San Martín de Trevejo - Caceres

Estimaus tôs.
Pa cambial um poicu de tema, cumu di nossu Cirrumicli, voi a contalvus
minha esperiencia a noiti dos Reiis eno Lugal.
Feia mutisimus anus que num a vivia, asi que dicidi quealmi despois da
festa pa vel cumu era enestis tempus.
Ia num hai cabalus, ago venin en tratol, cumu ha cambiau istu, tampocu
son elis, son elas, num e que sean gais, num me entendais mal, son dagalas, tal ve sea ca igualdai de géneru enos postus de trabalhu ca dia e mais palpabri, pos isu, solu ricunhuci a Ruciu Bacas, as demais num se quin eran, peru divan toas mui ben disfrazas, claru que cum istu da crisis solu tinhan um paixi, num o digu en fimininu num vaia a sel qu'o aministraol num de pasu a semeianti palabra, pos a mesma dixu um'as
palabras a traves d'um microfunu en castelhanu, que pena num o dixera
en manhegu, istu me deixo um poicu tristi, sendu um'a coissa pa os dagalitus que num se potencii o manhegu, falandu cum Mingu de esti tema
me comento que ia num se imparti ena escuela a nossa fala, num habra
presupuestu pinsi ei, agó pareci que querin protegel as lenguas minuritarias, num entendu ná, peru entendu menus que nossotrus mesmus
faiamus tan poicu pur falal en manhegu, a que ven falali a os mininus
o discursitu en castelhaanu ena noiti dos Reiis.
Daban xiuguetis debaixu dos portais xiuntu ao belén, tôs se divan mui
contentus, os pairis o celebraban en Cá Angil a farta de cutilhón.
Peru vos voi a idel qu'a ilusión mais grandi foi a minha, cunti mais de
meiu centu de criaturas, me dixi pa mi, Nachu, Sâ Martin esta vivu, pos
um lugal sin xiuventud e um lugal mortu, esa foi a minha aligria esa
noiti, me foi a ceal en Cá Fori i despois eiti um'os tragus i durmi
cumu un mininu, prenu de satisfacions.
Mairuguí o dia seis, num e que me levantara a vel que m'habian postu, ia vos dixi antis qu'o disfruti a vespura, me foi a tomal o café an
Cá Angil, me dispi de tôs i agarri o pildil pa Bilbu, pos habian anunciau nevi i asi foi, de Burgus pâ cá nevandu, peru as tres da tardi
ia estaba en casa.
A manhan estaba divina, um sol radianti que deslumbraba, subi o portu
sin dalmi conta, que maravilha de carreteira cum relación d'antis,
eno pontón pari a eital um últimu vistadu, foi rápidu pos feia Oº C
num era coissa d'agarral um'a pulmunia, peru num puia deixal de felo,
quiria trelmi ena ritina esi Val nossu, craru qu'um'a ve mais se me vinheran as lágrimas a os olhus, sigu sin poel superal istu despois de
tantus anus, cum que aligria voi pa lá i que dura e a vorta.
Peru num mos poinhamus tristis, a Semán Santa ia esta mais cerca logu insiguia o verán, que rápidu se vivi, ia empezu a distinguil o anu asi,
Semán Santa, verán i naviais, ia tá.
Peru antis de to istu esta San Valintin, se la mur, carnavais i algum'a que otra festa, num corras tantu Nachitu, me dirá Cerrumicli.
Pur dil pensandu ena siguienti reunión do foru, se m'ucurri, purque num sea sempris carni, um bacalau ao pil pil, especialiai particulal, i langustinus ao romeru d'entrá, estis pratus pirmitin ao cudinheiru
estal en toas as salsas cumu o pirrixil, pos se poin fel de vespura i
lugu solu hai que quentalos, num vos relamais antis de tempu.
Forti abrazu pâ tôs i soidi ao manhegu que farta le fai.

Tu pasastis a cabalgata in situ,ei a pasi fendu 4 horas de cola pa volver a recuperal as maletas, te chami desde barajas,pero nun se si sabis que chigui a Paris o jovis por a mañan,dia 8 ,pero muy ben,pena que se acabo muy prontu.
Cuandu chegastis nun te disu Begu que cheirabas a queisu? rico rico.
Bego --cumu nun toe ditu antis to digu agora FILI ANU NOVU.
Hasta a prosima

Bos dias pa os furistas
cana

Bo cambiu de terciu Nachitu. Que nun doblin as campanas, si poi sel, ya mais esti anu en o Lugal, que repiquin, que den voltas de alegría que isu ya e otru soal.
Ei os Reyis os pasí en Jerez. Peru aquí en Palma habia dexau os zapatus en a ventan pa cuandu viñera...peru cuadu chegui nun estaban ni os zapatus. O he siu muy mau o e a puñet.. crissis.
Comu de Begu nun ma´cordu muy ven, le das un abrazu.
Cana mandami o tei correu, esti e o mei. chuchigarcia@telefonica.net.
Veña forti abrazu pa tos.