San Martín de Trevejo - Caceres

En esti FORU hasta a fecha se han emitiu unhos 520 mensajes (o de Vilamel ten tres. Eljas, tres) por unhos 75 emisoris, exceptu dois to o restu son SEUDÓNIMUS.
¿Cumu e posibli manter un FORU de CALIAI en dondi mais o menus unhos dodi usuairus utilizan setenta y cincu seudónimus? Foristas que cambian de nomi cumu de chaqueta. Os imaginais oyi dia unha represntacion teatral en dondi unhos dé/dodi actoris representan o papel de 75 personajis? Es que nun cabrian en o escenariu.
Y reiteru por enesima vez, que ei nun estoy en contra de naidi NI DE NA..¿eh? que os respetu absolutamenti, ademais aqui ca un fai o que le da a gana.
O Foru de SAN MARTIN de TREVEJO,ni perteneci a o lugal, ni hay purque falal do lugal, ni os foristas tenin porque ser mañegus, sin embargu
ei creu que pa algun que nun coñoza o LUGAL y dispois de leernus si puia levarse unha somera idea de o quie. Y SI le chamaria a atencion, istu e o mais importanti de esti FORU, QUE NOS EXPRESAMUS EN A NOSA LENGUA.
ESTAMUS fendu historia y siria muy IMPORTANTI que MANTUVERAMUS SEMPRIS a nosas señas de identiai: SEMPRIS O MISMU SEUDONIMU Y SER DUEÑUS Das NOSAS PALABRAS, porque o escritu escritu quea.Os imaginais a o
cabu de dodi mesis os mismus "perrus, pero con distintus collais" nun e peyorativu, si no a titulu de ejemplu... o comu un burru dandu, dandu voltas a noria, o sea, os mismas PERSOAs, pero con NOMIS DISTINTUS..es que a esti paso a final de habremus chegau a unhos 200 seudonimus, seria una BABEL, impusibli a comunicacion.

SIRIA muy Importante, a menus pa mi,cuñucela ACTA, o sei cuntiu, do PLENU MUNICIPAL "Plato de LENTEJAS" (asi o bautizo) en que foi APROBAU o Canji: O MUNINCIPIO cuncidia a Don ANGEL Garcia
o accesu a sua finca por a piscina natural y él a cambio daba a o pueblo (........................................) sinceramenti que nun recordu QUÉ.

REITERU: Coñocer a ACTA primeiru y dispois analizar y valorar.
As ACTAS nun se poin fer copias ni sacalas do AYUNTAMENTU, pero si
poin solicitar y leelas ante algun funcionario municipal.
Siria importanti saber que DIXU a OPOSICION, a ASOCIACION DE PENSIONSITAS, as AMAS DE CASA, a Iglesia, os "MIGUS DE SAN MARTIN"
(existin?, o PSOE, local.

O pueblu si sabemus o que dixu:

Valoro positivamenti ditu cambalachi porque de maneira libri y voluntaria le concedei a mayoria absoluta a o actual ALCALDI, MAximo Gaspar.

Por consiguienti....

Si o dia de mañan a Junta de Extremadura concedera a instalacion
dos MUÑUS (parquis eolicus) en San Martin de Trevejo, pagan 250.000 PTS
anu por muñu a os propietarios da finca dondi se instalan y otras prevendas pa o municipiu..¿Quin se manifestaria en contra? ¿QUIN LIDERARIA A PLATAFORMA "MUÑUS, NON"? Si os ciudadanus de San Martin estuveran de acordu con o que se aprobo en o PLENU "Plato de lentejas" pos tamen estaran de acordu con os MUÑUS.

FALAR, FALAR, FALAR pur falar se fala..muta partia de cartas,futbol..
mutu en san Martin;
se entra en a pichorra, se bebi se fala....y dispois a seida: QUE VIÑU TAN MAU...
ten esti...

¿SIGUIMUS FALANDU DOS muñus?

Y otru dia os falare das miñas "CHORRAS" o que alguin califica de "filosofia"

Boas noitis

Chenchu.

Chenchooo, cumu se nota que estas juvilau, y tes mutu tempu libri .

