San Martín de Trevejo - Caceres

O Milanu' nunca ha su un asiduu `escritor` o participanti en esto foru.
Sin embargu, O Milanu sempris ha siu un lector de o foru, porque le trai bos recordus de suaa infancia. Creu que alguien diju un día que eramus teloneirus (detrás do telón).
O Milanu observa desde sua atalaya que o foru estas algu dequeidu, pueda sel por os caloris de o veran, o por cualquel otra circunstancia. Quizá sea dibiu a que inda nun se a vindimau.
Se edita de menus, nun puia del de otra forma, a dois puntais de esti foru, que forman en sei día, y que nun estan con nos: a Cancheira con os versus y rimas, con que nos deleitaba, y a Nachitu (quiriu Nachu), sempris ecuanimi, documentau y eficienti. Descansin en pá.
Pero O Milán tamen edita de menús a otros mutus que, fai tempu, participaron de esti foru y que me costa que, aunque nun se les ve por aqui, siguen entrandu.
Poñamus ejemplus:
O PARRAL, con un verbu facil, que nos regalaba con os seis escritus. É un autenticu dramaturgu y escritor. ¿que foi de el?
A M/E, que pareci que en Francia le hubieran puestu un candau en a boca ( en esti casi en o teclau). Sempris foi una aligria leel suas participacios. ¿ondi anda?
A Bayle, que sempris tiña palabras claras y un tantu polémicas, pero que eran muy necesarias. ¿que le pasa?
Mais faltas:
J.L. que dexjo de escribil, de mandal afotus y palabras a o diccionariu. Sua aportacion sempris era estimáa. ¿está xubilau de tó?
A Brodas, que con otrus versus, recordandu vellus tempus,nos refrescaba a memoria. ¿o abandonorin as musas?
A INDANUNSE, que ya nun manda retratus, que se la dan muí bien. O mismu didi O Milanu de SALGUEIRAL. ¿se les ha rotu a cámara? Y as afotus de MyE, tamen se eitan en falta.
A CHALRRIEIRA, o pequenu de tu Roman o d o pan. Un homi de excelenti memoria que nos era de muta utiliai por as vivencias que recorda. ¿se le ha diu a piqui o barcu?
O SALTU, FONTINOVA, MACAMA,CHENCHU, CHITU, XÁLIMA, O CERRUMICLI, y otrus mutus, que o Milanu nun nombra (ia vai tendu anus o Milanu), solu aparecin de forma ocasional o eventual.
O Milanu aproveita pa poel piil disculpas si algún se sinti ufindiu o quizá ulviau (insistu en que O Milanu ya ten certa edai).
Tamen nota o Milanu a falta de Chafurdon, que nos daba noticias y puñia algún versu. ¿E que ten mutu ganau esti anu y nun le da tempu a escribil algu?
Boas tardis, y que teñais muta soidi.
De corazón
O MILANU

Ten radón Milanu, que fala sempris en terceira persona y e un paixarracu de cuau ( o digu en terminus de afectu y admiración y por a sagaciai que ten en seis escritus), con a denuncia que fai de a activia do foru. Estamus tos dequeidus respectu ds comparecencias aquí y si siguimus asi acabaremus con esta tertulia que tiña tantu de nostalgia como de información y meyu de contactu amen de mantimentu da fala o cual siria unha pena. Asi que, amigu Milanu, nun de acusis de mayol y sigui incitándunus a participal, nun creu que se molesti naidi con o que didis, respectu a algunha omisión. Por miña parti, prometu siguil lendu as nuticias que se dan aqui y fel os comentarius que entenda oportunus y constructivus y, tamen, si se merecin, os reprochis que en términus de cortesía haya que fel. Por ago me dispiu, con un fortu abrazu y un deseu de soidi pa tos y pa a fala. Chitu.

O Milanu volando desdi os ceus nos da una leccion,o foru esta un poicu durmiu.O Milanu nos da un picotadu a os furistas,estamus un poicu vagus vamus a poñeli remeyu,ni festa do foru,ni na de na.Recorda a nosu intrañble Nachitu,e verdai,ya nos emus voltu muy comudus,temus que estal esperandu a que alguin se morra pa despertar esa solidaria que temus,veña volvamus a poñel quenti o foru,o lugal nos eita de menus,ya nun criticamus na,con o que nus gusta.
Forti abrazu

O otru dia,me didi un compañeiru,"que estas escribiendo",le preguntu porque,y me didi"es que pones,"o funcionariu que se vai",ya me a pasau otras vedis,as coisas da sangri que nun se poin ulvial,sirva comu comentariu.
Forti abrazu

Tes toa radon milanu, esti foru cuando se inauguró tos participábamos y era comu unha comunicacion entre tos os mañegus y agora solu ha queau pa dal mas nuticias y poicu mais, a malluria das persoas se han pasau a o facebook, pero comu idia mey hermanu Nachu que en paz descansi,o foru he mais nosu, eh unha forma mais de estar en o lugar sin vivir en el.Soidi a fala y animeibus tos a participar mais,

O Milanu ten toa a radó do mundu. Desdi sua atalaia a feitu un-a fotu perfecta, ven e verdai que se ulvía de Viriatu, Camiñu. Alfena, y otrus mais que si continuasin esti foru sería o mais concurríu i vistu da pruvincia por o menus.
Aparti do que didi Batuecas, que muta yenti sa díu a otras redis, aquí o motivu creu que e otru. O tema principal de toas as tertulias e a corrupció do sistema.Claru, ¿que pasa? que aquí nun se poi critical na; temus poicu paru, defici 0. O sea, boa gestió. Honrosa excepció.
Do tema nacional nun nos atrevenus porque tos están "pringaus" (os puliticus) y ya naidi pon a man en fogu por naidi. Peru creu que estamus aquivocaus i temus que mandal a fel punhetas a "partitocracia" do color que sean.
Ya se ma quentau a boca y voy daxalo..... que queru leel otras opiniós.
Forti abrazu.