Recuñucimentu a Alejandro Valiente A otra tardi,nos chamó Alejandru pa que compartiramus con él,o recoñocimentu miriciu da marca ecuestri España. Sevilla celebra en estis días a millol Feria do Cabalu de España.En grandis pabellos y sempri cheus de yenti se ponin cerca de cen stand con temas relacionaus con esi animal. En un gran Salón,cheus de expertus y mutu señuritu andalu,Alejandru con gracia,soltura y preñau dun cariñu pur esi animal,foi desgranandu o mutu y ben que a o reol de él,poemus cunsiguil. Dánduli a marca PREMIUN de turismo ecuestri os empresarius y entusiastas,le recuñucian o gran impulsu que yuntu a sua mullel y con o gran espaciu PARAISO DE DOÑANA están cunsiguindu,num solu en España tamén a nivel internacional. Idia:Cuandu un cabalu te mira,te chega a o corazón.Paseal con elis,coñocel rutas naturais,ver monumentus...sin presa,fel amigus,comel en alberguis,intercambiar,e algu que solu o que se engancha poi sintil y godal.Mais de cuarenta rutas en España y otras de Francia y Purtugal están coordinas,esperandu un gran futuru. Así falaba entre aplausos o netu do PASIARON.Chitu con Filisa y ei con a miña mullel en nomi de toos os mañegus nos alegrábamus y escutábamus con gustu,os boos comentarius que sobre Alejandru y a sua mullel Isabel en esti mundu do cabalu y turismo ecuestri están despertandu. Gracias ,soidi y SORTI pa toos en a Lutiria |