Amigu chenchu: Sí, asi te consideru, volvis a dal en o clavu, esta ve sin acritu. Mal estaria que hubera 6 participantis do foru utilizandu 20 seudónimus, isu e enganal. En cuantu a o usu da fala, esti aguillon, malentra, bueno fendu honol a o sei nomi,eitandu venenu, nun son formas y sa pasau das alfenas a o encanau, ¿quin e esi forista pa critical a otru cuando aquí estamus toos de booa fé usandu a nosa fala y fendu historia ca un como Dios le da a entendel? hay quin sa criau fora do lugar y falaba de pequenu en castellanu y agora usa con mutu orgullo a nosa fala.

Ei tamen me unu a esa critica que fai cancheira da tortura do toiru de Coria. A festa nacional e otra coisa, luchan a inteligencia y a forza fiera.

A cordialiai debi ser a norma de comportamentu de os foristas de San Martín, sin que isu supoña merma da libertai de expresión, que tamen debemos cuidal, que tos sabemus idel palabrotas. Un abrazu

Pa Agullón ó Aguillón: Pos si que está tú pa dal leciós de Mañegu.

As contas de Chenchu: 75:12= 6.25. !Que barbariai! seis y picu ca un.,
un picu poi sel ó de Anduriña y otru ó de Cerrumicli.....
Te contradidis mutu, ¿purqué te metis con os seudónimus y logu didis que ca un poi fel ó que queira?.
Dodi actoris si poin cabel en un escenariu é intelpretal 75 personaxis, y mais supuñendu que nun sayan tos a misma ve.
Torri de Babel: Ali (según a Biblia, a historia verdadeira e otra) hubu confusiós de lenguas. Aqui falamus (por sorti) tos a misma.
Nun a os parquis, tiñas que leel as vedis que sa ditu o de a "ZEPA" y os decretus, peru si, con to isu, os poñin, nos tendriamus que tragalos comu nos tragamus as recaudatórias multas de tráficu y otrus impostus y leyis que nos metin os puliticus de turnu.
O Foru e "de" Sa Martín, poendu participal cualquel usuariu de internet que teña interés por esti lugal.As reglas as pon o aministraol y nun hay niñunha que impía tel un, dois ó mais seudónimus.
¿Que e pa tí un foru de caliai?, sólu perguntu.
Os mismu perrus... burrus dandu voltas...(Comu ejemplus) !!que sutileza!!
¿Quin e D. Angil), inda tenin don unhos y otrus non, comu os pimentus de Padrón.
¿Porqué nun as diu tu a vel a Acta en ó Ayuntamentu?.
A miña pichorra nun te invitaría, ya sabemus o que sais idindu de elas.
En fin... pensu que en o foru ó interisanti son os comentarius, as críticas, as ideas, as bromas ..... y nun as persoas ni as prefesiós.
Boas tardis.

Tes radon: dodi actoris claro que caben en un escenariu, quisi expresar
DODI ACTORIS con 75 personajis e impusibli a representacion.

Tendrias que dividir 75 personajis, agora sirian ya 76 con esti novu tei entre 6 mesis, nun dodi cumu tu didis y resultan que sain a 12,8.
por forista,y dentru de seis mesis mais, o sea, a o anu YA VEREMUS.
Agora, ei creu que tu a esti pasu a o final de anu chegaras a esti a ter mais o menus 50, pero FAIS BEN...o respetu, pues o mismu dereitu que tes tu a cambiar de seudonimu cumu de chaqueta, ei teñu o dereitu tamen de manifestar o que pensu a o respectu.

VEs? ei nun teñu problema con o seudónimu, me ocupu das ideas, millor o pior expresas. Y es que aunque falemus a misma lengua, con tanta genti sera BABEL de algu mais gravi que as lenguas, a confusion por a "enfermai" dOS ANONIMUS, cumu o tei que ya e
rizar o rizu: ANONIMU/SEUDONIMU, tanta imaginacion a tua en pensar un nomi pa firmar o mensaji, que se te olvian a IDEAS.

Mira, nun poyu solicitar a ACTA purque estoy empadronau en Barcelona
y nun e o lugal y creu que nun me ha deixarian leela,
pero o mismu estoy equivocau y cuando vaya a solicitare.

