San Martín de Trevejo - Caceres

Chegará un futuru nun muy tadi en o que mutas de as nosas reivindicaciós se cunvirtirán en dereitus. Por ejemplu: que a explotación d´a xenti que chega a una pais pa traballal, nun se realizará en lugaris públicus, por persoas estimás por a sociei, Esti negociu sólu se fairá en os pulígunus industriais dondi será pruhibia a entrá dos pequenus.
As palidias a dagais indefendus pa logu grabalos en os móvilis y divirtirsi, serán prohibias, sólu poirán grabal as palidias si se eitan por certus programas de televisión previu pago de millonás a os que van a contal estas historias.
Os soldaus que les toqui dil a esas guerras inútilis y sean capturaus nun serán ejecutaus as vinticuatru horas de ser agarraus, serán insinaus por tos os canais do mundu comu le ponin un cutelu en o cuellu y comu choran pindu axua por o crimin de habel ubidiciu a seis mandus.
Os mandamais das grandis potencias chegarán a firma de un conveniu por o que se abandonan a carreira de as armas atómicas, en to casu sólu firmarán por esas guerras en que se utilicin armas bacteriológicas y que encima se fayan en lugaris muy lonxis dos firmantis.
Hay que reforzal as alambrás pa que nun poyan pasal os emigrantis que venin en busca de traballu y nun hay que invirtir ni un euru en esis paisis pa que nun veñan o que hay que fel é matalos de miseria mentras estamus esperandu as duas pagas de naviai pa gañal unus cuantus kilitus y vemus en o telediariu comu flotan os corpus de os que morril afogaus en esas pateras que encima en vé aproveital mais o espaciu venin de pé porque querin,... si se apretaran un poicu mais...inda entrarian dos o tres mais. Deixal a os dagais que se drogan y a emprendin a puñalás con otrus en os finis de samana porque nun poin entral a carcil sin o permisus de seis pairis, nun vaya a sel que se traumaticin pa toa sua via.
As casas se fairan únicamenti pa gañal iñeiru os constructoris y pa os que tenin iñeiru pa compralas, mira os que nun teñan y queiran una, que vendan os seis milloris anus de a sua via y os de a sua parella y si logu a mitai nun poin con a hipoteca pos que veña o bancu y se la embargui.
Seguru que vendu y uivindu desde agora p´ayantri hasta que sean as elecciós a ca un de tos se nos vai a ocrril mutas mais "reivindicaciós" en un mundu desquiciau en o que hasta os gubernus, a os que respetamus, pertenecin a "partius" (visión parcial de la vida) nun a "enteirus" (visión total sin partidismos).
Perdoei que oixi esté un "poicu" soñaol.
Soidi a fala.
PD: o mismu nun se me ha intindiu, o sintu.

Poro menus ei o he entendiu.A istu faia referencua agó unos dias, cuandu idia que câ dia a explotacio é mais laceranti.
Soidi a Fala

Lo idioma de reflexión de un mañegu esta fue escrito en mañegu?

Muchas gracias.

gilmars91@gmail.com