San Martín de Trevejo - Caceres

Manhan pol anoiti se fain as fogueiras cumu manda a tradición pa
celebral a noiti de San Xiuán, que recordus.
Cum pinas i tumilhus feiamus a fogarea na quela calhi Batuecas cum
pisu de peiras desigualas que num se cumu num nos matabamus ao saltal,
sempris reprindius pol tia Margarita a mulhel de tiu Xiuán Pirulu,que
idia,cumu salti um'a chispa pa tená prendi o genu i vamus a tel um
disgustu, que mulhel, falaba um manhegu puru, pos numca a oiví falal
castelhanu, cuandu ia se enfaba mutu eitaba um'a arroiá i nos apagaba
a fogarea, hasta o siguienti anu que se ripitia o mesmu.
Era a maneira de queimal cumu didin agora os maus espiritus i as coissas más, to aquilu que dibia sel ulviau i de pasu perfumábamus o Lugal a mó de incensu, suponhu qu'algu queará d'aquilu inda.
Cum istu se daba pol empezau o verán, tempu de vacacions escolaris i
de disfrutal dos distintus pozus que tinhamus no riu munhu.
Istu ven a contu pa cambeal o torneiru i deixal a matina emprindia cum
a famosa dimisión, as decisions personais hai que respetal.
A queimal tô mau i que saian as coissas boas a reludil.
Forti abrazu pa tos i muta soidi.

Tes radon ,nachitu esi dia en-o lugal por cualquel calli que divas cheiraba o tumillu que os dagalitus dibamus a buscal ¡que tempus aquelis ¡y que aligria habia en as callis saltandu a fogeira .

Agora isu a cambiau y ya non cheira a tumillu.Ya sabemus que e por seguriai...pero que pena non poel pegal aquelis saltus.
Soidi a Fala