San Martín de Trevejo - Caceres

Tamen había que "esvarillal" as uliveiras, que consistía en quitali as varillas de as ramas y de os troncus. Había que empezal primeiru por as ramas y o últimu, quitali as varillas de o troncu, porque si empezabas pol o troncu, subian as "furnigas" y te picaban too corpu.
Tamen se "escabuchaban", os pees das uliveiras, pero esta olabol se feya en a primeira labol de "labral".
Otra labol era "estercal" as uliveiras, fendu un pozu arreol de o pee y se eitaba aei o estercu y logu se tapaba, pero istu e cuandu hay esti productu y se feya ca cuatro o seis anus.Normalmenti en o invernu.
Tamen se estercaba con as ovellas, que consistia en dulmil en o "bardu" y debasiu de estis árbulis; era o millol abonu.
Logu caa cuatru o cincu anus, había que "mondalas", e idel, quitali as ramas mais bellas y desiala as novas; ee cumu un corti de pelu en as persoas. Otru traballu tamen era "Cebalas".
Soidi a Fala, Mañegus y Mañegas.
Chalrrieira.