San Martín de Trevejo - Caceres

Veo que esta o foru muy parau,acabo de chegar y como bo mañegu teñu ganas de chachara con meis paisanus.
Que pasa con os budistas,venin o non.Espero que non porque dondi aparecin colonizan a zona,crean o sei propiu mundu,que con leva apartamentus,tendas de cumia propia,en definitiva nus fagocitaran.
Nun falu porque si,seria bo que se contactara con os sitius donde se han instalao esti tipo de comuniais.Nun digu que sean mas persoas,o contrariu,me refieru a o que acarrean consigu y San Martiñu nun necesita un desarrollu a lo bestia.
Soidi a fala.

Aquí pasa comu con tó, unhos didin que si y otrus didin que non. Amigu Fuñu, o progresu ten que pagal unhan consecuencias; carreteiras, a tranquiliai y asi...Por otru lau nun nos poemus queal aislaus do restu do mundu purque os invernus son largus y nun vamus a vivil solo en o veran y en as festas y algun ponti mais o menus largu.Nun me queru metel en camisas de "ondi varas" y por isu dexu as Autoriais que pensin en os recursus que ten o lugal pa que os visitantis se sentas agustu sin fastidial a os residentis.Agostu e o mes mais cumplicau.Fendu aparcamentus en os tres puntus,As hortas y as duas entrás, cobrandu dos euros por dia, se puia fel to o cascu urbanu peatonal y solu permitir a carga y descarga y asi de pasu pa controlal que nun se dexin os cochis aparcaus, nombral dois municipais fijus-discontinuos pa poñel multas. Esperu vosas críticas y si hai quen me queira felicital, tampocu me voi a enfal.

E verdai, a vedis o Foru se aletarga, ago, o millol, e por que a genti anda en a fasi reflexiva de as elecciós.Millol nun falal de política, pa que un haya maus intindius y se armi. Teñu que idel que, con motivu de o dia de andulcia, me foi a o lugal, ya que con a nova Autovia se chega en na y menus, dindu a velociai propia da carreteira. Didi mei cuñau que esta via de a Plata, e pa os Andaludis “ La avenida de Extremadura” y pa os Extremañus “ La avenida de andalucía” y asi e, ¡menu aliviu pa tos os que a utilizamus de ve en cuandu!; temus mais de tredentus kilometrus ya de autovía pa chegal a o lugal y hemus pasau de tardal, como en tempus, caisi oitu horas, a menus de cuatru.Idia que foi a o lugal y me agradó cuandu en un mitin que se do con motivu de as elecciós, o que viña de fora empezó falandu unha parrafá en mañegu Por algu se empeza. O lugal, en silenciu, limpu y dandu gustu andal por as callis, acompañau na mais que do ruiu de o royu y algunha anduriña; de verdais, era unha autentica godá, dal unha volta por a mañan cuandu o sol empeza a querel entral en as callis. Pena que duró poicu. Pena que inda habia cochis o lau dos macetós da plaza, os que, insistu, entorpecin pa que agenti saqui retratus, que unhos poicus se han sacau estis dias por a afluencia e visitantis, sobre to .andaludis, que se han paseau por o lugal. O Conventu sigui en Obras y, como sain tantus restus arqueológicus,vai a coixa lenta.
Asi que ideis de sacal os cochis do lugal, algu drasticu me pareci, aunque nun mal, de momentu que os saquin da a Plaza. Habrá que pensal en habilital aparcamentus, por que como aparcamus dondi nos da a real gana, mais de unha ve se entorpeci mais do necesariu. En fin, que como reflexión, oixi ya vali. Soidi a fala, y un abrazu pa tos de Chitu.

Benvindu, munhu.
Totalmenti d'a cordu, Sâ Martin num necesita um desarrolhu desenfrenau.
Mutu menus a intrusion d'otras culturas, mais cuandu a nossa esta en fasi de sel difindia i prutigia.
Desarrolhu equilibrau i controlau si, tampocu vamus a estal desfasaus,
peru dundi esta o limiti, esa e a pregunta.
Si venin que venhan, sempris hemus recibiu de bo talanti a os forasteirus, peru o mundu de estis, enos Amiais i o nossu eno lugal.
Num digu que sean bos ni maus, num e tratau cum ninhum, solamenti digu
qu'a libertai delis empeza dundi acaba a minha.
Que meis olhus num vean o lugal cunvirtiu ena cultura do lairilhadu, ni
do bum inmobiliariu, num o queira Dios.
Progresu a cualquel preciu num, hasta ehi puiamus chegal, meu me dan estas coissas, pos veu o cabalu de Troia que se nos poi colal.
Forti abrazu i larga via a fala.

