San Martín de Trevejo - Caceres

¡Istu hay que animalo! Que nun se diga que nun hay na de qué falal con o que está quendu. ¿Nun pasa na por lo lugal? ¿ Nun hay naidi con quen metelsi?, ditu en terminus de respetuosa crítica. ¿ Que perspectivas hay pa o verán? Seguramenti otra ve tendremus as callis cheas de cochis y ¡ O que e piol ¡ a plaza, xuntu a os macetós, que pareci que han eitau reidis en ela, tamén. Idei algu y contestei, que salvu esis retratus dos artistas, que son verdadeiramenti unha delicia pa a vista, apenas hay na novu. Soidi a Fala y pa tos y un saluu de Chitu.

Boas noitis a tôs.
Quizá sea tanta agua cumu ha queidu por toa nación que nos haia deixau
amulicius i cum reuma en'os deus pa poel escribil.
Recordandu otrus tempus cumu di Calrrieira, me ven a memoria un bar ia
ulviau pâ mutus.
Estaba en'a calhi d'a Encomenda, máis cunhuciu por bar candil, ia que caricia de lú eléctrica.
Esti bar o regentaba Teófila a de tiu Luisita, recordu qu'os dumingus
cum'a paga que nos daba o cura comprabamus um merengui i um vassu de
Casera, tô, sirian duas pesetas, si tinhamus tres dibamus o cini.
Agrada vel que manhegus ausentis tantus anus do Lugal, mantenin a fala
i cumu num, tamen a escribin, esta chama num se poi apagal numca.
Soidi pâ tôs i pâ fala, un saluu de Nachitu.

Amigu Nachitu:
Ei tamen me acordu de o bar que didis; pero divias ser muy pequenu, ya que teñu mais edai que tú. Ei creu que nun duró mutu tempu, pero Teófila valía pa o negocio y efectivamenti, caricía de luz eléctrica y por isu se le denominaba o "bar candil". Anteriormente o Local había siu unha Sastreria.
Comu se nota Nachitu que eris de tempus mais modernus. Isu de que o cura te daba duas o tres pesetas de paga, o e cuñuciu ei, pero fora de o nosu lugar, ya que en a miña época nun uiví de que os monaguillus cobraran naa, pues D. Eduardo (q.e.d) nun creu que soltara prenda y logo D. Felipe, tampoco.
Agora me venin os recordus de aquelas Falangistas que foran a lugar a dar clasis de baili regional y esti cura que nombru diva tamen a o baili de o gatu, aunque nun bailaba, si estaba de espectador.
Soidi a "Fala", Mañegas y Mañegus.
Chalrrieira.

Amigu Chalrrieira:
Tenhu agó cincuenta i cuatru anus. Don Filipi era o cura que me toco en
sorti, duri poicu de monaguilhu, a paga num compensaba as mairugas da
misa temprana, os rosarius mos pirdia pur dil con mei pairi enos
camios, logu o maestru me pegaba pol faltal a esti uficiu.
O bar candil era frecuentau pur os tres mosqueteirus, Manin, Chenchu i
Jeruchi, sempris estaban xiuntus.
Da sastriria num'acordu, se que ali trabalhaba Camilu cumu sastri que era, peru istu fui antis de nacel ei.
Do forti tenhu bos recordus, mei pairi idia que era o máis friu do Lugal, recordu os carambanus eno invernu, o agua que seia do pilón
se helaba i os patinadus estaban aseguraus.
Claru que recordu inflal as roas do camios cum'a bomba de pé, se suaba
un ratu i tinha sua técnica.
Bueno marineiru, siguiremus navegandu enos recordus tan agradabris.
Un forti abrazu.
Soidi pâ tôs i pâ fala.

