San Martín de Trevejo - Caceres

Esti fi de semana he estau en o lugal,me ha dau muta aligria cuandu he vistu a o amigu Julian y me ha ensinau esas cartillas cheas de sellus que le han postu por dondi ha diu pasandu, está muy contentu con cunsiguil esa meta que se propuyu. Ya temus historias pa escutal, por que ya sabeis cumu e Julian, seguru que si escribira o que ha viviu y pasau en esi camiñu, siria unha boa historia, nun vos extrañi que o veamus alguha ve en a pantalla. Enhorabuena Julian o as cunsiguiu, to propuyestis y o fidestis. Un abrazu amigu.
O lugal, muta yenti,a plaza hubu momentus que paricia o mes de agostu, claro que sin mexas, o dia dos Santus hemus tiu un bo día o cementeriu, precioyu con tantas floris y tanta yenti, haber si o cura pa o anu que ven fai a misa por a mañan, y así a yenti de fora nun ten que sel correndu por a tardi, pa poel chegal a boa hora a suas caxas.

E certu vel o contentu que está Julian con a sua meta cumplia, y de to istu aunque haya siu él o que so propuisu y o levó a términu, o que se poi sacal en conclusión e o espiritu de superación que poi tel o ser humanu, "a pesar dos pesaris" que poin sel mutus o poicus, a caún le pesa o sei.
Pero si un se propon unha meta y máis si se le da o sintiu que él le ha dau, de reflexión y aunque a chegar aquí to sigui igual pero con unha meta cumplia, esa esperiencia fortaleci y renova por dentru y por fora.
Así e cumu veu ei a Julian, esa experiencia le ha dau alas pa tirar pa ayantri y superar o que sea. Nun para de contar coisas y sobre to de comentar o solidaria que e a yenti sea do país que sea, y que a gran Torri de Babel, insuperabli pa él, a siu a diversiai de lenguas, pero que con señas y boas maneiras acababa por entendersi.
Tantas horas camiñandu solu y encontarndusi con un mismu por lo menus da pa esa reflesión, que cumu él didi, a vedis e necesaria.
Estoy segura que cuandu teñais oportuniai de escutalo y que vos conti, pasareis un bo ratu, o digu porque a miña hermana y a mí ya nos ha contau y nos hemus riu con ganas.
Soidi pa tos y pa Fala.

mye