Valverde del Fresno - Caceres

Adiel foi a última opurtunidai para qu´a nossa fala fora recunhucia oficialmenti. O senado votaba o estatutu de Estremaura com as enmendas do BNG com o apoiu de CIU, as enmendas que piam a Estremaura que reconhocera a nosa fala i a o portugues cumu lenguas oficias nas suas zonas foi finalmenti descartá. O diá 21 foi o parlamentu de Espanha quem voto pora oficialiai da nossa lengua, em istu recibimus creu que 32 votus a favol i mais de 300 em contra.

Num les importam as culturas minoritas, incumplindu as directivas europeas.

Vos recomendu que leais as intervenciós do parlamentu i do senau, toas cheas de mintiras por parti dos estremenhus. Sintu pena i vergonza.
Hoisxi e um día mui tristi para mi, he chorau de rabia. Num som quem para negalnus o nossu.

A partil de agora num me reconhozu como estremenhu, renegu.

Fora Estremadura du Val de Xálima.

Xálima linda

Si, é trisi , Xalimalinda, comprobal u " apreciu" que tenin alguns por un-a riqueza tan grandi comu é a "Nosa Fala". Son us mismus que non miran por ela por que pensan que de ficelu sería dal razons a us nacionalistas du BNG. NOn creu que oficializar a Fala sería reconhocel que é u mismu galego que se fala en Galicia. Certu que hai movimentus en tal senttíu por parti de alguns lingüistas y políticus galegus, pero son mais aquelis que pensan que us origens se encontran en un primitivu galaico-portugués que mais tardi derivó en un galego y u portugués actuais, inclusu , us primeirus, tamém matizan as suas opinions respectu a idea de que a Fala é lengua galega.
Tamén me da tristeza ver reflejás as opinions de alguns en comentarius quen facin nu periódicu que comenta a noticia. Desconhocin por completu a Fala y non tenin ni idea du que pensamus us que nacimus en U Val de Xálima.Pero nos si sabemus u que representa esta riqueza que temus, u temus sabíu duranti siglus y por issu mismu a Fala se mantem viva. Somus pois nos us que temus que lutal por ela. Esa Asociación " Fala e Cultura" debería moversi un poicu mais y promovel too u que sea necesariu pa que a Fala chegui de um-a forma real as escuelas. As madris novas debin esforzarsi a que us seis fillus aprendan a " falal" , combatindu as influencias que entri us pequenus tenin a T.V. y us Xogus de consolas. Aquelis que por a sua preparación estan mais encima de to aquilu relacionau con a Fala, a u margin das diferencias que podan tel, ficel pinha comun y dar impulsu as ideas que favorezam a permanencia da nossa querida Fala.
!! FORZA A NOSSA FALA Y FORZA U VAL DE XALIMA""

Anexo de lenguas oficiales, cooficiales y reconocidas actualmente en España.

Español Lengua oficial.
Aragón: aragonés, catalán (lenguas minoritarias reconocidas)
Cataluña: catalán (lengua cooficial)
Valle de Arán: aranés (variante local del la lengua occitana) (lengua cooficial junto al castellano y al catalán).
Comunidad Valenciana: valenciano (lengua cooficial)
Galicia: gallego (lengua cooficial)
Islas Baleares: catalán (lengua cooficial)
País Vasco: Euskera (lengua cooficial)
Navarra: Euskera (lengua cooficial)
Principado de Asturias: Bable o asturiano (asturleonés) (asturiano occidental, central y oriental)
Provincias de León, Zamora: Leonés (asturleonés) (Dialectos del la variedad occidental del asturleonés: berciano-sanabrés, cepedeano-maragato, ribereño-alistano, montañés y arribeño-sayagués).
Cantabria: Montañes o cántabro
Extremadura (principalmente norte de la provincia de Cáceres):
Extremeño (o altoextremeño)
Provincia de Cáceres: Fala (Fala extremeña, de filiación gallego-portuguesa con influencia asturleonesa y castellana. Hablada en tres pueblos del norte de Cáceres: San Martín de Trevejo (Sa Martín de Trebelhu), Eljas (As Elhas) y Valverde del Fresno (Valverdi du Fresnu).
Región de Murcia: Habla panocha (Región de Murcia, sur de la provincia de Albacete y comarca alicantina de la Vega Baja del Segura

_______________________________________________________________________

CONSEJERIA DE CULTURA
DECRETO 45/2001, de 20 de marzo, por el
que se declara Bien de Interés Cultural la «A
Fala».

https://oticias.juridicas.com/base_datos/CCAA/ex-d45-2001.html

Esto es lo que hay,

Saludos.

