "encerau". Había vedis que o resultau de o mismu nun era o que D. Ciprianu tiña en a sua "Libreta Manuscrita" y surgían as dudas de cual resultau era o boo; o da sua "Libreta " o de o problema que habiamus feitu en o "Encerau".
Pero ei nun me refieru a estas Libretas Manuscritas.
Ei sigu insistindu, en que eran "Librus Manuscritus", pa leel os alumnos en Clase, pa aprendel a leel os distintus tipus de letra manuscrita que se cuñucía entoncis.Hay que recordal que entoncis os que tiñan boa caligrafia, entraban a traballal en Bancus y Oficinas de o Estau. As Máquinas de escribil, viñeran dispois y ya nun fidu falta sabel letras y escrituras diferentis; solamenti a os Farmaceúticus, pol aquilu de as Recetas Meicas. Pol esti motivu os Librus Manuscritus se ensinaban en as Escuelas pa aprendel a leel; pol isu tamen tardábamus mai tempu en que nos deran o aprobau en "LECTURA". Ademais había un "Catón", ya escritu con letras de imprenta que empezaba así a primeira lección: "Alrededor del mundo. Yo tengo siete años..."
Si alguien ten oportuniai de dil a algún Archivu o Biblioteca Antigua; pil Libros Manuscritus de distintos tipos de Letra, vereis valol que tenin.
Soidi a Fala, Mañegas y Mañegus.
Chalrrieira.