San Martín de Trevejo - Caceres

Ya sabeis o ditu, hay tres Xovis en o anu que reludin mais que o sol. Pues ya chegó, relucienti y con temperatura privameral, Xovis Santu, dia grandi dondi os haya en esta terra de Maria Santisima. He custumbri, que to mundu saya por a mañán de casa, mutas mulleris con mantilla, que van de guapas exagerau y os homis, de toas as edais, vistius de traji eleganti, como pa unha boa; se pasea visiantu as Iglexias dondi están expostus os pasus que sain o han seidu ya de procesión fendu, o que aquí se chama, estación de penitencia, y aunque hay colas en algunhos sitius como Macarena, Gran Poder y otras, se entra se reda y se ve o que está expostu, to rápidamenti pa siguil a otra y acabal logu, cuandu cerran os templus as duas de tardi, saboreandu algun aperitivu,que nun nombraré pa nun dal envidia. Toa ciai e un espectáculu de xenti dindu de un lau a otru, rapidamenti pero si estorbal, aunque haya o que aqui se chama "una bulla", que consisti en que en un cruci de callis, por ejemplu, tras habel pasau unha cofradia, centus de persoas confluyin en o mismu lugar y se fain corrientis, rius de xenti que, sin empurrialsi demasiau ni molestalsi, acaban dindu dondi querin nun sin pasal algun que otru apretón; pero naidi se ofendi ni se empurría esu e asi y asi se digieri.En fin, estaria contandu mutu mais, pero teñu que dil a practical o que vos e contau sobre recorrel Igleixas.....y algu mais.Bo dia de Xovis Santu a tos, que nun faya mau en o Lugal pa que sayan os encontrus y logu que chova ali que fai falta. Soidi pa tos y pa a fala.Chitu