San Martín de Trevejo - Caceres

Estuvi aiel en o cementeriu, a redal (un inda é creienti), por os difuntus, por tôs aquelis familiaris y ancestrus que nos precederan; por aquelis mañegus (y mañegas) dôs que apredemus algu. Así o didi o libru d´o Deuteronomio: Es, pues, un pensamiento santo y saludable rogar por los difuntos, (Dt, 7:25-26)

Me encuntrí algún furista, que amablimenti me saluó, y que me (de forma educá, isu sí) regañó que tuvera algu abandonáu o foru.
É verdáis que, ha había un-ha temporá que as aguas d´o foru nun escorregaban cumu ei quiría, y que era millol dexial pasal o tempu, que o calma tô y que, de un-ha maneira u otra, pon a cá´un en sei sitiu.
Y alí en o Cementeriu, en “a relva”, cumu idimus nosotrus, me viñeran mutus recordus de otrus tempos pasáus, nun milhoris, pero tampuicu pioris. Recordus de cuandu acompañaba a Don Eduardo (quizá a otrus curas tamén), entonando aquelis responsus:
(inda m´acordu d´elis):
Memento mei Deus quia ventus est vita mea: nec aspiciat me visus hominis.
De profundis clamavi ad te, Domine: Domine, exaudi vocem meam. Nec aspiciat me visus hominis.
Kyrie eleison. Christe eleison. Kyrie eleison.
Requiescant in pace. Amen
Pero agô que ia somos maioris (al menus o soi ei), aplicas y escutas esas filosofías, que, a lo largu i anchu d´o tempu, hemus ripitíu de forma insistenti. Frasis y ditus que poemas ripitil tôs cuantus hemus díu (¿quin non?) algun-ha vé p´o cementerio:
Ditus tan elementáis cumu: ¡ Bueno, mentras poamus vil por nosu pé, nun está mal!
O estis otrus: ¡non, si tôs acabaremus aquí!, ¡bueno, p´aquí pa Relva, tardi a tempranu tendremos que vil tôs!, aunque sempris habrá algún que matici: ¡bueno, o nos trairán!.
Y salúas a un, a un-ha, a o de máis alá, y, pensas que, a pesal de tô, tenin radón. É un-ha filosofía de campanariu, si queréis, pero certa.

Pero nun é menus certu, que, siguindu filosofandu, pensandu, ei chiguí a un-ha conclusión, que por verdadeira, nun dexia de ser menus paradójica: Conhozu a máis xienti que “mora” en o campu santu, que a xienti viva en o lugal. Nun tes máis que dalti un-ha volta por esi cementeriu y uivirás expresiôs cumu éstas:
¡Si home, esti é o pairi de…!
¿nun t´acordas d´o sogru de tiu ...?.
¡esta é a güela de a mulher de ...!. ,
¡aquí reposan os agüelus de os pairis de tíu ...!
Y mutas máis.
Son reflexiós, pensamentus, que, cuandu regresaba p´a capital ma vinieran a menti, y os queru compartil con vosotrus.

Forti abrazu. Muta soidi.

B_RODAS

P.D. Y vos deseu que tardéis mutu en que vos levin p´a Relva.

P.D. 2
Traducción de os latinajus que hai pàrei arriba:
Acuérdate de mí, Dios mío, pues mi vida es como un suspiro: no dejes que se posen en mí ojos humanos.
Desde las profundidades te llamo, Señor. Señor, escucha mi voz. No dejes que se posen en mí ojos humanos. (Salmo 130, 1 y 2).
Señor, ten piedad. Cristo, ten piedad. Señor, ten piedad.
Descanse en paz. Amén.

Brodas, boas reflexiós pa o mes de os difuntus por escelencia, noviembri.
Poicas vedis nos paramus en pensal en algu que tos temus tan certu, a morti.
Cuandu era máis jovencita pensaba que pa mi era algu muy, muy lejanu y agora a puntu de entrar en o meiu siglu o pensu muy a menú, pero isu aixua a rectificar antis, a pensar ben dos demáis, a pisar a soberbia que a tos nos aflora y enterrala ben, a nun sintirnus imprescindiblis y querer ser a sal de tos os platus.
He muy emotivu ver estis dias en tos os cementerius a tanta yenti que se acerca a estar a o lau de os seris quirius idinduli: te eitu mutu de menus, nun me acostumbru a tua ausencia, nun te ulviu, te levu sempris en o pensamentu...
Que nos esperin palá mutus anus!!

Me alegru mutu tamen de o bo camiñu y a boa armonia que a voltu a o foru, certu e que e cuestión de esperal.

Muta soidi pa tos.

mye

Ei tamen estuvi en o cementeriu,estaba comu sempri cheu de genti,e algu que esta muy uniu a os mañegus,veu que Brodas me as feitu casu y que volvis a trel a o foru tranquiliai con esa prosa que tan ben sabis utilizal.
Cuñuci a Cachina un tiu simpaticu y muy listu,tos querin que volva o foru a sel comu antis y asi sera.Vi a Chunita,opera de un ollu esta perfecta,vamus pareci que ten vinti anus menus.
Chitu andati finu que o nivel das pichorras esta subindu mutu,esperu que pa naviai o demostris.
O lugal cheu de turistas,vamus a pensal un peaji pa entral en o lugal,fora bromas e increibli a genti que vai,esperu se gastin as perras.
E puiu comprobal que muta genti sigui o foru aunque nun escriba,e una forma de estal o dia do lugal,me idia una boa amiga que esta en Suiza.
Buenu mañegus Forti Abrazu