San Martín de Trevejo - Caceres

Borrado por su Autor.

Impresionanti o videu que nos manda FONTI NOVA.Linda música,escullius rincos aguas limpas que corrin y sobre elas esa CRU BINDITA entre nubis que nos está recordandu y abrindu portas en as alturas´
Too isu se fai purque se quel y recorda a o lugal .Gracias FONTI NOVA. Tu si que sabis.Tei amigu Gonzalu que acaba de chegal de colocal os cuadrus da CASETA de FERIA y de elis DOIS DO LUGAL.Estéis INVITAUS

Amigu Fincacha 41:

¡Gracias poros elogius! Si, a alguin debi elogialsi aquí, ési eris tú. Tú, has levau o estandarti do Lugal por terras de Al-ándalus duranti mutus anus; i o siguirás fendu hasta qu’a nosa Cru te chami.

As tuas intervenciós eno foru, son poicas –caixi sempris pa dal o péxami-. Peru, aún en isu –dondi máis-, quea de manifiestu, o que sintis poro Lugal i a sua xentí.

Nunca mulvíu d’aquelas tardis de verán duranti a sesta, que me punhías pingandu eno roiu.
Forti abrazu.

PD. Mutas gracias pora invitación!! Nun descartu a posibiliai de qu’algún anu vaia; pues, se lo tenhu prumitíu a Chitu.

Entral en o Foru, esti Sabau apacibli y luminosu de pre-feria en Sevilla y leel o que escribi Fontinova y contemplal o vidiu con o que nos obsequia, verdadeira obra de arti por esa composición tan ben estructurá y con esa música que te levanta do solu, e, sin niñunha duda, unha inyección de pa y sosiegu que me provoca un nu en a garganta por a emoción que produdi y o bo sabor de boca que deisa que te pi velo unha y otra ve. Amigu Fontinova, que ve que eitas unha de estas, por lo menus a mi, creu que a mayuria dos que entran en o Foru tamén, nos fais volvel a realiai mas que do que somus do que debemos sel.¡ Que delicia leel y vel y escutal! .Fincacha fala da Feria, pues ya está aquí, será ben vindu o que le de por aparecel en a calli da Feria, Ignacio Sanchez Megias, 100.Gracias Fontinova. Soidi pa tos y pa a fala.

Amigu Fontinova, gracias por a manifestación de a panorámica de a Cru Bindita, incrustá en o nosu Lugar, aquí vos expoñu a poesía que se lee en a entrá da ermita, mutus habrán lía, a estis pa que refresquin a memoría, y a os demais pa que a redin con Fe.:

Santíguati cuandu pasis
deyantri d,a Ermita y reda,
que si sufris en tua casa,
Cristu n,a Cru por ti pena
y ninhun sufrís en baldi,
fálali con Fe y espera.


Eugenio Gómez Almaraz (Canónigo)


Aúpa a Fala!!! Uliveira

Comu diría Jesuslín de Ubriqui, con duas palabras: ¡¡Im-presionante!!
o alma se eleva ó corazón se desboca i duas lágrimas surtin de os ollus anhorandu esi lugal binditu dondi pasamus os milloris días da nosa vía, purque nun quepa a menor duda de que esis tempus forun, a pesal de to, os que te quean grabaus a fogu. Dídi Fincacha algu da fotugrafía de Peirusin, ¿ se referi quizá as das capeas?; hai tantas i tantas otras que ei a vedis me passu horas rememorandu aquelis tempus.
Si, Fincacha, ei tamen te animu a que escribas tuas memorias, de o que as feitu dentru i fora do lugal, por o Lugal i por tos os Manhegus.
Que o paseis ben en a Fería. Chitu sabi, que en o momentu que poa me tendis ahei, i ya siría un-a godá dil con Fonti Nova, Muñu, etc.
Gracias amigus, si abru o Foru i hai algun escritu, ya nun estó solu.
Forti abrazu.

divina naturaleza,hay muta belleza y saber en esti y en tos os videos que publicas ,mutas gracias. nisia

Ignoru o qu'ha pasau ni o qu'está pasandu. O vidiu qu'acompanhaba a esti escritu "O Edén" ha queau solapau por otru que nun se correspondi.

He intentau volvel o principiu pa fel to de novu otra ve; peru cuandu intentu ponhel o vidiu que correspondi, mo rechaza i apareci otru.Así pues, he optau por quitalo.

Pos qu'habeis participau enesti Post: que sepais que é algu ajenu a mí.

Forti abrazu