San Martín de Trevejo - Caceres

Mais de unhave hemus chamau, de pequenus sobre to, a alguin cuñuciu con un silviu o un Eeeeeeeuuuu, agó queru dali un silviu a Fontinova, pa que saya otra ve a palestra y nos diga algu. Respetu a tei dolor, amigu Fontinova, pero a via sigui y seguru que tes mais coisas por as que siguir pa yantri. En estis casus sempris hay alguin mais forti que os que o rodean y transmitir esa fortaleda a o mais debil sirvi, mais de unha ve, pa paliar o malestar que un poa tel y recuperalsi de o golpi recibiu. Te invitu, pues, a que con esa fortaleda que sempris has ostantau, sigas, como antis, enriquecendunus con tuas opinios y teis comentarius, que tos o agradeceremus. Un abrazu. Soidi a Fala y pa tos, un saluu de Chitu.

Boos dias foristas:
Estimau amigu Fontinova: Me unu a o mensaje de Chitu, paa que te animis un poicu y poyas superal esis fortis doloris interiores, que son muy difícilis de ulvial, pero os que queamus en esta via, temus que siguil sendu fortis y nun dequel, pues recoñozu que perdel un fillu e muy dolorosu y mutu mais en as circunstancias que estaba, pero quiriu Fontinova, con os ánimus que le poyas dal a tua mullel, os tendis que superal y nun hay mais remeyu que aceptal a Ley de Dios, que e a que nos guia a os que somus creyentes.
Ánimu Fontinova, te esperamos en esti tei Foru. Un forti abrazu.
Chalrrieira.