San Martín de Trevejo - Caceres

Primu Chalrrieira:A Procesión de abendición de os Campus se celebra comu sempris en as hortas subindu a costa de San Lazaru,y se fai precisamenti o Dumingu de Ladaru,que cai precisamenti sempris o Dumingu antes de Ramus,por que en San Martin habia un refran que mutas vedis lo oivi a noso abuelu, que idia "" Domingu de Ladaru,dumingu de Ramus, y en Pascuas estamus"".Se fai sempris por atardi mais o menus as cincu de a tardi.En cuantu as tinneblas, fai mutus anus que ya nun se fain,por odemais siguin has costumbris de Sempris, en cuantu as chalrrieras y Matracas, ya nun se usan, pues ya nun hay dagalitus que toquin,sain a o Llanu iglesia con una matraca y ya se sabi que ban a empezar a misa o via criucis que haya anunciau pa esa hora, se pon taen antra de a Iglesi horario de actus y ppor isu n os rigimus tos.En cuantu as procesios de Semana Santa se fain comu sempris,O Jovis Santu os encontrus y o verni o Santu enterro, comu se ha feitu sempris. Ya te idia ayer que tes que darti una pasa por San Martin pa que te informemus de mutas coisas que se han suprimiu y otras que se fain igual.A Procesión de a Cru o dia de os emigrantis se fai por a mañan y ofertoriu actu siguiu en esplana de armita seofreci , por atardi he o dia de a Cru que se leva a Cru y actu siguiu se ofreci, me refieru a o Tres de Mayu.Si te agun a duda mais ya sabis pregunta que te daremus cuanta información sea necesaria a ti y a tos os amigus de oForu,pa isu estamus aqui en San Martin, dondi se vivi comodamenti.
Na mais,un saludu y un abrazu pa vosotrus y tamen pa tos os de o Foru, y comu sempris Aupa a FALA. O Saltu

Boos dias Foristas, Mañegas y Mañegus:
Primu O Saltu: Gracias a amplia información que me das. Ei vendu os "retratus", sé que se celebran as procesiós de a Semana Santa, así cumu a da Crú Bindita y a Crú de a "Relva". Num sé si se fai procesión o Dumingu de Ramus, con os Ramus; pues ei creu recordal, que o últimu que cuñucí, foi que había a entrá en o lugal pol a calli dondi vivian teis pairis (q.e.d) y se iniciaba en o Nazarenu.
Num sabía ei esi refrán de nosu "Aguelu Patricio", que en Gloria esté: "Dumingu de Ládaru y Dumingu de Ramus, y en Pascuas estamus". Fíjati por dondi me dás unha boa nuticia.
Antiayer y ayer, me ha ´feitu esti ordenaol unha maa yugá. Había quiriu poñel un novu mensaje pindu a os "retrateirus": Indanunse, Salgeiral, Anaf, Foto Anónima, etc. que fideran unhos retratos de o interior de a Igleisia de o Conventu y me o a rechazau. Esta mañan e iniciu de novu, a ver si entra en o Foru.
Soidi a Fala, Mañegas y Mañegus.
Chalrrieira.

Estimaus Sartu i Chalrrieira:
De vorta d'as vacacions veu que siguis tocandu temas interessantis.
A costa de San Ládaru leva esi nomi dibiu a qu'o final d'a costa
estaba a ermita de ditu santu, máis o menus ena primeira vorta ia
qu'a segunda se cunhucia cumu a revolta d'as bruixas.
Esta custumbri de bindidil os campus data desdi mui antiguu, subian
a costa cantandu as Letanias d'os santus en bô latin, ago en castelhanu,
peru cumu didi O Sartu, sigui sendu o dumingu de Ládaru.
Tamén enesta ermita se veneraba a San Amaru o San Mauru pâ otrus,
pareci sel qu'en principiu estuvu dedicá a esti santu, peru hoixi
nos quea o nomi de San Ládaru.
Soidi pâ tôs i larga via.

-Hola Nachitu!!.

-Qué tal te vai por Zazpi Kaleak?. ¿Siguis endulzandu a vía das perssoas?.-gran labor-.

