San Martín de Trevejo - Caceres

Bôs días tenáis tôs:

Fai un-hos dís estuvi en o lugal (ya feia caisi un anuu que nun diba).
Estuvi falandu con un furista en o cementeriu y me dixiu que tinha que participar máis en esti foru, que nun fora tan vagu, y máis coisas ¿verdáis M...?.
Bueno, tenhu algun-has coisas que ei chamu vivencias y recordus, y en o número 4 está un--ha, referenti a o día de San Martinhu. Cumu ha síu fai poicu, aei a tendis pâ que vos entreteñáis.



IV.- DIA DE SAN MARTINHU

Esperandu toa semana
estaba a chiquillería,
a que chegara esi día
pâ divirtilsi con ganas.
Ya están tocando as campanas
que anuncian a procesión;
ya ha seidu o nossu patrón
por as callis d´o lugal:
voi a dilo a acompalal
cumu manda a tradición.

Me acordu cuandu chaval
do turroneiru dos foius;
de tia Tina alí en os poius,
vendendu chochus a real

Y do tíu d´a ruleta
en dondi, si tinhas tinu
te puías leval de continu
hasta un-ha piruleta.

Y o tiru con escopeta
que a os máis maioris gustaba;
aquel tíu que pregonaba
“tres tiros una peseta”.
Y que tiña un ”armamentu”,
que, apuntandu pâ San Xiuán
le puías dali de momentu
a o balu d´un-ha campán.

Desde tempus ancestráis,
en o día de San Martinhu,
familiaris y vidiñus
y otras mutas amistáis:
venin a probal o vinhu.

Bueno, agora vemus que hay quin se aburri en o día de San Martinhhu. Estoi con Chenchu, que o aburrimentu naci de dentru. Ya poi o Axiuntamentu, un-ha asociación, o quin queira, programar, ofertar activiáis, que sempris habrá, claro está, a quin nun le gusti, ninhuna de elas. Si sólu pensa en isu, se aburrirá.

A propositu de o tíu d´a ruleta, recordu que díbamus un grupu de dagáis, a gastalnus algun-ha "perra gorda", (poicu máis), y un de nossotrus se dó conta que tirandu a ruleta, o únicu que puíamus era perder, porque comprali a esi mismu señol d´a ruleta cualquel chuchería que tuvera, custaba igual que fel un-ha tirá, con a cual, si te queia en blancu pirdías, y si atinabas sólu ganhabas o importi apostáu, bueno que nun tinha conta tirar a ruleta. Cumu se fidu esa refleión en vó alta, o tíu d´a ruleta nun nos dexió acercalnus a misma en toa tardi, nun fora que le "espantáramus" os clientis.

Bueno, que teñáis, cumu idía máis arriba un bô dumingu. SOIDI

B_RODAS

Num estuvi,pero me o han contau,As pichorras se abriran y os corazos dos mañegus tamén.Qué linda ocasion pa abrazus,recordus,dorrás,brindis y sintiemntus.
Un mecu da CIAI,muy quiriu pur toos foi o mayordomu.Dalí basiorin hovus,farinatus,chuirizus y formaliai castellana.Num so criian.San Martín enteiru uniu,entregau,repartindi too que tiña.Qué lugar temus.Semprihe ditu que ha siu un-a sorti nacel en él.
Entre toos,vamus a siguil cuidando.Gracias y SOIDI

Asi me gusta,que nos acompañis mais a menu,con esas coisas que nos contas,recordandu otrus tempus.Nun parare de insistil en que se te de o premiu de "poeta do foru" y que sea estas naviais.
Forti Abrazu

Que dia de San martiñu tan lindu asta san martiñu tubu poel para quenun queira nin gota de agua Foran dois dia que asta os avia que se tiñan que quitar asta as chaquetas ,Comu didi fincacha a qui se comi deto ubu farinatu hovus Garbanzus con tripa y tamen FIDEGUA Esmperamus chegar a hotru anu y que poyan vir tos aquelis que nun an puiu vir esti anu

Ya se han aburriu os mañegus do nosu foru ....
pareci que esta mais de moa... escribil en o Facebook

Brodas ,porque te has dau a pena d'escribil aqui unhos versus,
ei te mandu, as miñas felicitacios,



Queru tamen felicitar ,a tos os que tan uniamenti, habeis festejeau o dia de San Martiñu... queira o Santu que seamus asi ,en mutas otras coisas ,unius y sin discordias
Soidi pa tos
Anduriña

Bos días a toas as persoas que escribin nesti fíu.
Me presentu.
Soy valverdeiru.
Alimentu un'a bitácora que agora us tempus modernus dan en chamal "blog"
É esta: https://alverdidufresnu.blogspot.com/
Me gustaría subil un artículo enu que estoy trabalhandu que trata de San Martín y da festa de San Martinho.
Si queréis ajudalmi solo tindis que escribil nesti fíu si habéis vivíu o us vosus mayoris vus contaran algu'a ve si cua festa de San Martinho, ademáis de encetal u vinhu novu, se celebraba tamén comu día da matanza, o qué era típicu sacal ena boiga cua proba du vinhu.
Si alguén quel cu nombri cu sei nomi o como se le cunhoza enu lugal, poi dicelmu escribindu un privau.
En to casu, vus doy anticipás gracias y felicitu a Breda pur a sua poesía recordandu a festa. Me gustaría contal cua sua aprobación pa subil a última estrofa.
Que disfrutéis de un felí día.