San Martín de Trevejo - Caceres

Asisti en Villafranca do Penedés en VINSEUM
"Museu de les Cultures de Vi de Catalunya"
a unha conferencia sobre cúmu afecta a viña
a escasez de lluvia, a realiai do cambiu climaticu
y si o secretu de un bo viñu está en a terra y o clima...

Que as zonas de produccion de viñu se están desplazandu
ca vez mais hacia o norti (Escandinavia, Eslovenia, Alemania
e Inglaterra)y afectará a "Denominación de Origen".Ha siu un error
plantar Merlot, Pinot, Chardonnay en o mediterraneu porque nun toleran
as altas temperaturas.O sea, que a Chardonnay que se cultiva hoyi
en o Penedés se tendrá que trasladar a regios do prepirineu de Lleida.
Que as espalderas (estilu parral y ben alineas)son negativas
porque deixan as uvas expostas a o demasiau sol do mes de agostu.
Bodegas Torres ya nun desfolla as parras.
Hay que buscar otrus métodus pa que as uvas se manteñan en a sombra, o sea, volver a viña clásica.sE dixu que os viñus permaneceran menus tempu en botella.
Me gustaría saber mais sobre esti tema.

bos días.

Nun creas que e facil sabel, o que se didi sabel, de viñus, por que os estudiosus nun acaban de aprendel nunca y sempris están investigandu a forma de, o ben cumbinal-mezclar caldus de a millol maneira pa que teñan saboris exquisitus o ben crialos y mantelos igual o millol que redén feituso transdormaus. Desde que a filoxera acabó con as viñas en España, pareci ser que hubu que adaptal as vidis que truxeran tantu de Francia como de america y agó como o viñu está , ca dia mais, gañandu adeptus, me refieru a o viñu de caliai, non o normal de Cooperativa, as mismas boigas que tiñan produccios masivas se están preocupandu de recortal, a vedis, esa producción pa fela de caliai. Tes radón en o que didis de os tipus de uva y a sua adaptación climatológica. Aquí a tempranillu pego de maravilla y con as suas varieais nos proporciona tantu unhos magnificus Rivera, como Rioja, como Castilla-Leon o Castilla-La Mancha, Toro, Valdepeñas etec., .As varieais que tu mencionas, son de blancu y delicás y os dueñus de boigas que querin fel experimentus a vedis le custa a perras ben; sin embargu, oxi hay viñas ya controlás por ordenaol y tenin regu subterraneu, sin que isu faya desmilloral a sua caliai. Visití fai poicu unha viña en Rueda, con uhna estupenda uva de verdejo, perfectamenti adaptá a os bruscus cambius de temperatura de a zona y tiña regu subterraneu por goteu, por que superficialmenti a humeai sa leva o sol y produdi excesiva herva, asi as reidis se afianzan mas abaisu y aquilu funciona. Istu e un ejemplu de o que se está estudiandu y fendu pa solvental os probelas que tu expos ,.Puiamus falal un monton sobre o viñu, pero en o Foru tamen hay quin sabi mutu de esti tema, por que os viñus nun son solu isu , son , desde que a planta se pon en a terra, algu vivu y en constanti evolución, que, cantiai variá de expertus en ca materia, cuidan. Logu, nosotrus, a os que nos gusta saboreal ca unha de as multiplis variais que hay en esta nación nosa y en as pachorras claro está, pero isu e otra coisa, o que feimus solu e bebelos, pagalos y criticalos y, amigu chechu, ¡Que bo está un bo viñu gastronómicamenti ben acompañau ¡ ¿ O non? Catí o Domingu un “Finca la Estacada” ( sin fel publiciai) de 2.004, con seis varieais de uva, que……….nin te contu. Un saluu cordial, Chitu.