O que mencionas sobri a costa de San Ládaru i a sua ermita ,é totalmenti descunhucíu pa mí. ¿Dondi te fais con tan boa i tanta información?. A verdais,nunca he vistu indicius d’edificación algun-ha, eno lugar que mencionas,-peru ten sua lógica-.

Ei,nun creu que talis processiós,se levaran a términu cono solu propóxitu de vindidil os campus. Pa issu, nun feia falta subil tan arriba; bastaba con dil o Forti i eital as vindiciós d’esdalí. Pues pensu, qu’enas fechas que tinhan lugar estis acunticimentus,o barriu do Forti nun existía. Así,que do pilón pa baissu, suponhu que to era campu –solu son suposiciós minhas- ; comu poeis observal, na, ten que vel as edificaciós do Forti, conas do cascu históricu do Lugal.

A minha hipótesis é a siguienti: pensu que tal ermita,ben ha puíu sel un "Lazaretu" (refúgiu das perssoas con enfermeais contagioxas) . Por esta radón, estas edificaciós sempris estaban fora do núcliu urbanu. San Ládaru (o de Betania) é o patrón dos leproxus, San Amaru, religioxu i penitenti francés, habilita unha velha ermita, en hospital pa leproxus (en Burgus).

Nachitu: istu, tan solu son suposiciós minhas; poi mui ben sel qu’esté equivocau, i sea comu tú didis. A mí,me pareci que istu é máis coherenti i que por esti mutivu, o topónimu d’esta zona do Lugal,sea San Ládaru. En ressumin,creu qu’estas antiguas processiós, tinhan otra finaliai distinta as d’agora .

Forti abrazu

FONTI NOVA

-Perdón!. Bindidil,é con "B",nun con "V" comu he postu.

Boas noitis a tôs.
Pur invitación de Fonti Nova vamus a falal d'a historia d'as ermitas do
nossu Lugal, son um'as cuantas.
En primel lugal falare sobri a de San Ládaru, num esta descaminhau
Fonti Nova sobri o ladaretu, ten sintiu.
Se subia a ermita pâ conmemoral o dia de San Ládaru, se entraba en ela
i despois de fel a conmemoración do santu se cantaba un responsu a un difuntu enterrau alí q'habia mortu da pesti, feitu istu se seia fora
da ermita i xuntu a crú de peira se pia poro nacimentu dos frutus,
tame se feia un cunxuru pa libralsi dos enimigus i de animais danhinus
i perxudiciais, esti poera sel o mutivu de subil.
Estamus falandu do mis seidentus cuandu habia mutas supersticións i os enimigus eran os purtuguessis, esta tradición viha de mutu máis atras.
A ermita de San Amaru pereci sel q'estaba poro paraixi de San Mauru,
enesta ermita estaba tamén San Gregoriu.
A ermita de San Lorenzu a de San Xiuán i a de San Peiru, esta última
inda hoixi está i se feian enterramentus ao lau, tôs vos acordareis do
cementeriu velhu, a de San Xiuán estaba a seida do Lugal pâ Cachina,
num se sabi dondi poera estal a de San Lorenzu, solu se fala da rumiria.
Falandu de rumirias tamén se subia a ermita de Santa Crara eno artu do
portu, a de San Blas eno artu de Xiálima, a de Nossa Senhora de Torriamata, esta poera estal dondi se conhoci poro paraixi de Santa Ana,
antigua citánia o castru celta, en toas se feian misas i procesions pâ
conmemoral os santus correspondientis.
Se feian tamén procesions ao conventu en duas fechas, o vintinovi de
Setembri dia de San Miguel io cuatru d'Octubri dia de San Fradiscu, os
dois eran Patrons do conventu, asi que cumu se chama agó San Miguel
sendu fradiscanus os moraoris i fundaoris do mismu ? estis pirtinician a
pruvincia fradiscana de San Miguel Arcángil i antipunhian esti ao de sei fundaol, peru isu num quel idel q'o conventu tuvera nomi.
Nus farta a nossa igreixia, ricunstruia dispois da distrucción pur parti dos purtuguessis eno 1.642, alí estaba a ermita de Santa Maria da
Cima Villa, sobri ela se fidu a igreixia actual, poro 1.653 finalizorin as obras, denantis enesta ermita i eno lhanu da misma tamén se feian
enterramentus, dispois se pasori a e San Peiru.
Tô istu ha siu sacau pur historiaoris da casa dos Oxestus, cuanta historia guardan esas paredis, otru dia falarems distu.
Soidi Pâ tôs i pâ fala.