Interexantis i bos escritus. –Prisma!!,tranquilu,pues nun verás a San Martín aislau do restu do mundu. Poro momentu,tés garantizá a afluencia de turistas,i mui prontu a massificación. Pues, puiría sel qu’algún día o dessearas, -se nota que vivis eno Lugal-.

Mira o que didi Chitu: Sevilla/San Martín, menus de cuatru horas; cuandu antis se eitaban oitu. Istu significa, que ya nun hai pereda p’agarral o cochi cualquel fin de semana i dil o Lugal. ,O mismu diría dos que vivin en Mairil,Salamanca ,Valladolid... As distancias,han deissau de sel problema.

Tampocu, fai falta que sea verán. Pues son mutus manhegus i manhegas qu’están ca dois por tres en San Martín. I estis, tamén son turistas que se deissan as perras eno Lugal. Cona diferencia dos demais; qu’estis o miman i respetan. Seguru,qu’hasta hai manhegus qu’habitualmenti nun vivin en San Martín, i que pagan impuestus eno Lugal por sirvicius qu’apenas utilizan.

O munhu: compartu o tei puntu de vista; personalmenti,nunca encuntrí atractiva a idea, de que en San Martín s’assenti un monasteriu Budista. "Ei,soi mui susceptibli i tenhu certus recelus". Certu é,qu’a nossa constitución eno artículu (dedaseis) didi: "la libertad religiosa de culto garantizada por la constitución, da derecho a toda persona, a profesar las creencias religiosas que libremente elija,o a no prefesar ninguna". –Eno nossu país,o Budismu está recunhucíu comu religión oficial. Por tantu; podrán fel vía monástica dondi les apetezca. O que sí está claru,é qu’os ressidentis do Lugal,nun necesitan desta filosofía; pues ya vivin tranquilus i en paz cono mundu. Os manhegus,tamén temus un-ha boa filosofía heredá.

Nachitu: o do cabalu de Troya, é un bo símil do que le poi passal o nossu Lugal.Esparta, le tendei un-ha trampa,que por avaricioxa Troya aceptó mordendu o anzuelu,-sendu a sua destrucción-. Pues, o mal le vinhu de fora.

Soidi a tos, FONTI NOVA

PD. Chitu: ¿qué tipu de restus arqueológicus aparecin eno conventu?.-Siría pil demaxiau a área de cultura qu’informara?.

El presidente del Grupo Sacyr Vallehermoso, Manuel Manrique, que se ha reunido esta mañana con el presidente de la Junta, Guillermo Fernández Vara, asegura que el grupo está interesado en participar en la construcción del futuro aeropuerto internacional privado de Extremadura y en el capital social de la empresa concesionaria.

Manrique ha concretado que la participación de Sacyr en el capital de la concesionaria del aeropuerto dependerá del modelo por el que opte la Junta, ya que se puede constituir una sociedad mixta, privada o totalmente público, informa Efe.

Sacyr ha participado en el proyecto para construir el aeropuerto de Ciudad Real y de Murcia, donde además lidera la concesión.

El presidente del Grupo Sacyr Vallehermoso ha ofrecido al Gobierno extremeño su experiencia en materia de aeropuertos y ha asegurado que, antes de la reunión de hoy, han mantenido ya contactos con "alguna entidad" respecto al proyecto extremeño.

El futuro aeropuerto extremeño estará situado a 17 kilómetro de Cáceres, empezará a operar en 2012 después de una inversión de 180 millones de euros y la previsión es que llegue a 1,1 millones de viajeros en el año 2020.
Istu ven en a prensa(peridicu de Extremaura), o que añadu ei poi sel tamben veña en o futuru.
O progresu e imparabli. De feitu hai signus de civilizaciós que hayan puiu sel superioris a que temus agó.Ben poeramus sel nos unha de estas dentru de milis de anus.
Segun otros comentarios que circulan por el Foro......
Asi mismo este grupo proyecta construir otro aeropuerto en la bella localidad de San Martin de Trevejo donde se preveé un fluju de pasajeros de 2000 a 5000, sobre todo procedentes del Tibet.
Veña, nun vos comais tantu o cocu y a pegalsi un bo lingotadu de viñu, que as penas con viñu caixi ni se notan.
Forti abrazu.