Zarza la Mayor - Caceres

En octubre de 1925, Fernando Alvarez Guerra, recuerda a Gabriel y Galán publicando en la prensa de la época esta poesía:
DIA DE BODA
No jaci la novia
más que dal gueltas
buscando alfileris que no jacin falta;
u diendu al espeju pa vel su fachenda,
que esta lo mesmito
que las rosas mesmas.
La moza, suspira, la madri, berrea
jadiendu pucherus, comu una creatura
que pide la teta;
y sali diez vecis a por una cosa
y guelvi sin ella;
a juelza de abrazus, ajoga a su hija;
la cogi, la suelta,
le arruga el vestidu tan maju que tiene,
y tanto la besa,
que esta la mi probe
de sobus, maleta.
Aluego- pa dales
unas pocas juelzas-
allegan amigas jaciendu arrumacus
y llorandu toas comu Madalenas,
y guelvin los besos,
y otras menuencias...
-¡Ya no tienis hija!...
-¿Te queas sin ella1...
-¡Tan joven, tan linda,
tan maja, tan guena!...
¡Cualisquiera jace creel a su madri
que es grandi la fiesta,
y que la muchacha cuenta los menutos
que agora le faltan pa dil a la iglesia!...
¡Creera la muy probe
que en lugal de casal a su hija, la entierran!
RUFINO