Valverde del Fresno - Cáceres

bueno putigas, he estau vendu as fotus que tu has colgau , dicerti que ei desde logu non cuñozu a naidi,jjjejeje na extrañu por otra parti ya que tos esta pesoas seguru que ei ni ehe chegau a cuñucelas, aun a si me encanta ver as fotus y saber de sua historia, poi ser que algun nomi me soi de uiver falar a mieis padris de elis...pero ei ya estoy muy descancta de as familias du lugar y non relacionu a mutas. un saludu

por certu putigas, pudera ser algun de estis homis fora de miña familia,ya que recordu haber uiviu a meis padris falar de u tio juliu y u tiu literiu,pero bueno comu en u lugar tos eran u tiu o a tia...pues poi ser que non sean, mei padri si que debia de ser bastanti juerguista,supoñu que comu tos us hermanus,que comu tú tamen sabras eran un-a porra de elis...,en total 10.bueno dicieti que sigas contandu historias de a genti du lugar, a mi me encanta leelas y tamen recordar a algun-a, que de esas pesoas tubi a sorti de cuñucer a mutas, comu u tiu ciriacu que esi sí se que era tiu de mei padri y muta genti mais que ei agora non recordu ,un saludu

Crei que había felicitau a Putigas pur trel a u Foru as fotus de dois personajis valerdeirus que superan puñel un-a nota de color en toas as festa, peru esi mensaji a que me referu nun u encontru por ñinhun lau, asi que aproveitu de novu pa felicitalu. Comu digu, aunqui ei era bastanti pequenu, estis dois valverdeirus alegraban as festas con as suas ocurrencias. Si non recordu mal u tiu Juliu era da familia dus " Zaragatas" y vivia por u barriu da Encina. U tiu Luteriu era ferreiru da familia dus Pereiras , dondi había varius que se dedicaran a u mismu oficiu. Tinha a fragua a u comenzu da costa. Otru dus seis amigus era u tiu Cresencianu, u hojalateiru. Us otrus Pereiras, ferreirus tinhan a fragua na calli da botica antigua, frenti a u comerciu de Siñu; un era Manuel y u otru ya nun se si era Florenciu, comu un dus seis fillus. Nesta fraguas me puseran a mi mais de un picu de estrela pa minha peona. Naquel tempu, as peonas dus comercius non tinhan muta aceptación, us zagais acudíamus a u silleiru que vivia na calli Aduanas y nos fabricaba un-a a pèona de encina, depois ibamus a fragua y ali le punhíamus u picu que chamábamus de estrela. Con aquela madeira y aquel pìcu , pobri da peona de comerciu sobre a que tirabamus a nosa con toa forza, as abriamus logu por a mitai.Ficiamus un circulu sobri a terra, na Crú dus caidus, y u que perdía tinha que punhel a sua dentru de esi circulu, us otrus zagais tiraban a sua contra ella y comu digu , u picu de estrela ficía estragus.
Us Ferreiras tuveran un-a larga estirpi dondi a maioría dus seis membrus siguiran u oficiu dus maioris.
A calli dondi, comu digu, estaban as duas fraguas, un-a por cima da otra, hubu un tempu que tinha muta movimentu; dondi agora esta a Caixa de Extremadura estaba a taberna du " Peseta", y casi enfrenti, dondi agora un-a das fillas ten un comerciu de comestiblis estaba a taberna du " Venenu". Emtri a butica , as fraguas y as duas tabernas, comu se poi supunhel a esta calli nun le faltaba animación.
Us que podaan estal estis dias de San Blas en u lugal que disfrutin das festas, us que non estamus nos contentaremus , un-a vé que pasin, con vel as fotus y us vídeus que se faian y se colguin en esti Foru o en cualquer otru.
Soidi pa tos y Viva San Blás...( con a gorra pa trás, jejeje.)

Primeiru queru filicital a Putigas pur esas fotus tan entranhablis que
nos subiu au foru, um'a maravilha.
Tamén u seudónimu que escojestis ten miga, us manhegus dicemus qu'estrujastis us miolus.
Salgueiral, que recordus as pionas cum picu de fragua que diciamus,
agora as chaman cum punta de bulígrafu, na Rioja son mais brutus i
dicin de punta asesina.
Na que vel as feitas puru silheiru cum'as da tenda, esta venin agora
de China pa 1 euru de costu na tenda i num se vendin purque us zagais
ni sabin ni tenin paciencia p'aprendel a tirala, compran esas cum
licencia que tenin um'a correa dentá mais fácil de tiralas.
Tamén m'acordu d'esas fraguas que nombras, pareci qu'as estoi vendu.
De San Blas num tenhu recordus, pos lá en Sâ Martin num era festa, si
en Valverdi, nas Elhas i en Cileirus, os cilheranus rivalizaban mutu
cum'os de Vilamel i cantaban..si San Blas pudiera subir la cuesta a
San Pedro Celestino le cortaria la cabeza.
Que paseis boa festa os qu'esteis lá esi dia, que haia cabalherus que
sepan paseal a cabalu as mozas d'esti foru que ben so merecin, por
serragatinas i guapas.
¡ Viva San Blas !