Nachitu:

Comu s’acustumbra a idil: "o que nún se transmiti,i o que nún se dá ,se perdi".Aquí,compartu o puntu de vista de Chalrrieira, si existin documentus que poyan dal testimoniu da historia do Lugal; estis, dibirían estal, alí dondi cualquel ciudadanu poera librimenti consultal. Pues,si estis están en mas privás,habrá poicas posibiliais d’accedel a elis.

He intentau buscal por tos laus,librus que tratin sobri a historia do Lugal. He buceau en interné,o habíu i por habel, he vixitau en Mairil varias librerías, consultas a archivus históricus, he pateau as ferias do libru : a d’esti anu eno Parqui do Retiru,comu a de otrus anus eno Paseu de Recoletus; i ¡¡na de na!!. Os grabaus en peira qu’hai por to Lugal,dan testimoniu dun passau históricu importanti,- así comu as caxas solariegas-,peru na sé,por documentus escritus. A mí me gusta a historia,i mutu máis cuandu se trata da do Lugal. Por tal mutivu, t’invitu a qu’aportis o foru, os cunhucimentus que tenhas sobri a historia do nossu valhi; -coixa me consta,que fairás d’agradu-.

Forti abrazu, a tí i a Bego

FONTI NOVA

Desde logu Nachitu, o que tes escundiu y nos soltas de ve en cuandu nun ten preciu. Acabu de entral en o Foru por que he estau muy atareau esti fin de semana y nun me he queau helau por que aqui inda las oitu da tardi fai 34º. ¡Que información mais interesanti ! Te invitu ei tamén como Fontinova, y creu que tos os integrantis do foru fairan o mismu, a que nos contis mais coisas por que, de verdai, nunca habia vistu publicau os datus que nos contas aunque algu hubera uiviu pero de pasá. Gracis NACHITU Soidi a Fala. Chitu

Estimau amigu Chitu:
Ya contu en o apartau de "Crisis, que nun hay de poetas en o nosu lugal y que o fin de semana anteriol estuvi de viayi y me acordí de ti pol un recordu de fai mutus anus, cuandu os dois éramus yóvinis.
Díbamus paseandu pol o ponti de San Peiru y dibas cantandu "Mande Mande". Pues resulta que 45 anus (mais o menus) dispois, volví a uivil esta canción y recordí aquel momentu.
Nun sé si será unha canción que te haya gustau mutu, pero ela entre tantas tamen me gusta y en o viayi te resulta gratificanti volvel a recordal bellus tempus. ¿Te acordas tú?.
Bueno agüelu, que se cumplan sempris teis deseus. Recordus a tua mullel.
Soidi a Fala, Mañegas y Mañegus.
Chalrrieira.

¡ Que boa memoria tes ! Ei nun me acordu do instanti, pero si da canción, creu que se titula monde mondey ( nun se Ingles) y era de ABBA y me sigui gustandu. Un agradeci cuandu alguin se acorda de él, isu e por o se guarda un bo recordu o un mau, en esti casi esperu que bo, nun hay duda. ¿Te acordas ? Meis amigus "Os Gaonas " y ei eramus muy cantaris, y guitarra en man, lo enchiamus unha taberna. ¡ Tempus aquelis! Desde a nostalgia, un abrazu .Chitu

Corriju, eran The Mamas and the Papas.Que ya nun me acordaba. Soidi a Fala y Un saluu.Chitu

Boos dias Foristas, Mañegas y Mañegus.
Estimau amigu Chitu: Ay coisas que se te quean grabás en a memoria y nun se borran y una de elas contigu, era ésta de cantar "Mande Mandey", que efectivamenti, era de o grupu "The Mamas and the Papas", porque o grupu "Abba", é dos anus 1980, con "Chiquitita" y otras canciós muy melodiosas.
Tamen me acordo de que un anu teis pairis, foran Mayordomos de a Crú Bindita y meis pairis foran o anu siguienti(q.d.tos en paz).
Bueno un salú.
Soidi a Fala, Mañegus y Mañegas.
Chalrrieira.