E certu que dibiria haber escritu DON MAXIMO GASPAR, intenta comprendermi soy da generacion dos 60, y nos inculcaron tantu,tantu.. que a genti con titulo universitario de LICENCIATURA tiña o dereitu a utilizar o DON...que o subsconcienti me fidu unha ma pasa.
Gracias por a observacion, foi un error lamentabli.

Ei nun suelo frecuentar a pichorras, y menus opinar do que nun entendu
sobre os viñus y si voy algunha digu o que pensu, doy a CARA cumu fayu aqui.
Tu fais ven de nun invitarmi a tua pichorra porque estoy seguru que te diria con a miña voz de trueno:
"Esti viñu da tantu a ZAPATUM cumu o tei "ANONIMU/seudonimu" QUE utilizas en o Foru"

¿Por dondi tes a viña? -si nun e molestia a pregunta.

Boas noitis.
Chenchu

Te entendu.... pero dexa a xenti a libertai de escribil con o sin; un bo artista e ó que ten capaciai pa represental varius pepeis y nun esi que está encasillau en ó mismu sempri. Nun intentis marcar pautas en o foru, pa isu está ó aministraol.
Esti escritu últimu e mais humanu, mais humildi. Tu recoñocis teis erroris y ei te recoñozu os meis. Así se poi debatil o que sea.
¿imaginación pa poñel seudónimus?,!nun me fastidiis!.Nun poñu o nomi
purque nun o consideru importanti,nun tendría inconvenienti en dalo si alquen me o pií, comu tampocu me asustaría a tua voz de "truenu" ni ó de "zapatum", entoncis si daría a cara.
Esperu que aquí acabi a polémica.
Gracías y bos dias.

(".....) Nun intentis marcar pautas"

Pero que didis...¿que intentu marcar PAUTAS? ¿pur que nun o
fundamentas?

"O bo artista e o que ten a capaciai pa represental varius papeis" -afirmas.
querras idil o bo actor ¿non? pos tu ya con tantus personajis y en tan poicu tempu superas a MARLON BRANDO.

"Mal estaria que hubera 6 do foru utilizandu 20 seudónimus, ¡isu e enganal." (Chitu)
Siguindo a opinion de Chitu tu nos estas enganandu a toos, asi que ya dudu que teñas pichorra.

"Ei recoñozu os meis erroris--" -didis-

Ah si!, ¿cualis? a que erroris te refieris? a o tei respetuoso afan de ser actor, de aparecer con distintus seudónimus...
nun creu que isu sea un error, tu fais uso da tua libertai de expresion.
¿A que erroris te refieris? si tu nun os cometis.

Perdoa por a pregunta:
¿POr dondi cai a tua viña "anonimu seudonimu cortesia ANONIMU/SEUDONIMU(....................................................................................................................................................................................................................
os puntus suspensivus son pa que te vayas entrenandu con os sucesivus seudónimus con que pensas firmar os teis mensajis.

A o final esperu que nun te expresis cumu "un amigu"
(¿te soa esti seudónimu?)
que me dixu:
"eris mais pesau que unha vaca"

Bos dias.
Chenchu

Artista: Persoa que actua anti ó públicu en espectáculus, musical,teatral ó cinematograficu.(entre otras acepciós)
Actor: Persoa que repressenta en teatrus,cinis ó televisió,(entre otras acepciones).
Idil que se usan mais de un sedónimu y que, que e enganal y que así nun hay foru de caliai, etc. etc. e querel marcal pautas.
Nun intentu enganal a naidi, dependi de o debati asi poñu o seudonimu y por supuestu nun teñu os seis que a mi tecan, según tú.Ademais e lebertai miña felo así.
Erroris: Idias que nun cabian en un escenariu dodi persoxis, agó didis que si.
Chamali a D. Angil de Don y nun poñeli a Máximu Ilmo Sr.¿que confianzas son esas?
Pos, gracias por a informació, foi un errol lamentabli.
Ei nun he ditu ni que teña viñas ni pichorra, si a teñu o nun a ti nun te importa.
Seguiré poñendu os seudónimus que me de a gana.
Está ben asi, pos ala... si ques siguimus.
Ah, si tu me equiparas a Malun Brandu, tú puias sel Dani de Vitu.
Bos dias.