Mais que na por animal un poicu o cotarru con coixas que recordamus de a nosa niñé en San Martin. ya fairá unos 53 anus que miña mairi nos agarró a mei hermanu y a mi y nos fomus de o lugar pa o "norti", esi sitio donde paricia que ataban os perrus con longanizas y donde parecia que daban os durus a pexeta.
Pues puiquitus dias antis de vinus pa o norti, mei hermanu y meis amigus Banin(de tiu Jerónimu), Pepi o Gatu, Peiru o carteiru y ei nos fomus pa o Forti pa una tená (creu que se chama asi) donde agora han feitu algunas casas conun parqui infantil por baixu, en o mismu cruci pa di as Ellas y a Valverdi. Pues nos subimus a o tellau de donde guardaba as vacas (poil sel un tal Sr. Jesús??) que sei ei, en fin y nos liamus a quital tellas pa tiralselas a os pobris animais. Nun veas como deisamus o cubertizu pelau de tellas. Pa velsi quidu algún de nos pa baixu y habello matau os pobris animais que diban bramandu de un lau pa otru do curral.
En fin, vamos que creo que os animais nu recordu ben si eren os que currian abaixu u os que tiraban as tellas desde arriba. Anda que nun quearian descansás as vacas cuando se enteirorin que dois de os "animais" se habian diu pa o "norti"
Un abrazu pa tos os mañegus
y Soidi a fala

¡Vaya prendas con os que te xuntabas!.¿eh? De tos maneiras, eran boa xenti, desraciamenti dois de elis han despariciu ya y a tempara edai y Urbanu tos os anus vay por o lugal. O que mais y o que menus ha feitu de as suas. Tu en a tená de Ojestu, por os datus que das, y un que ei se le fideran pagal a sei pairi, con algun masi, pero nun tos os que participorin, tellas de as escuelas novas, por xugal, si inauguralas, a manos en alto, por aquelis tellaus, a estilu "rambo". Ago como con as Pleys, os dagalitus fain o que le da a gana, nun hay tanta imaginación y tanta travesura.Nun se que siria millol, si rompelsi os pantalós por a resbaleira, y aguandal un par de guantás,o quealsi a vista en a "¨pantalla". Na mais por oixi, un Abrazu pa tos de Chitu.,

Estimaus amigus de o Foru:
Alfena, esperu que te hayas arripintiu de tirali tellas as pobris vacas, ya que num eran resis bravas, sinon eran paa tirar de o arau y tamen de os carrus.
Nachitu, num se si te acordarás de un camión que tiña tei pairi o tei tiu, que le chamábamus o "camión rusu", que tiña unhas roas muy grandis, y feya mutu ruiu, pero paa subir a costas,roar por o barru, si era boo, ya que tiña a tracción mecánica de a cabina as roas de atrás muy cerca; num patinaba comu otrus, que viñan por a calzaa do conventu y pasaban por o fornu.
Voos acordeis dagais de cuandu nos cangábamus de a escaleira de atrás de o cochi Correu, a entrar en a chamá "carreteira nova", alí aproveitábamus, porque aminoraba a carreira, paa cangarsi.
Soidi a Fala, Mañegas y Mañegus.
Chalrrieira.

Boas noitis a tôs.
Ei esi camion num o cunhuci, pero era de toa a familia,
se que se vendei i logu se desfidu a sociai familial.
Máis tardi mei tiu Jesús emprendei sei negociu tendu
cumu empleaus a mei tiu Cándidu i a mei pairi.
M'acordu do curral de Juanilhu en frenti da cochera i
de sei filhu Tomas, esti siria máis de tei tempu.
Pol baixu vivia tiu Pantaleón, tiu Rachau pur encima,
tiu Boteti o guarda i num m'acordu de máis.
Recordu que esti últimu era um dos do Somatén, recordu
velo sel a pasal revista ao cuartel con aquel artilugiu.
Siguiremus recordandu máis coissas.
Forti abrazu i larga via a fala.

Estimau Nachitu: O curral de que falas era de tiu Juanillu, o pairi de Tomás y tiña arrimau a paré un "laureleiru". Tomás é mayor que ei, tres o cuatru anus. Era muy simpáticu y agradable falar con él; creu que en esti Foru ha escritu algu.
Tiu Boteti o guarda, tiña una "tercerola" o escopeta que a utilizaba paa levala a o campu.
Ya comentó o amigu y tristi "Fontinova" en esti Foru, que tiu Pantaleón, chamaba as galiñas con unha campana y se puñia en a mitai de a carreteira.Tamén D. Ciprianu nos chamaba con unha campanita, paa subir a Escuela dispois de o recreu.
Tamen recordu que encima de a cocheira dondi guardaban os camios, tei pairi y tius, viví un Encargau General de D. Luis Gutierrez de Ojesto, aparti de D. Avelinu (q.e.d), que tamen vivia en o Forti.
Soidi a Fala as Mañegas y Mañegus
Chalrrieira.