gracias putiga as fotus son preciosa isu eran as festa esta de agoran son descafeinas me acordu ey q tos u segundu dia de san blas a buscar quen nus dejara un burru me acordu q mei tio segundu mu dejaba que panza por amiñan carretera plaza as corti to u luga u recorria mus saludo angeles

jajaja, ludo tu puedes poner alguna foto de cuando corrias san blas,yo se que las tienes NACHITU un saludo a ver cuando tomamos un cafe.y a salgural,gracias por esas aclaraciones,decirte que el tio julio, que yo casi no conoci era tio de mi padre por lo que tu has dicho ya que yo llevo sangre ZARAGATA,de los de mas también me suena haber oído habla de ellos,y casi seguro que también les llegue a conocer...un saludo para todos

ya pero no se como pasarla del fecabook al foro ya la pondre besitos bombon saludos para todos angeles

Txoni, ia se te eitaba de menus, has estau toa estudiosa leendu esi
libru que te diji, ia me contaras si te ha gustau.
Cualquel dia te chamu pa tomal esi café, si entras nu foru de Sâ Martin
mira as fotus d'a festa du foru, sei tô mui ben.
Carrunchela inda chegu a us postris i algun recordu se levó.
M'hubera gustau vel algén du foru valverdeiru nesta festa, invitaus
estábais, peru num pasa ná, otra ve será.
Um saluu pa tôs i viva San Blas.

Yó si me acuerdo del tío Eleuterio el herrero,cuando tenía la fragua por bajo de la iglesia, como yá se ha dicho, yó lo recuerdo ya muy mayor, poco antes de que los hijos se llevaran el taller por bajo del cine de Paramio, junto a este, que pusieron taller de mecánica y uno de ellos un taxi, del que no recuerdo es del tío Julio, aunque me suena un montón, pero no caigo ahora en quien era.
Referente a lo que decis de los picos de las peonas que hacían los silleros, que por cierto eran dos hermanos y vivian en la calle aduana,entre otros, bueno y una hermana, que me paree que es la única que vive en el pueblo, pues os diré que los picos los ponían de dos clases, unos eran los normales, que eran muy buenos y otros eran los de "ALAS", que eran los mejores, ya que las alas hacían que el pico no se hundiera para dentro. Boas noitis y soidi pa t@s.

Non te acordas du tiu Juliu, Valverdeiru??.. Cuandu era algu velhu inda chegó a vendel golosinas na plaza us dumingus..Si miras un-a das fotus de Putigas, esa en a que apareci un-a cara sobri un traji de toreiru, pos, salvu que Putigas me corrija , esa cara perteneci a u tiu Juliu.
Boas noitis.

Si Salgueral, ei creu que u da fotu du toreiru e u Tiu Juliu, ei u recordu muy vagamenti vendendu golosinas na plaza, ya que ei era muy pequenu. Pero casualmeti, ten un fillu que tamen se chama Juliu y que por coisas da vida a acabau sendu da miña familia, de cara é clavau a él.

Por certu Salgueral, sempris leu us teis escritus con entusiasmu, sigui así.Un saludu.

Gracias Pincha, muy amabli. Tamen tu aportas coisas interesantis a u foru y na tua Pagina personal.
Soidi

Ei me acordu du tiu Julio u du carrito en a plaza,
tos us dumingus despois de sel de misa habia que dil a dal una volta a ver a u tiu juliu,

un filli de el esta casau con miña prima y se pareci mutu a el
si recordu q us domingus compramus a golusina y q boas estaban .
Salgueral me gusta mutu u q nos contas
saludus para tos angeles

Recuerdo algo del carrito en la plaza, pero no caigo en como era él.
Salgueral, tambien me uno a los foreros y te felicito por tus aportacioes, al igual que a pincha. y todos, ¿salgueral, tu nombre de guerra no tengrá que ver con una finca que había, supongo que habrá , me parece que era por el camino que vá para el río Valverde?, había edificaciones a ambos lados del camino, créo que era así, si no me hé perdido. Boas noitis y soidi pa t@s.