San Martín de Trevejo - Caceres

Aunque sean trivialiais, i pa quo foru nun s’apagui:

En plena era tecnológica, i cuandu nos cambian a hora duas vedis o anu p’ahorral energía -nun veu tal ahorru-. Hai qu’idil,o que sempris s’ha ditu . "Nihil novum sub sole". (Cerrumicli dixit).

De que forma tan sencilha, i con un solu “árbol”,se transmiti o muvimentu necessariu pa dar lugar a to un procexu de fabricación. A milhol técnica, é aquela ena que se cunsigui transformar energía en trabalhu –enesti caxu hidráulica-,da forma mais sencilha i cono menor númeru de componentis. Cuantas vedis,he vistu colocaus componentis en máquinas sin sel necessarius; que tan solu sirvin pa dal averías , i enotrus caxus,pa justifical un preciu.

Esta técnica utilizá desdi Dios sabi cuandu en San Martín hasta fai (dois días),pa a fabricación do adeiti; siría perfectamenti valida hoixi en día,-matrevu a idil qu’hasta milhol-. Tan solu cambiaría: o fluidu do sistema hidráulicu,tantu da bomba, comu do cilindru de prenssal. Si mal nun recordu,creu que por aquel entoncis, s’utilizaba agua pa esti fin,generandu grandis inconvenientis -pora oxidación-. Agora entendu, porqué aquel bo MAESTRU "Tiu Pepi" (Porotu), tinha tantus problemas cona bomba hidráulica .

Tamén suprimiría , o titánicu esforzu de leval adeituna a cestus o hombru,desdi as pilas hasta a tolva d’alimentación. Do restu,mui póicas coixas cambiaría (en cuantu a técnica de fabricación se refieri).-Por entoncis, ¡nun había paru eno Lugal!.

Nun sé,si será poro microclima do nossu Val. Pero o certu,é, qu’o nossu adeiti ,-sin adulteral- , cono sistema de fabricación i prenssau en friu comu antis;ocuparía un lugar d’honor enas milhoris mexas. I claru está, qu’o preciu nun siría inconvenienti algún cuandu se trata de "delicatessen". (Siría,o nossu Vega Sicilia).

Soidi a tos, FONTI NOVA

PD. Esti escritu,o he intentau envial cona fotu: "lagareirus d’o lagal dos lopis" (comu comentariu). -Pero, nun hai maneira.

Claru está,que sempris defenderé a Fala. En minha opinión,nun dibiríamus ponhel a Fala por deyantri de tó , en cuantu a defensa dos interexis do Lugal se refieri.Pensu qu’a industria que tuvu San Martín i que puiría volvel a tel,siriá mais rentabli po Lugal; que o restu do país sepa que falamus un dialectu medieval.Nun somus os unicus con fala propia. I nun creu, qu’estis hayan prosperau precixamenti poro o idioma. Aparti de noxotrus,pensu qu’os demais le trai o frescu a Fala.-Istu,tan solu é un-ha opinión personal.

Aproveitu a ocaxión, pa felicital a os que hoixi cumplin anus.

A mi o que didis me trai recordus de a prensa do lagal dos Lopis, ali o maestru mais antiguu que cuñuci foi tiu Sixtu o Peceiru y a Chapau que(aquilu si que era traballal) cestu a cesto acababa mentendu tos o os anus el solu toa a adeituna de toas as pilas ¡Ten coll...! chovera o nevara, a vedis empapau por que aquilu nun puia paral en epoca de recolección. ¿Vos acordeis de a sopa ? E verdai, Fontinova, que a tecnica era sencilla, a forza de a queida de a agua (muñu romanu? ) era a que por transmisión multiplica por distintus diamatrus de roa mandaba toa a forza pa moel y prensal. Mutus dos que lean istu o millol ni coñoceran aquilu. Cana, si, que ya vai sendu mauru, mauru.Bueno pues le deseo que acabi sendu bellu, muy bellu, con soidi y sendu muy feli, aei acaba to. Un abrazu pa cana, soidi pa falal y un saluu pa tos. Chitu.