Valverde del Fresno - Cáceres

!! Comu me gusta esta fotu !!.. Me recorda a meis anus de zagalitu. Por supuestu que inda non estaba feitu u hotel, na paré da horta dus Frade nos sentábamus mutas tardis, frenti a u Comercio dus Pozo, pa carretera queyan de unha acacia que ali había aquilu que nos chamabamus algarrobas ( aunque non se trataran preciamente de algarrobas) y chupábamus u sei interior que estaba dulci. Curiosamenti, aqui dondi vivu, esta minhan recollhi unha de esas vainas color marron y acordándumi de aquelas otras da horta dos Frade, a abrí y chupi un poicu de ela. A Minha mulhel inda me diju: !! Anda que cualquiera que te vea!!.. Non e mau sentilsi zagalitu de vé en cuando, ¿ verdai?.
Tamén ,inda non estaban feitas as escuelas, se ve u Cebadal... Ali tinhan u sei reinu us zagais du barriu Lopez; us pequenus que viviamus nu pueblu, cuandu bajabamus a carretera y tamen cuandu subiamus de novu pa u lugal, u tínhamus que ficel correndu pa esquivar as pedras que nos chovían desdi u Cebadal.
Tampocu estaba esi monstruo que edificaran na propiedai dus Pozo.
!!Lástima de desaguisau!!.
Cochis ninhun, pero si unha yunta tirandu de un carru...Aquelis carrus que na época da aceituna bajaban por a carretera de Portugal,como por aquel tempu chovia mais que agora y a carretera Internacional inda era de terra, fician uins surcus de mutu cudau..
.. Y falandu da a carretera de Portugal, comu non reconhocel a esi galan de a dereita, unha das pessoas mais educás y boas que é tiu u gustu de cunhocel.