San Martín de Trevejo - Caceres

E de bem nacius ser agradicius, didi o refran, pues isu, mei agradecimentu a os foristas que me deran a benvinda.

Num me gusta escribir, e duru, i escribir sin cobrar, agotaor. Logu está o problema de a sintaxis i que si poñu o sujetu de esti lau de a oración o en esti otru que si aqui conven unha coma o un puntu i coma, que si he postu levaba con duas bes. Nunhe o mismu ser que estar, que va, tampoco quearsi e igual que parar, cta, cta, cta.

I por si fora poicu, os sicologus didin "que queriamus o non a escritura acaba sendu un espellu de caractir moral dondi se nos ve a tos os puntus negrus de a alma".

O sea, que se nos ve o plumeiru, i ademais sempri me queu con a duda, ¿hay censura o me autocensuru?

Dun asi, voi a colaborar a manter vivu o mañegu porque me entreten, me instruyi, me deleita i me consola.

NOTA: Tos os dias dexaparecin falas vernaculas. ¡Desolaor!

¡Sorti a fala mañega!

En estis cassus me vén a memoria unha frasi que didin en a pilicula "Pantaleón y las visitadoras" cuandu le pegan unh tiru ao maquinista do tren: "La cagaste Troncoso".
Soidi a Fala