A Fala o que nicisita e filólugus i num pulíticus, desgraciamenti pa
reconhocela u oficializala e necesariu d'a intervención d'estis personajis, e um'a lástima qu'asina tenha que sel.
Cuandu se mezcla um dialectu cum'a pulítica, mau, e cumu cuandu se quel
mezclal o futbul i otras coissas, churras i merinas num sun u mismu.
Qu'os galegus queran arrimal as brasas a suas sardinhas, mau, peru inda
e piol qu'os extremenhus pol esti feitu retirin sei apoiu a Fala, e tristi, cumu tristi e vel us comentarius que facin algum'os no periódicu
sobri esti tema, a inorancia e a madri d'a incultura.
Num escutan as recomendacions de Bruselas, peru ni en istu ni en otras
mutas coissas, pareci que Bruselas e algu asi cumu o defensol du pueblu,
que logu hai que recurril pa sacal p'aiantri u que sea.
Temus enfrenti a us espanhulistas que temin a unidai du pais i num se
que cuantas mais majadirias, us árbulis num les deixan vel u bosqui.
Particulalmenti numca me sinti extremenhu, cum tois meis respetus pa
elis, pul história lengua i mais coissas, sempris hemus siu leonessis.
Hasta eclesiasticamenti Sâ Martin pirtinicia a Ciuá Rudrigu, cuandu se
facin as divisions territoriais puliticas num se sabi que criterius
se siguin, peru esta craru que numca preguntan a u pueblu.
Asina que temus poicas papeletas a favol, lengua minoritaria i encima
solo se fala no Val de Xálima, si Bruselas nus daria um'a cantidai
indecenti de dinheiru pa protexel i fomental a Fala siria oitra coissa
en tus us sintius, aqui saldrian us puliticus a mulhal u pan na salsa,
cundu algu se podi sacal ia les disperta us sintius, xientuza e u nomi.
Soidi pa tôs i pa Fala tamén, que boa falta le faci.

Totalmenti de acordu Xalima linda. U problema que temus e que sempris se valoran mais as coishas desde fora que desde dentru. Us galegus levan anhus interesandusi por a nosa forma de falal.Pero claro, us politicus de aquí, da igual u partiu, consideran unha amenaza que teña que vil alguen de fora a recordarli a riqueza cultural que tenin olvidá. Se le pón a cara colorá y a única respuesta e reaccinal,anti u que consideran un ataqui, falandu de "imperialismu galegu"(isu diju U presidenti da Junta de Extremadura, cuandu us galegus queriseran metel en u sei estatutu a protección das linguas galegas que se falaban fora de Galiza),tuveran que vil de fora pa recordal u que aqui falamus.
A reacción da Junta foi anuncial a creación de un "Centru de interpretación da FALA" en San Martin.
Y agora istu, tantu pa nós comu pa Olivenza, ná.Pareci que están esperandu a que nus extingamus y así se acabó a polemica.
Veña un saludu y soidi y Mañegu, Lagarteiru y Chapurrau pá sempris

Muy ben estoy de acordu con tos, hasta ei boy a escribil oxi en chapurreau en apoyo a fala y que le dén a us politicus, soidi pa us mañegus, lagarteirus y valverdeirus.




Non ha seidu muy mal,¿non?.

Ei tamen m'arrimu a u chapurriau d'u Val de Xálima purqui p'amí Jálama es la madri de la fala y de la pálra.

,,

,,,,,u'nabrazu p'atós lusque defendemus lu nuestru

Em umha cumia fai anus cuandu estava o Sr.Ibarra (agora sigui na sombra, cumu os demonhus) él, féndusi o chafardeiru, disxu que a fala era umha coisxa de velhus, que num tinha cabia na socieai estremenha, i que habia que dali "tiempo al tiempo, para que los símbolos de la modernidad llegaram a todos los rincones que se aferraban al atraso", mais o menus estas foram as suas palabras, com oitrus desprecius pa nos. Umha das persoas que estaba nesa cumia se queo de peira, i así mo contó de primeira mám. Esi anu ei le mandí umha felicitacióm na nossa lengua, i cumu mo esperava num respondei.

Fai umhos quindi anus, ei personalmenti me dirigí a Unesco i a Comisióm Europea para as lenguas minoritarias, pindu ayxua para nossa lengua, (tinha feitu umhos programas informáticus para mininus, i otras coisxas pa empezal). Pinsí que num me respundiríam, peru si o fiderám, i recibí resposta de dambas instituciós, que vinham a idel que: solu puidam dal ayxuas a lenguas minoritarias oficiais i que do nossu num tinham cunhucimentu (num falavam solu de inheiru).
Poro que solu queava umha solucióm, fel que os estremenhus utilizaram umha palabra OFICIAL. Si por lei o fiderám, o cumu agora, o huberam mitiu no estatutu, se nos huberam abertu as portas de Europa.
Esta misma situacióm a tuveram o Val d´Arám i agora ehi os tendis revivindu a sua lengua, nas escuelas, com radiu, canal de televisióm, publicacios periódicas, to com ayxua de Europa.

Esta oportuniai negá por os estremenhus num poi queal así. Cumu poim sel tam mas estis pulíticus, ¿polqué essi despreciu? ¿que mau le hemus feitu?

Cumu ia disxi num me reconhozu cumu estremenhu,
a minha terra, a dos meis pairis, a dos meis guelus,
a dos meis bisguelus, a dos meis tetraguleus,... e
o VAL DE XALIMA.

Com tos os respetus pa as boas pessoas estremenhas,
Fora Estremadura do Val de Xálima!.